Timhaka 11:24 - Xitsonga (Bibele)

²⁴ Hikuva a a ri wanuna wa tintswalo, la teleke Moya lowo Kwetsima ni ku pfumela; kutani ntshungu lowukulu wu namarhela Hosi.

BIBELE Mahungu Lamanene

²⁴ Barnaba a a ri wanuna lonene, la teleke Moya lowo Kwetsima ni ku pfumela; kutani ntshungu lowukulu wu engeteriwa entlaweni wa Hosi.

Testamente Leyimpsha Xichangana

²⁴ Barnaba aali wanuna wa munene, lweyi ateleke hi Moya Wokwetsima ni kupfumela; kutani ntshungu lowukulu wuyengeteleka ntlaweni wa Hosi.

Timhaka 11:24 Referans Kwoze

Timhaka 11:21

Kutani voko ra Hosi ri va na vona; vanhu lavo tala va pfumela, va hundzukela eka Hosi.

Timhaka 5:14

Kutani vunyingi bya lava pfumeleke eka Hosi, a byi ri karhi byi engeteleleka hi vavanuna ni vavasati:

Timhaka 6:5

Makungu walawo ma tsakisa ntshungu hinkwawo; kutani va hlawula Stefano, wanuna la teleke ku pfumela ni Moya lowo Kwetsima, na Filipi, na Prokoro, na Nikanoro, na Timoni, na Parmena, na Nikolawo muproselita wa Antiyoka.

Varhoma 15:15

Kambe kunene ndzi tiyile matimba ku mi tsalela, ku pfuxa timhaka leti etimbilwini ta n'wina hi tintswalo leti ndzi ti nyikiweke hi Xikwembu,

Timhaka 9:31

Kambe tikereke a ti tshamile hi ku rhula hinkwako etikweni ra Yudiya, ni ra Galeliya, ni ra Samariya, ti akisiwa, ti famba exichabyeni xa Hosi; kutani ti andza hi ku chavelela ka Moya lowo Kwetsima.

Timhaka 6:8

Kambe Stefano a a tele tintswalo ni matimba; kutani a endla mahlori ni swikombiso leswikulu exikarhi ka tiko.

Timhaka 6:3

Loko swi ri tano, vamakwerhu, hlawulani vavanuna va ntlhanu na vambirhi exikarhi ka n'wina, lava dzuniwaka, lava teleke Moya lowo Kwetsima ni vutlhari, leswaku hi va veka entirhweni lowo.

Pisalema 112:5

Ku katekile munhu la hananaka a va a lomba; A lulamisa timhaka ta yena hi ku anakanya,

2 SAMIELE 18:27

Mulanguteri a ku: “Ku tsutsuma ka lowo rhanga ku fana ni ku tsutsuma ka Ahimaasi, n'wana Sadoki.” Hosi yi ku: “I munhu lonene; a ta a ri ni mahungu ya ku saseka.”

Varhoma 5:7

Kasi swa nonon'hwa eka un'wana ku fela la lulameke; swimbe un'wana a nga tiyisa mbilu ku fela la endleke swinene.

Timhaka 24:16

Hikwalaho ndzi tiyisaka hi matimba hi masiku hinkwawo leswaku ndzi va ni ripfalo leri nga ndzi soriki emahlweni ka Xikwembu ni vanhu.

Yohane 7:12

Kutani ku hambana a ku ri lokukulu ehenhla ka yena exikarhi ka ntshungu. Van'wana va ku: “I munhu lonene”; van'wana va ku: “E-e, kambe u xisa vanhu.”

Luka 23:50

Kutani ndhuna yin'wana leyi vuriwaka Yosefa, a yi ri kona, a a ri munhu wa tintswalo, la lulameke.

Matewu 19:17

Yesu a hlamula, a ku eka yena: “U ndzi vutisela yini ta leswinene? Lonene i un'we ntsena. Kambe loko u rhandza ku nghena evutomini, hlayisa milawu.”

Matewu 12:35

Munhu wa mbilu leyinene u humesa swilo leswinene exumeni lexinene xa yena, kambe munhu wa nsele u humesa swilo leswo biha exumeni lexo biha xa yena.

Swivuriso 14:14

Wa mbilu leyi tidyelelaka u ta phiriwa hi mikhuva ya yena, Kambe la lulameke u ta xurha hi leswi nga embilwini ya yena.

Swivuriso 13:22

Munhu lonene u siyela vatukulu ndzhaka, Kambe rifuwo ra mudyohi ri siyeriwa la lulameke.

Swivuriso 12:2

Munhu wa vunene u ta kuma tintswalo eka Yehovha, Kambe lowa makungu layo biha u ta avanyisiwa.

Pisalema 37:23

Yehovha u tiyisa mikondzo ya munhu lonene, Kutani u tsakisiwa hi ndlela ya yena.

Timhaka 2:4

Kutani hinkwavo va tala hi Moya lowo Kwetsima, va sungula ku vulavula hi tindzimi tin'wana, hilaha Moya wu nga va vulavurisa hakona.

Timhaka 2:47

va ri karhi va dzunisa Xikwembu, va tsakeriwa hi tiko hinkwaro. Kutani siku rin'wana ni rin'wana Hosi yi engetela kereke hi vanhu lava ponisiweke.