Timhaka 10:38 - Xitsonga (Bibele)

³⁸ ti nga ta Yesu wa Nazareta, leswaku Xikwembu xi n'wi cherile hi Moya lowo Kwetsima ni matimba a va a famba hinkwako, a ri karhi a endla swinene, a horisa hinkwavo lava fumiweke hi Diyavulosi, hikuva Xikwembu a xi ri na yena.

BIBELE Mahungu Lamanene

³⁸ mi tiva ni ta Yesu wa Nazareta, ni hilaha Xikwembu xi cheleke hakona Moya lowo Kwetsima ni matimba ehenhla ka yena. A a famba-famba hinkwako, a ri karhi a endla leswinene, a horisa hinkwavo lava xanisiwaka hi Diyavulosi, hikuva Xikwembu a xi ri na yena.

Testamente Leyimpsha Xichangana

³⁸ mitiva ni ta Yesu wa Nazareta, ni hilaha Xikwembu xicheleke hakona Moya Wokwetsima ni matimba henhla ka yena. Aafambafamba hinkwaku, na ali karhi ayendla lesvinene, ahanyisa hinkwavu lava vaxanisiwaka hi Diyavulosi, hikuva Xikwembu axili na yena.

Timhaka 10:38 Referans Kwoze

Luka 4:18

“Moya wa Xikwembu wu le ka mina, hikuva xi ndzi totile, xi va xi ndzi rhuma ku byela swisiwana Evhangeli, ku horisa va timbilu leti vavisekaka;

Timhaka 2:22

“Vavanuna va Israele, yingisani timhaka leti: Yesu wa Nazareta wanuna loyi a kombisiweke eka n'wina hi Xikwembu hi mahlori, ni masingita, ni swikombiso leswi Xikwembu xi swi endleke ha yena exikarhi ka n'wina, hilaha mi swi tivaka hakona na n'wina,

Esaya 11:2

Moya wa Yehovha wu ta tshama ehenhla ka yena, moya wa vutlhari ni wa mianakanyo, moya wa ntsundzuxo ni wa matimba, moya wa ku tiva ni wa xichavo xa Yehovha.

Yohane 3:34

Hikuva la rhumiweke hi Xikwembu, u vula marito ya Xikwembu, hikuva Xikwembu xi n'wi nyika Moya ku nga ri hi mpimo.

Vaheveru 1:9

U rhandzile leswo lulama, u vengile leswo homboloka; hikwalaho, oho Xikwembu, Xikwembu xa wena xi ku cheleke hi mafurha ya ku tsakisisa, xi ku veke ehenhla ka varikwenu hinkwavo.”

Pisalema 45:7

U rhandza ku lulama, u venga swo biha; Hikwalaho, Xikwembu, Xikwembu xa wena Xi ku chelele hi mafurha ya ku tsaka exikarhi ka vanakuloni.

Yohane 3:2

a ta eka Yesu nivusiku, a ku eka yena: “Rabi, ha swi tiva leswaku u mufundhisi la humaka eka Xikwembu, hikuva a ku na munhu la nga endlaka mahlori lawa u ma endlaka, loko Xikwembu xi nga ri na yena.”

Matewu 12:28

Kambe loko ndzi hlongola mademona hi Moya wa Xikwembu, hakunene ku fuma ka Xikwembu ku tile eka n'wina.

Luka 3:22

kutani Moya lowo Kwetsima wu xikela ehenhla ka yena wu fana ni tuva hi xivumbeko lexi vonakalaka: kutani rito ri huma etilweni, ri ku: “U N'wana wa mina la rhandziwaka, loyi ndzi tsakisiwaka ha yena.”

Esaya 42:1

“Hi loyi nandza wa mina, loyi ndzi nga ta n'wi yimela, Muhlawuriwa wanga, loyi moya wa mina wu n'wi tsakelaka. Ndzi vekile moya wa mina ehenhla ka yena, u ta dyondzisa vamatiko leswo lulama.

Yohane 10:32

Yesu a va hlamula a ku: “Ndzi mi kombisile mitirho leyo tala leyo saseka, leyi humaka eka Tatana; ndzi khandleriwa wihi eka yona xana?”

Yohane 16:32

Vonani, nkarhi wa ta, ni sweswi, wu tile, lowu mi nga ta hangalaka ha wona, un'wana ni un'wana a famba hi ndlela ya yena, mi ndzi siya ndzi ri swanga, kambe a ndzi swanga hikuva Tatana u na mina.

Pisalema 2:2

Xana tihosi ta misava ti pfukele yini, Ni tihosana ti hlengeletene ha yini na vona, Ku pfukela Yehovha ni Muhlawuriwa wa yena?

1 Yohane 3:8

La dyohaka, i wa Diyavulosi, hikuva Diyavulosi u dyohile ka ha ri eku sunguleni. Hikwalaho N'wana wa Xikwembu a humeleleke, leswaku a herisa mitirho ya Diyavulosi.

Yohane 6:27

Mi nga tirheleni swakudya leswi helaka, kambe tirhelani swakudya leswi nga ta va kona ni le vutomini lebyi nga heriki, leswi mi nga ta swi nyikiwa hi N'wana wa Munhu; hikuva hi yena loyi Xikwembu, a nga Tatana, xi n'wi fungheke.”

Matewu 9:35

Kutani Yesu a tsendzeleka hi miti hinkwayo ni swimitana, a dyondzisa emasinagogeni ya kona, a vula Evhangeli ya ku fuma, a hanyisa mavabyi ni mikarhalo ya tinxakaxaka.

2 TIKRONIKA 17:9

Va dyondzisa etikweni ra Yuda, va ri ni buku ya nawu wa Yehovha; va ya hi miti hinkwayo ya Yuda, va dyondzisa tiko.

1 Petro 5:8

Tikhomeni, mi hiteka; hikuva nala wa n'wina, a nga Diyavulosi wa mi wonga kukota nghala leyi vombaka, yi lava loyi yi nga n'wi dyaka.

Luka 9:42

Kakuloko a tshinela, demona ri n'wi tlatlalata, ri n'wi xanisa hi matimba, kambe Yesu a tshinya moya lowo biha, kutani a horisa n'wana, a n'wi nyika tata wa yena.

Matewu 12:15

Kambe Yesu loko a swi tiva, a suka kona. Kutani mitshungu leyikulu yi n'wi landzelela, kutani a va hanyisa hinkwavo.

Pisalema 2:6

A ku: “Hi mina ndzi toteke hosi yanga eSiyoni, Entshaveni ya mina leyi hlawuriweke.”

Marka 6:6

Kambe a hlamala hi ku ka va nga pfumeri. Kutani a tifambela emitini leyi nga etlhelweni, a ri karhi a dyondzisa.

Luka 9:56

Hikuva N'wana wa Munhu u tile, ku nga ri ku lovisa vanhu kambe ku va hlayisa.” Kutani va ya emutini wun'wana.

Timhaka 10:37

Ma ti tiva na tona timhaka leti humeleleke etikweni hinkwaro ra Yudiya, leti sunguleke hi ra Galeliya, endzhaku ka ku khuvula loku dyondzisiweke hi Yohane;

1 Yohane 2:20

Loko mi ri n'wina, mi amukerile ku cheriwa hi la kwetsimeke, kutani mi tiva hinkwaswo.

Matewu 9:19

Kutani Yesu a suka kun'we ni vadyondzisiwa va yena a n'wi landza.