Timhaka 13:23 - Xitsonga (Bibele)

²³ Erixakeni ra yena, Xikwembu xi humesele Israele muponisi, a nga Yesu, hilaha xi tshembiseke hakona.

BIBELE Mahungu Lamanene

²³ Erixakeni ra yena, Xikwembu xi nyikile Vaisraele eMuponisi a nga Yesu, hilaha a xi swi tshembisile hakona.

Testamente Leyimpsha Xichangana

²³ Arixakeni ra yena, Xikwembu xinyikile Vaisrayele Muponisi anga Yesu, hilaha axisvitshembisile hakona.

Timhaka 13:23 Referans Kwoze

Matewu 1:1

Buku ya rixaka ra Yesu Kriste, n'wana Davhida, n'wana Abrahama.

Pisalema 132:11

Yehovha u endlile nhlambanyo lowunene ka Davhida, A nga ka a nga hundzuki ka yona, u te: “Ndzi ta veka exiluvelweni xa wena n'wana la velekiweke hi wena.

Nhlavutelo 22:16

“Mina Yesu, ndzi rhumile ntsumi ya mina ku vula vumbhoni bya timhaka teto etikerekeni. Hi mina rimitsu ni rixaka ra Davhida, ni nyeleti leyi voningaka ya mixo.”

Yuda 1:25

eka Xikwembu xi ri xoxe, Muhlayisi wa hina, ha Yesu Kriste, Hosi ya hina, ku ve ku kwetsima, ni vukulu, ni matimba, ni vuhosi, mikarhi hinkwayo yi nga si va kona, ni sweswi, ni ku ya fika emikarhini hinkwayo leyi nga riki na ku hela! Amen.

Timhaka 13:32

“Na hina, ha mi tivisa Evhangeli ya xitshembiso lexi vatata va hina va tshembisiweke xona; hikuva Xikwembu xi xi hetisele eka hina,

Varhoma 1:3

loko xi ringanisa hi n'wana wa xona, Yesu Kriste, Hosi ya hina, la nga huma erixakeni ra Davhida, hitlhelo ra nyama,

2 SAMIELE 7:12

Kutakuloko masiku ya wena ma herile, ni loko u etlerile ni vatata wa wena, ndzi ta pfuxa endzhaku ka wena mbewu leyi nga ta huma eswifungheni swa wena, kutani ndzi ta tiyisa vuhosi bya yona.

1 Yohane 4:14

Kutani, na hina, hi swi vonile, hi va hi tiyisa leswaku Tatana u rhumile N'wana leswaku a va Mulondzovoti wa misava.

2 Petro 3:18

Kambe kulani etintswalweni, ni le ku tiveni ka Yesu Kriste, Hosi ni Muhlayisi wa hina. Ku kwetsima a ku ve eka yena sweswi, ni ku ya fika siku leri nga taka ri nga heri. Amen!

2 Petro 3:2

leswaku mi ta anakanya timhaka leti nga bvumbhiwa hi vaprofeta lava hlawuriweke, ni milawu ya vaapostola va n'wina, leyi nga ya Hosi ni Mulondzovoti:

2 Petro 2:20

Hikuva loko va fularhele thyaka ra misava hi ku tiva Yesu Kriste Hosi ni Mulondzovoti wa hina, kutani va tlhela va khomiwa ha rona, timhaka ta vona ta makumu ti bihile ku tlula leto rhanga.

2 Petro 1:11

Hikuva hi mukhuva wolowo, mi ta hiwa ku nghena eku fumeni loku nga heriki ka Yesu Kriste, Hosi ni Mulondzovoti wa hina.

2 Petro 1:1

Simoni Petro, nandza ni muapostola wa Yesu Kriste; Eka lava averiweke ku pfumela loku ringanaka ni ka hina hi ku saseka, eku lulameni ka Xikwembu xa hina, ni le ka Yesu Kriste, Muhlayisi wa hina:

Tito 1:4

Eka Tito, n'wananga wa xiviri eku pfumeleni loku hi nga na kona swin'we na wena; tintswalo, ni ku rhula, a swi ve na wena, swi huma eka Xikwembu Tatana, ni le ka Hosi Yesu Kriste, Mukutsuri wa hina.

