Timhaka 13:17 - Xitsonga (Bibele)

¹⁷ Xikwembu xa tiko leri ra Israele xi tihlawulele vatata wa hina, kutani xi kurisile ngopfu tiko leri loko va ha akile emisaveni ya Egipta, xi ko xi va humesa kona hi voko ra matimba.

BIBELE Mahungu Lamanene

¹⁷ Xikwembu xa tiko leri ra Vaisraele xi hlawurile vatata wa hina, kutani loko Vaisraele lava va ha luverile etikweni ra Egipta, Xikwembu xi va kurisa, xi vuya xi va humesa kona hi matimba lamakulu.

Testamente Leyimpsha Xichangana

¹⁷ Xikwembu xa tiko leri ra Vaisrayele xihlawulile vatatana va hina, kutani loko Vaisrayele lava vaha luvelile tikweni ra Gibita, Xikwembu xivakulisa, xivuya xivahumesa kona hi matimba lamakulu.

Timhaka 13:17 Referans Kwoze

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

Mikiya 6:4

Ndzi hlamule! Ndzi ku humesile etikweni ra Egipta, ndzi ku kutsurile endlwini ya vukhumbi, ndzi ku rhangele emahlweni ha va Muxe, na Aroni, na Meriyamu.

Amosi 2:10

Kambe hi mina ndzi nga mi humesa etikweni ra Egipta, ndzi mi fambisa emananga hi malembe ya mune wa makume mi ta fuma tiko ra Vaamori.

Esaya 44:1

“Yingisa sweswi, wena Yakobo, nandza wa mina, na wena Israele loyi ndzi ku hlawuleke,

Pisalema 135:4

Hikuva Yehovha u tihlawulele Yakobo, Na Israele, leswaku a va ndzhaka ya yena.

1 SAMIELE 4:8

Hi le khombyeni! I mani la nga ta hi kutsula emavokweni ya swikwembu leswi swi matimba xana? Hi swona swikwembu leswi nga ba Vaegipta hi makhombo ya tinxakaxaka emananga.

Duteronoma 14:2

Hikuva u tiko leri hlawuleriweke Yehovha, Xikwembu xa wena, kambe Yehovha u ku hlawurile leswaku u va tiko ra yena ra xiviri, exikarhi ka matiko hinkwawo lama nga ehenhla ka misava.

Duteronoma 10:22

Vatata wa wena va rhelele Egipta va ri 70, kutani sweswi, Yehovha, Xikwembu xa wena, u ku andzisile kukotisa tinyeleti ta matilo.

Duteronoma 9:5

A hi ku lulama ka wena, ni vunene bya mbilu ya wena lebyi ku ngheniseke etikweni ra vona, kambe Yehovha u ta teka tiko ra vona emahlweni ka wena hikwalaho ka ku biha ka matiko lawa, ni ku tiyisa rito leri Yehovha a ri hlambanyeleke vatata wa wena, Abrahama, na Isaka, na Yakobo.

Duteronoma 7:19

miringo leyikulu leyi voniweke hi mahlo ya wena, ni swikombiso ni masingita, ni xandla xa matimba, ni voko leri tshambulukeke, swi ri leswi Yehovha, Xikwembu xa wena a ku humeseke ha swona: Yehovha, Xikwembu xa wena, u ta endlisa sweswo eka matiko hinkwawo lawa u ma chavaka.

Duteronoma 4:37

Hikuva xi rhandzile vatata wa wena, kutani xi hlawurile vatukulu va vona endzhaku ka vona, xi ku humesile eEgipta hi mombo wa xona, ni matimba lamakulu ya xona,

Duteronoma 4:34

Kambe xana xikwembu xin'wana xi kona, lexi ringeteke ku titekela tiko exikarhi ka tiko rin'wana hi miringo, ni swikombiso, ni mahlori ni ku lwa hi voko leri tlakukeke ra matimba, ni mitirho leyikulu leyi chavisaka, hilaha Yehovha, Xikwembu xa n'wina, xi mi endleleke hinkwaswo hakona eEgipta emahlweni ka wena?

Duteronoma 4:20

Kambe loko mi ri n'wina, Yehovha u mi tekile, a va a mi humesa efulweni ra Egipta, leswaku mi va tiko ra yena hi xiviri, hilaha mi swi vonaka hakona namuntlha.

Eksoda 18:11

Sweswi, ndza tiva leswaku Yehovha i nkulu eka swikwembu hinkwaswo; hikuva u va hangalasile emhakeni leyi va tikuriseke ha yona.”

Eksoda 13:16

Xi ta va xikombiso evokweni ra wena, ni le mombyeni wa wena; hikuva Yehovha u hi humesile eEgipta hi voko ra matimba.”

Eksoda 13:14

Kutakuloko n'wana wa wena a ku vutisa emikarhini yin'wana, a ku: ‘Mhaka leyi i yihi?’ U ta ku eka yena: ‘Yehovha u hi humesile hi voko ra matimba endlwini ya vukhumbi;

Eksoda 12:51

Ha rona siku rero, Yehovha a humesa vana va Israele etikweni ra Egipta hi mavandla ya vona.

Eksoda 14:8

Kambe Yehovha a nonon'hwisa mbilu ya Faro, hosi ya Egipta, leswaku a landza vana va Israele, hikuva vana va Israele a va humile hi voko ra matimba.