Timhaka 13:2 - Xitsonga (Bibele)

² Kakuloko va ri karhi va tirha ntirho wa Hosi, va titsona swakudya, Moya lowo Kwetsima wu ku: “Ndzi hlawuleleni Barnaba na Sawulo, va ya entirhweni lowu ndzi va vitaneleke wona.”

BIBELE Mahungu Lamanene

² Loko va ri karhi va titsona swakudya va gandzela Hosi, Moya lowo Kwetsima wu ku: “Ndzi hlawuleleni Barnaba na Sawulo, va ya entirhweni lowu ndzi va vitaneleke wona.”

Testamente Leyimpsha Xichangana

² Loko vali karhi na vatitsona svakuja vagandzela Hosi, Moya Wokwetsima wuku: “Nihlawuleleni Barnaba na Sawulo, vaya ntirhweni lowu ni vavitaneleke wona.”

Timhaka 13:2 Referans Kwoze

Vagalatiya 1:15

Kambe siku swi tsakiseke Xikwembu lexi nga ndzi hlawula, ndza ha ri ekhwirini ra manana, xi va xi ndzi vitana hi tintswalo ta xona,

Timhaka 9:15

Kambe Hosi yi ku eka yena: “Yana, hikuva loyi, i khuwana leri ndzi tihlawuleleke rona, ku yisa vito ra mina eka vamatiko, ni ka tihosi, ni ka vana va Israele;

2 Timotiya 1:11

yoleyi ndzi vekiweke muvuri, ni muapostola, ni mufundhisi wa yona eka vamatiko.

1 Vakorinto 12:11

Kambe Moya wolowo wu ri wun'we wu tirha leswo hinkwaswo, wu ri karhi wu avela un'wana ni un'wana hi laha wu rhandzaka hakona.

Varhoma 1:1

Mina Pawulo, nandza wa Yesu Kriste, ndzi nga vitaniwa ku va muapostola, ndzi hlawuriweke ku tivisa Evhangeli,

1 Timotiya 2:7

lebyi ndzi vekiweke muvulavuri ni muapostola hikwalaho ka byona (ndzi vulavula hi ku tiyisa, a ndzi hembi), ndzi mufundhisi wa vamatiko eku pfumeleni ni le ntiyisweni.

Timhaka 22:21

Kavaloko Hosi yi ku eka mina: ‘Famba, hikuva ndzi ta ku rhuma ekule eka vamatiko.’ ”

Timhaka 14:26

Va suka kona va tlhelela eAntiyoka hi byatso, ku nga laha ingi va nyiketiwile etintswalweni ta Xikwembu, ku ya entirhweni lowu va wu heteke.

Daniele 9:3

Kutani ndzi tlakusa mahlo ya mina eka Hosi Xikwembu, ndzi tilunghisela ku khongela ni ku kombela hi ku titsona swakudya; ndzi funengele nguvu leyo khwaxa, ni nkuma.

Vakolosa 4:17

Kutani mi nge eka Arkipo: “Tilangutisele ntirho lowu u wu averiweke hi Hosi, leswaku u wu heta swinene.”

Luka 2:37

a yi ri noni ya malembe ya ntlhanu wa makume na makume manharhu na mune. A a nga suki etempeleni, kambe a tirhela Xikwembu hi ku titsona swakudya, ni ku khongela vusiku ni nhlekanhi.

1 SAMIELE 2:11

Elikana a tlhelela ekaya ka yena eRhama, kutani wandzisanyana a pfuna entirhweni wa Yehovha, emahlweni ka Heli, muprista.

2 Timotiya 2:2

Kutani timhaka leti u ti tweke eka mina emahlweni ka timbhoni leto tala, u ti veka eka vanhu lavo tshembeka, lava lulamelaka ku dyondzisa van'wana.

Vaefesa 3:7

yoleyo ndzi endliweke mutirheri wa yona hi ku nyika ka tintswalo ta Xikwembu leti ndzi ti nyikiweke hi mitirho ya matimba ya xona;

Timhaka 13:3

Kutani loko va titsonile swakudya, va khongela, va va tlhandleka mavoko, va va rhuma.

Timhaka 10:30

Kavaloko Korneliyo a hlamula, a ku: “Ku hundzile mune wa masiku ku fika sweswi, ndzi titsona swakudya, ndzi khongela endlwini ya mina hi nkarhi wa ntlhanu na mune; kutani ndzi vona munhu a yimile emahlweni ka mina, a ambele tinguvu leti vangamaka, a ku:

Timhaka 10:19

Kutani Petro loko a ri karhi a ha anakanya mahlori lawa, Moya wu ku eka yena: “Vona, vavanuna vanharhu va ku lava;

Timhaka 8:29

Moya wu ku eka Filipi: “Famba, u tshinelela golonyi leyiya.”

