Timhaka 12:10 - Xitsonga (Bibele)

¹⁰ Loko va hundzile ntlawa wo sungula ni lowa vumbirhi, va fika enyangweni ya nsimbhi leyi yisaka emutini; kutani yi tipfulekela vona, va huma, va famba mpfhuka etsendzeleni; kutani ntsumi yi suka eka yena xikan'we.

BIBELE Mahungu Lamanene

¹⁰ Loko va hundzile ntlawa wo sungula ni lowa vumbirhi, va fika erivantini ra nsimbhi leri pfulekelaka emutini; ri tipfula hi roxe emahlweni ka vona, kutani va huma, va famba mpfhukanyana hi ndlela ya kona; kutani hi nomu lo, ntsumi yi suka yi siya Petro.

Testamente Leyimpsha Xichangana

¹⁰ Loko vahundzile ntlawa wa kusungula ni lowa vumbirhi, vafika xipfalwini xa nsimbi lexipfulekelaka doropeni; xitipfula hixoxe mahlweni ka vona, kutani vahuma, vafamba mpfhukanyana hi ndlela yakona; kutani hi nomo-lo, ntsumi yisuka yisiya Petrosi.

Timhaka 12:10 Referans Kwoze

Timhaka 5:19

Kambe ntsumi ya Hosi yi pfula tinyangwa ta khotso nivusiku, yi va humesela ehandle, yi ku:

Timhaka 16:26

Kambe hi nomu lowu, ku tsekatseka lokukulu ka misava ku va kona; masungulo ya khotso ma tsekatsekisiwa, tinyangwa hinkwato ti pfuleka, kutani timpecana ta hinkwavo ti tshunxeka.

Yohane 20:19

Nimadyambu ya siku rero leri sungulaka vhiki, tinyangwa ti pfariwile laha vadyondzisiwa va hlengeletaneke kona hikwalaho ka ku chava Vayuda, Yesu a ta, a yima exikarhi ka vona, a ku eka vona: “Ku rhula a ku ve na n'wina!”

Esaya 21:8

Kutani a huwelela, a ku: “Hosi, ndza wonga tanihi nghala hi siku hinkwaro, ndzi mulanguteri wa vusiku hi masiku hinkwawo:

Tinhlayo 15:34

Va n'wi nghenisa ekhotsweni, hikuva lexi va faneleke ku n'wi endla xona a xi nga si vuriwa.

Genesa 42:17

A va nghenisa hinkwavo ekhotsweni hi masiku manharhu.

Genesa 40:3

kutani a va nyiketa leswaku va hlayisiwa endlwini ya hosi ya valanguteri, ekhotsweni laha Yosefa a a bohiwile kona.

Nhlavutelo 3:7

“Tsalela ni ntsumi ya kereke ya Filadelfiya, u ku: “ ‘La kwetsimeke, Lowa ntiyiso, La nga ni mpfungura wa Davhida, La pfulaka, ku nga pfari munhu; La pfalaka, ku nga pfuri munhu, u vulavula sweswo, u ri:

Timhaka 12:4

Loko a n'wi khomile, a n'wi nghenisa ekhotsweni, kutani a n'wi nyiketa mitlawa ya mune, ntlawa wun'wana ni wun'wana a wu ri wa mune wa masocha leswaku yi n'wi rindza; a navela ku n'wi humesa emahlweni ka tiko loko Paseka yi hundzile.

Yohane 20:26

Kuteloko ku hundzile masiku ya ntlhanu na manharhu, vadyondzisiwa a va ri kona endlwini, na yena Tomasi a a ri na vona. Yesu a ta, tinyangwa ti pfariwile, a yima exikarhi ka vona a ku: “Ku rhula a ku ve na n'wina!”