Varhoma 11:26

kutani hi mukhuva wolowo, Vaisraele hinkwavo va ta hlayisiwa, hilaha ku tsariweke leswaku: “Mukutsuri u ta huma eSiyoni, u ta susa xisandzu eka Yakobo”;

Timhaka 3:26

Xikwembu xi sungurile ha n'wina, ku mi humesela nandza wa xona Yesu, xi n'wi rhuma ku ta mi katekisa, hi ku hundzuluxa un'wana ni un'wana wa n'wina eku biheni ka yena.”

Timhaka 2:30

Kambe, leswi ngi a ri muprofeta, ni ku tiva leswaku Xikwembu xi n'wi tshembisile hi ku hlambanya leswaku xi ta tshamisisa exiluvelweni xa yena un'wana wa rixaka ra yena;

Yohane 7:42

Xana Matsalwa a ma vuri leswaku Kriste u ta huma erixakeni ra Davhida emutini wa Betlehema, laha Davhida a humeke kona-ke?”

Yohane 4:42

Kutani va ku eka wansati: “A ha ha pfumeri hikwalaho ka rito ra wena; hikuva na hina hi n'wi twile, kutani ha swi tiva leswaku loyi, hi yena Kriste kunene, mukutsuri wa misava.”

Luka 1:69

xi hi pfuxele ku ponisa lokukulu endlwini ya Davhida, nandza wa xona,

Matewu 22:42

a ku: “Mi ri yini ehenhla ka Kriste xana? I n'wana mani xana?” Va ku eka yena: “N'wana Davhida.”

Matewu 21:9

Kambe mitshungu leyi n'wi rhangeleke emahlweni, ni leyi n'wi landzelaka endzhaku, va bongosa, va ku: “Hosanna (hileswaku, wanga ponisa), eka N'wana Davhida! A ku khensiwe la taka hi vito ra Hosi! Hosanna ematilweni ya le henhla ka tilo.”

Matewu 1:21

U ta veleka wandzisanyana, kutani u ta n'wi thya vito ra Yesu (hileswaku Muponisi), hikuva hi yena la nga ta ponisa tiko ra yena eku biheni ka rona.”

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

Amosi 9:11

“Hi siku rero, ndzi ta pfuxa ntsonga wa Davhida lowu weke, ndzi siva timfa ta khumbi ra wona, laha ri mbundzukeke ndzi ta ri lunghisa, ndzi ta wu aka wu fana ni le mikarhini ya khale;

Esaya 45:21

Vulani, mi va vitana, va kanela swin'we! La bvumbheke swilo sweswo eku sunguleni, la swi vuleke khale, i mani? Xana a hi mina Yehovha? A ku na Xikwembu xin'wana ehandle ka mina, hi mina ntsena Xikwembu lexi lulameke lexi ponisaka.

Esaya 43:11

“Hi mina, mina Yehovha ehandle ka mina a ku na muponisi!

Esaya 11:10

Enkarhini wolowo rimitsu ra Yese ri ta yimiseriwa matiko tanihi mfungho, matiko ma ta ri lava, kutani vuako bya rona byi ta va ku vonakala ntsena.

Esaya 11:1

Kutani rhavi ri ta huma ensinyeni wa Yese, hluke ri ta huma etimitswini ta wona, ri veka mihandzu.

Esaya 7:13

Esaya a ku: “Yingisani, n'wina va yindlu ya Davhida. Xana i mhaka leyitsongo loko mi karhata vanhu, leswi mi karhataka na xona Xikwembu xa mina?

Timhaka 4:12

Kutani a ku na ku hlayiseka ka un'wana, hikuva a ku na vito rimbe ehansi ka matilo, leri nyikiweke exikarhi ka vanhu, leri hi fanelaka ku hanyisiwa ha rona.”

Yeremiya 30:9

Kambe va ta tirhela Yehovha, Xikwembu xa vona, na Davhida, hosi ya vona, loyi ndzi nga ta n'wi veka ka vona.