Matewu 9:38

Khongelani hakona hosi ya ku tshovela, leswaku yi rhuma vatirhi eku tshoveleni ka yona.”

Matewu 6:16

“Kutani loko mi titsona swakudya, mi nga tshuki mi fana ni vamandzendze lava khwanyalaka mimombo; hikuva va tionha nghohe va ku va ta voniwa hi vanhu leswaku va titsonile swakudya. Kunene ndza mi byela leswaku va kumile hakelo ya vona.

Duteronoma 10:8

Enkarhini wolowo, Yehovha a hlawula rixaka ra Levhi ku rhwala areka ya vumbhoni bya Yehovha, ni ku yima emahlweni ka Yehovha, ni ku n'wi tirhela, ni ku katekisa tiko hi vito ra yena, ku fika siku ra namuntlha.

Vaheveru 5:4

Kambe a ku na munhu la nga titekelaka vuhosi lebyi, loko a nga ri la vitiweke hi Xikwembu, kukotisa Aroni.

2 Timotiya 4:11

ku sele Luka ntsena na mina. Teka Marka, u ta na yena, hikuva u ndzi pfuna ngopfu entirhweni.

2 Timotiya 4:5

Kambe wena, hiteka etimhakeni hinkwato, amukela makhombo, tirha ntirho wa muvuri wa Evhangeli, u hetisa ntirho wa wena.

2 Vakorinto 11:27

ndzi ri ku vavisekeni ni le mikarhalweni, ndzi pfumale ni vurhongo hi masiku, ndzi twe ndlala ni torha, ndzi tsoniwe swakudya kanyingi, ndzi twe xirhami, ndzi hlakalelwe hi tinguvu.

2 Vakorinto 6:5

ni le makhombyeni, ni le timbangeni, ni le ku bohiweni, ni le madzolongeni, ni le ku tirheni, ni le ku hitekeni, ni le ku titsoneni ka swakudya,

1 Vakorinto 7:5

Mi nga tshuki mi tsonana, loko ku nga ri hi ku pfumelelana, hi nkarhi wun'wana, loko mi rhandza ku titsona swakudya ni ku khongela, kutani ndzhaku, mi tlhela mi hlangana, Satana a nga ti tshuka a mi ringa hi ku navela ka n'wina loku mi hlulaka.

Varhoma 15:16

leswaku ndzi va nandza wa Yesu Kriste exikarhi ka vamatiko, ku tirha ntirho wa Evhangeli ya Xikwembu, leswaku vamatiko va ve nhlengo lowu nandzihelaka Xikwembu, wu ri karhi wu kwetsimisiwa hi Moya lowo Kwetsima.

Varhoma 10:15

Kutani va ta dyondzisisa ku yini, loko va nga rhumiwi! Hilaha ku tsariweke leswaku: “Milenge ya lava vulaka Evhangeli ya ku rhula yi sasekile swonghasi; milenge ya lava vulaka timhaka leto saseka!”

Timhaka 20:28

Sweswi n'wina, tivoneleni, ni ntlhambi hinkwawo lowu Moya lowo Kwetsima wu mi vekeke valanguteri va wona, ku risa kereke ya Hosi, leyi yi nga tifuwela yona hi ngati leyi yi nga ya yona hi xiviri.

Timhaka 6:4

Loko hi ri hina, hi ta tshama hi tiyisela exikhongelweni ni le ntirhweni wa rito.”

1 TIKRONIKA 16:4

A veka Valevhi van'wana emahlweni ka areka ya Yehovha ku tirha ntirho ni ku twarisa, ni ku dzunisa, ni ku vonga Yehovha, Xikwembu xa Israele:

Luka 10:1

Endzhaku ka sweswo, Hosi yi tlhela yi veka van'wana va ntlhanu wa makume na makume mambirhi, kutani yi va rhuma havambirhi leswaku va n'wi rhangela emahlweni, emitini hinkwayo ni matlhelo hinkwawo laha a nga ta famba kona.

Timhaka 4:36

Yena Yose, la nga thyiwa Barnaba hi vaapostola, hileswaku N'wana wa ku Chavelela, loyi ingi a ri Mulevhi la tswariweke eKipra,

Timhaka 13:4

Vona-ke, loko va rhumiwile hi Moya lowo Kwetsima, va ngirimela eSelukiya, va nghena ebyatsweni, va pelela eKipra.

Matewu 17:21

Kambe rixaka leri ra mademona, a ri humi loko ku nga ri hi ku khongela, ni ku titsona swakudya.”