Timhaka 13:11 - Xitsonga (Bibele)

¹¹ Vona sweswi, voko ra Hosi ri le henhla ka wena, u ta fa mahlo, u nga ha voni dyambu nkarhinyana.” Hi nomu lowu, ntima ni munyama swi n'wi wela ehenhla; kutani a gudlagudla, a lava loyi a nga n'wi fambisaka hi voko.

BIBELE Mahungu Lamanene

¹¹ Vona sweswi, voko ra Hosi ri le henhla ka wena, u ta fa mahlo, u heta masiku u nga ha voni nchumu.” Hi nomu lo, mungoma a tela hi riphume ni munyama, kutani a gugurhuteka, a lava vanhu lava va nga n'wi fambisaka hi voko.

Testamente Leyimpsha Xichangana

¹¹ Vona, svosvi voko ra Hosi ri le henhla ka wena, utafa mahlo, uheta masiku na ungahavoni nchumu.” Hi nomo-lo, mungoma ateliwa hi riphume ni munyama, kutani ayingayinga, alava lweyi angamufambisaka hi voko.

Timhaka 13:11 Referans Kwoze

Pisalema 32:4

Hikuva nhlekanhi ni vusiku voko ra wena ri tshama ri ndzi tikela, Matimba ya mina ma hundzuka ku oma ka ximumu.

Eksoda 9:3

voko ra Yehovha ri ta va ehenhla ka mitlhambi ya wena leyi nga enhoveni, ni le henhla ka tihanci, ni le henhla ka timbhongolo, ni le henhla ka tikamela, ni le henhla ka tihomu, ni le henhla ka tinyimpfu, wu ta va ntungu lowukulu.

Vaheveru 10:31

I mhaka leyi chavisaka ku wela emavokweni ya Xikwembu lexi hanyaka.

1 SAMIELE 5:11

Kutani va rhuma vanhu ku ya hlengeleta tindhuna hinkwato ta Vafilista, va ku: “Tlherisani areka ya Xikwembu xa Israele, yi muka ekaya ka yona, yi nga tshuki yi hi dlaya, hina ni tiko ra hina.” Hikuva ku chava ka rifu a ku wele emutini hinkwawo; voko ra Xikwembu a ri wu tikela ngopfu.

2 Petro 2:17

Valavo, i swihlovo leswi nga riki na mati, mapapa lama susumetiwaka hi xidzedze; kambe munyama lowu chavisaka hi ntima, wu hlayiseriwa vona hilaha ku nga heriki.

Yohane 9:39

Yesu a ku: “Ndzi tile emisaveni leyi, ku avanyisa, leswaku lava nga voniki va vona; ni leswaku lava vonaka, va hundzuka lavo fa mahlo.”

Ntirho 19:21

Ndzi tweleni vusiwana! Ndzi tweleni vusiwana, n'wina vanakulorhi! Hikuva voko ra Xikwembu, hi rona leri ndzi beke.

Varhoma 11:25

Hikuva, vamakwerhu, a ndzi swi rhandzi leswaku mi fihleriwa xihundla lexi, mi nga ti tshuka mi tiendla lavo tlhariha: swi ri leswaku ku nonon'hwa ku humelele Vaisraele hitlhelo rin'wana, ku tala ka vamatiko ku ko ku nghena;

Timhaka 9:17

Ananiya a famba, kutani a nghena endlwini, a n'wi tlhandleka mavoko, a ku: “Sawulo, makwerhu, Hosi Yesu la tikombiseke eka wena endleleni leyi u nga ta ha yona, u ndzi rhumile leswaku u tlhela u vona, ni leswaku u tala Moya lowo Kwetsima.”

Esaya 29:10

Hikuva Yehovha u mi nyike moya wa vurhongo, u pfarile mahlo ya n'wina, hileswaku vaprofeta; u funengete tinhloko ta n'wina hi ritsandze, hileswaku vavoni.

Pisalema 38:2

Hikuva miseve ya wena yi ndzi tlhavile, Voko ra wena ri ndzi tikela ngopfu.

2 TIHOSI 6:8

Hosi ya Siriya a yi lwa ni Vaisraele; yi endla makungu ni malandza ya yona, yi ku: “Mixaxa ya mina yi ta va ko karhi.”

1 SAMIELE 5:9

Kuteloko va yi heleketile kona, voko ra Yehovha ri va henhla ka muti: khombo lerikulu ri va kona, ri ba vanhu va muti, ku suka eka lavatsongo, ku yisa eka lavakulu; kutani matshumba ma humelela emirini wa vona.

Genesa 19:11

Kutani va ba hi riphume vanhu lava ngi va ri enyangweni ya yindlu, ku suka ka lontsongo ku fika eka lonkulu, va ko va karhala ku lava nyangwa.