Timhaka 13:15 - Xitsonga (Bibele)

¹⁵ Kuteloko ku hlayiwile mapapila ya nawu ni ya vaprofeta, tihosana ta sinagoga ti rhuma eka vona ti ku: “Vavanuna varikwerhu, loko ri ri kona eka n'wina rito ra ku khongotela vanhu, mi nga vulavula.”

BIBELE Mahungu Lamanene

¹⁵ Endzhaku ka loko ku hlayiwile tindzimana ta Nawu ni ta Vaprofeta, vafambisi va sinagoga va va rhumela rito, va ku: “N'wina varikwerhu, loko mi ri ni rito ro khongotela vanhu, mi nga vulavula.”

Testamente Leyimpsha Xichangana

¹⁵ Ndzhaku ka loko kuhlayiwile tindzimana ta Nawu ni ta Vaprofeta, vafambisi va sinagoga vavarhumela rito, vaku: “N'wina valekwerhu, loko mili ni rito rokhongotela vanhu, mingavulavula.”

Timhaka 13:15 Referans Kwoze

Vaheveru 13:22

Kambe ndza mi khongotela, vamakwerhu, leswaku mi amukela swinene marito lawa ya ku khongotela, hikuva ndzi mi tsalerile hi marito ma nga ri mangani.

Timhaka 15:21

hikuva ku sukela etinxakeni ta khale, Muxe u ni lava n'wi vulaka emutini wun'wana ni wun'wana, leswi a hlayiwaka emasinagogeni hi masiku hinkwawo ya Savata.”

Marka 5:22

Kutani ku fika munhu loyi a vuriwaka Yayiro, un'wana wa tihosi ta sinagoga; kakuloko a vona Yesu, a tiwisa emilengeni ya yena,

1 Vakorinto 14:3

Kambe loko a ri la profetaka, u byela vanhu leswi va akisaka, ni leswi va khongotelaka, ni leswi va chavelelaka.

Varhoma 12:8

la hananaka, a a hanane hi mbilu leyo tenga; la lerisaka, a a lerise hi ku xiya; la endlaka mitirho ya tintswalo, a a endle hi ku tsaka.

Timhaka 22:1

“Vavanuna varikwerhu na vatatana, yingisani sweswi ku tilandzula ka mina eka n'wina.”

Timhaka 18:17

Kavaloko Vagriki hinkwavo va khoma Sostena, hosi ya sinagoga, kutani va n'wi ba emahlweni ka huvo; kambe Galiyo a nga vulanga nchumu ha swona.

Timhaka 13:27

Hikuva lava akeke eYerusalema, ni vakulukumba va vona, leswi va nga tivangiki Yesu, va n'wi avanyisile va hetisisa sweswo marito ya vaprofeta lama hlayiwaka hi Savata rin'wana ni rin'wana.

Timhaka 20:2

Kuteloko a tsemakanyile matiko lawa, ni loko a khongoterile vamakwavo hi marito layo tala, a ya etikweni ra Grikiya, a tshama kona tin'hweti tinharhu.

Timhaka 18:8

Kambe Krispo, hosi ya sinagoga, ni va yindlu ya yena hinkwavo, va pfumela eka Hosi; ni Vakorinto lavo tala loko va twa Pawulo, va pfumela, na vona, va va va khuvuriwa.

Timhaka 15:7

Kuteloko va kanerile ngopfu, Petro a yima, a ku eka vona: “Vavanuna varikwerhu, ma swi tiva leswaku khale Xikwembu xi ndzi hlawurile exikarhi ka n'wina, leswaku vamatiko va yingisa rito hi nomu wa mina, va va va pfumela.

Timhaka 7:2

Stefano a hlamula a ku: “Vavanuna varikwerhu, na n'wina vatatana, ndzi yingiseni! “Xikwembu lexo kwetsima xi tikombisile eka tata wa hina, Abrahama, a ha ri eMesopotamiya, a nga si aka eHarana;

Timhaka 2:37

Kuteloko va swi yingisile va tlhaveka timbilu; kutani va ku eka Petro ni ka vaapostola van'wana: “Vavanuna varikwerhu, hi ta endla yini?”

Timhaka 2:29

“Vavanuna varikwerhu, ndzi nga tiyisa ndzi mi byela leswaku mupatriarka Davhida u file, a va a lahliwa, kutani sirha ra yena ri le xikarhi ka hina, ni namuntlha.

Timhaka 2:4

Kutani hinkwavo va tala hi Moya lowo Kwetsima, va sungula ku vulavula hi tindzimi tin'wana, hilaha Moya wu nga va vulavurisa hakona.

Timhaka 1:16

“Vavanuna varikwerhu, a swi fanela leswaku Tsalwa ri hetiseka, leri nga bvumbhiwa hi Moya lowo Kwetsima, hi nomu wa Davhida, leri vuleke Yudasi, loyi a tiendleke mufambisi wa lava khomeke Yesu.

Luka 16:16

“Ku yime nawu ni vaprofeta ku ko ku fika Yohane Mukhuvuri; ka hari mpfhuka wolowo, ku fuma ka Xikwembu ku vuriwa, kutani un'wana ni un'wana a nghena kona hi matimba.

Timhaka 4:36

Yena Yose, la nga thyiwa Barnaba hi vaapostola, hileswaku N'wana wa ku Chavelela, loyi ingi a ri Mulevhi la tswariweke eKipra,

2 Vakorinto 3:14

Kambe ku anakanya ka vona ku nonon'hwisiwile; hikuva ku fika sweswi, loko va hlaya timhaka ta ntwanano wa khale, xisirhelelo lexo xa ha tshamile, a xi nga suki, hikuva xi ngo susiwa hi Kriste ntsena.

1 Vatesalonika 2:3

Hikuva ku dyondzisa ka hina a ku nga ri ku hemba; hambi ku ri ka thyaka, hambi ma ri mano,