Timhaka 11:14 - Xitsonga (Bibele)

¹⁴ hi yena la nga ta ku byela timhaka leti u nga ta ponisiwa ha tona, wena ni va yindlu ya wena hinkwavo.’

BIBELE Mahungu Lamanene

¹⁴ hi yena la nga ta ku byela timhaka leti u nga ta ponisiwa ha tona, wena ni va ndyangu wa wena hinkwavo.’

Testamente Leyimpsha Xichangana

¹⁴ hi yena lweyi angatakubzela timhaka leti ungataponisiwa ha tona, wena ni va njangu wa wena hinkwawu.’

Timhaka 11:14 Referans Kwoze

Timhaka 16:15

Kutani, kuteloko a khuvuriwile ni va yindlu ya yena, a hi khongela, a ku: “Loko mi ndzi kumile ndzi ri la tshembekeke kunene eka Hosi, mi nga nghena endlwini ya mina, mi tshama kona”; a phikelela leswaku hi ya kona.

Timhaka 10:22

Va ku: “Korneliyo ndhuna ya dzana, wanuna la lulameke, la chavaka Xikwembu, la dzunisiwaka hi tiko hinkwaro ra Vayuda, u lerisiwile hi ntsumi leyo kwetsima ya Xikwembu ku ku vitanela emutini wa yena, a ta yingisa leswi u nga ta n'wi byela swona.”

Timhaka 10:6

U hambukele eka munhu loyi va nge i Simoni, mutlhuvutsi, loyi yindlu ya yena yi nga ekusuhi ni lwandle.”

Timhaka 10:2

a a ri munhu wa vukhongeri, la chavaka Xikwembu kun'we ni va yindlu ya yena hinkwavo; a a hanana ngopfu eka swisiwana swa tiko; a nga rhuteri ku khongela Xikwembu.

Timhaka 2:39

Hikuva ku tshembisa loku, ku hlayeriwe n'wina ni vana va n'wina, ni hinkwavo lava nga ekule, lava va ha taka vitiwa hi Hosi, Xikwembu xa hina.”

Yohane 20:31

Kambe timhaka leti, ti tsariwile leswaku mi pfumela leswaku Yesu i Kriste, N'wana wa Xikwembu, ni leswaku, hi ku pfumela, mi va ni vutomi evitweni ra yena.

Genesa 17:7

“Kutani ndzi ta tiyisa ntwanano wa mina exikarhi ka mina na wena, ni vatukulu va wena endzhaku ka wena, etinxakeni ta vona, wu va ntwanano lowu nga heriki, ndzi ta va Xikwembu xa wena ni xa vatukulu va wena endzhaku ka wena.

Yohane 12:50

kambe ndza swi tiva leswaku nawu wa yena i vutomi lebyi nga heriki; kutani sweswi, leswi ndzi swi vulaka, ndzi swi vula hilaha Tatana a ndzi byeleke hakona.”

Yohane 6:63

Moya hi wona lowu hanyisaka; nyama a yi pfuni nchumu. Timhaka leti ndzi mi byelaka tona, i moya ni vutomi.

Yohane 4:53

Kutani tata wa n'wana a tsundzuka leswaku hi wona nkarhi lowu Yesu a nga te eka yena: “N'wana wa wena u hanyile;” kutani a pfumela ni va yindlu ya yena hinkwavo.

Luka 19:10

hikuva N'wana wa Munhu u tile ku lava ni ku hanyisa leswi loveke.”

Marka 16:16

La nga ta pfumela, kutani a khuvuriwa u ta hlayiseka; kambe la nga pfumeriki, u ta avanyisiwa.

Yeremiya 32:39

Ndzi ta va nyika mbilu yin'we, ni ndlela yin'we ya ku ndzi chava hi masiku, va ta kateka vona, ni vana va vona endzhaku ka vona.

Swivuriso 20:7

Munhu wo lulama u famba eku lulameni ka yena, Ku katekile vana va yena lava n'wi landzaka.

Pisalema 112:2

Rixaka ra yena ri ta va ni matimba emisaveni; Vatukulu va lavo lulama va ta katekisiwa.

Pisalema 103:17

Kambe nsovo wa Yehovha i wa mikarhi hinkwayo eka lava n'wi chavaka, Ni ku lulama ka yena ehenhla ka vana va vana va vona;

Genesa 18:19

Hikuva ndzi n'wi hlawurile leswaku a lerisa vana va yena ni yindlu ya yena endzhaku ka yena, ku hlayisa ndlela ya Yehovha, ni ku endla leswo lulama leswinene, Yehovha a kondza a humesela Abrahama leswi a n'wi tshembiseke swona.”

1 Vakorinto 1:16

Kunene ndzi khuvurile ni va yindlu ya Stefanasi. Loko va ri van'wana, a ndzi swi tivi kumbexana ndzi khuvule un'wanyana;

Timhaka 18:8

Kambe Krispo, hosi ya sinagoga, ni va yindlu ya yena hinkwavo, va pfumela eka Hosi; ni Vakorinto lavo tala loko va twa Pawulo, va pfumela, na vona, va va va khuvuriwa.

Timhaka 10:43

Hi yena vaprofeta hinkwavo va n'wi vuleke hi mhaka leyi nge: Un'wana ni un'wana la pfumelaka eka yena, u ta kuma ku khomeriwa ka swidyoho hi vito ra yena.”

Yohane 6:68

Simoni Petro a hlamula, a ku eka yena: “Hosi, hi nga ya eka mani xana? U ni marito ya vutomi lebyi nga heriki.

Timhaka 11:13

Kavaloko a hi byela hilaha a voneke ntsumi endlwini ya yena, yi n'wi humelela, yi ku eka yena: ‘Rhuma vanhu eYopa, va ya vita Simoni, loyi va nge i Petro;