Timhaka 12:7 - Xitsonga (Bibele)

⁷ Kambe vonani, ntsumi ya Hosi yi humelela, ku vonakala ku vangama endlwini; kutani yi hlakahla Petro etsheveni, yi n'wi pfuxa, yi ku: “Hatlisa u pfuka.” Kutani timpecana ti wa emavokweni ya yena.

BIBELE Mahungu Lamanene

⁷ Kutani, hi nomu lo, ntsumi ya Hosi yi humelela; yindlu yi tala ku vonakala; ntsumi yi hlakahla Petro etsheveni, yi n'wi pfuxa, yi ku: “Hatlisa, u pfuka.” Kutani tinketani ti wa emavokweni ya yena.

Testamente Leyimpsha Xichangana

⁷ Kutani, hi nomo-lo, ntsumi ya Hosi yihumelela; yindlo yitala hi kuvonakala; ntsumi yihlakahla Petrosi rheveni, yimupfuxa, yiku: “Hantlisa, upfuka.” Kutani machini mawa mavokweni ya yena.

Timhaka 12:7 Referans Kwoze

Timhaka 5:19

Kambe ntsumi ya Hosi yi pfula tinyangwa ta khotso nivusiku, yi va humesela ehandle, yi ku:

Timhaka 16:26

Kambe hi nomu lowu, ku tsekatseka lokukulu ka misava ku va kona; masungulo ya khotso ma tsekatsekisiwa, tinyangwa hinkwato ti pfuleka, kutani timpecana ta hinkwavo ti tshunxeka.

Pisalema 146:7

U lulamisela lava xanisiwaka; U nyika lava nga ni ndlala swakudya.

Pisalema 107:14

A va humesa emunyameni ni le ndzhutini wa rifu, A tsema timpecana ta vona.

Pisalema 34:7

Ntsumi ya Yehovha yi rhendzela lava n'wi chavaka, Kutani yi va kutsula.

Timhaka 10:30

Kavaloko Korneliyo a hlamula, a ku: “Ku hundzile mune wa masiku ku fika sweswi, ndzi titsona swakudya, ndzi khongela endlwini ya mina hi nkarhi wa ntlhanu na mune; kutani ndzi vona munhu a yimile emahlweni ka mina, a ambele tinguvu leti vangamaka, a ku:

Vaefesa 5:14

Hikwalaho-ke, va nge: “Pfuka, wena la etlelaka, pfuka exikarhi ka vafi; kutani: Kriste u ta ku voninga.”

Timhaka 2:24

loyi, Xikwembu xi n'wi pfuxile, xi n'wi tshunxile etinsingeni ta rifu, hikuva a ku nga ri na hilaha a nga bohiwaka hakona.

Luka 24:4

Va ku va ha hlamala ha swona, vonani, vavanuna vambirhi va humelela eka vona, va ri ni tinguvu leti hatimaka.

Luka 2:9

Kutani, hi nomu lowu, ntsumi ya Hosi yi humelela eka vona, ku vonakala ka Hosi ku va rhendzela, kutani va chava hi ku chava lokukulu.

Mikiya 7:9

Ndzi ta rhwala ku kariha ka Yehovha, hikuva ndzi n'wi dyoherile, leswaku a ta ndzi pfuna emitengweni ya mina, kutani a ndzi avanyisela. U ta ndzi humesela eku vonakaleni, kutani ndzi ta hlalela ku lulama ka yena.

Daniele 6:22

Xikwembu xa mina xi rhumile ntsumi ya xona, yi sivile milomu ya tinghala leswaku ti nga tshuki ti ndzi endla nchumu, hikuva ndzi kumiwile ndzi nga ri na nandzu emahlweni ka xona; ni le mahlweni ka wena, hosi, a ndzi dyohanga nchumu.”

1 TIHOSI 19:7

Ntsumi ya Yehovha yi tlhela yi ta ra vumbirhi yi n'wi khumba, yi ku: “Pfuka, u dya hikuva ndlela ya wena yi lehile ngopfu ku tlula matimba ya wena.”

Timhaka 12:23

Kutani hi nomu lowu, ntsumi ya Hosi yi n'wi ba, hikuva a nga dzunisanga Xikwembu; kutani a dyiwa hi swivungu, a fa.

Timhaka 9:3

A ku a ha famba a ri ekusuhi na Damaska, hi nomu lowu, a tshuka; ku vonakala loku pfaka etilweni kukota rihati, ku n'wi rhendzela.

Habakuku 3:4

Ku humelela ku kwetsima loku ngi i ka dyambu; miseve ya ku vonakala yi pfa eka yena; hilaha matimba ya yena ma fihliweke kona.

Ezekiele 43:2

Kutani ndzi vona ku kwetsima ka Xikwembu xa Israele ku ta ku huma evuxeni. Rito ra xona ri kotisa mpfumawulo wa mati layo tala; kutani misava yi vangama hi ku vonakala ka xona.

Esaya 60:1

“Suka u yima, u va u kwetsima, hikuva ku vonakala ka wena ku xile, kutani ku twala ka Yehovha ku humelele eka wena!

Pisalema 116:16

Hakunene, Yehovha, ndzi nandza wa wena, Ndzi nandza wa wena, n'wana wa nandza wa wena wa wansati, U tshunxile mapindza ya mina.

1 TIHOSI 19:5

Kavaloko a tilata a etlela hansi ka ximudyana. Kutani, waswivo, ntsumi yi ta, yi n'wi khumba, yi ku eka yena: “Pfuka, u dya.”

Nhlavutelo 18:1

Endzhaku ka swona, ndzi vona ntsumi yin'wana leyi xikaka hi le tilweni, yi ri ni matimba lamakulu; kutani misava, yi voningiwa hi ku kwetsima ka yona.

Vaheveru 1:14

Xana hinkwato a hi mimoya leyi tirhaka xana, leyi rhumiweke entirhweni, yi rhumeriwa lava nga ta fuwa ndzhaka ya ku hlayiseka xana?

Timhaka 12:6

Hi siku Heroda a lavaka ku n'wi humesa emahlweni ka tiko, hi vusiku byebyo, Petro a etlele exikarhi ka masocha mambirhi, a bohiwile hi timpecana timbirhi; kutani valanguteri va nyangwa a va langutela khotso.

Habakuku 3:11

Dyambu ni n'weti swi yima exivandleni xa swona hi ku tshuka ku vangama ka miseve ya wena loko yi hundza, ni ku kwetsima ka fumu ra wena loku hatimaka.

Esaya 37:30

“Xikombiso xa wena xi ta va lexi: Va ta dya nan'waka ntuka, ni lembe ra vumbirhi leswi milaka ntsena; kambe lembe ra vunharhu mi ta byala, mi va mi tshovela, mi ta rima masimu ya tivhinya ta n'wina, kutani mi ta dya mihandzu ya tona.

2 SAMIELE 22:29

“Wena Yehovha, u rivoningo ra mina, Xikwembu xi vonakarisa munyama wa mina.

Pisalema 68:6

Xikwembu xi akisa endlwini lava tshikiweke; Xi humesa lava bohiweke xi va veka endzalweni; Kambe lava tiarisaka va tshama ematikweni ya ku oma.

Yeremiya 40:1

Rito ri huma eka Yehovha ri ta eka Yeremiya, loko Nebuzaradani, ndhuna ya valanguteri, a n'wi tlheriserile eRhama, laha a n'wi kumeke kona a bohiwile hi tiketana, a ri exikarhi ka lava khomiweke hinkwavo va Yerusalema, ni va Yuda, va yisiwa eBabilona.

Daniele 3:28

Kutani Nebukadnetsara a vulavula, a ku: “A ku dzunisiwe Xikwembu xa Xadraka, na Mexaka, na Abedi-Nego lexi rhumeke ntsumi ya xona, xi hlayisile malandza ya xona lama xi tshembeke, lama tluleke ku lerisa ka hosi; va tshiketile miri ya vona leswaku va nga tshuki va tirhela ni ku khongela xikwembu xin'wana, loko xi nga ri Xikwembu xa vona.

Matewu 2:13

Kuteloko va sukile, ntsumi ya Hosi, yi ta eka Yosefa hi norho, yi ku: “Pfuka, u teka xihlangi, ni mana wa xona, u balekela eEgipta, u tshama kona ndzi ko ndzi ku byela, hikuva Heroda u ta lava xihlangi ku xi dlaya.”

Timhaka 12:8

Ntsumi yi ku eka yena: “Tikhame xisuti, u vehela ni tintanghu ta wena”; kutani a endlisa sweswo. Kambe yi ku eka yena: “Funengela nguvu ya wena u ndzi landza.”