Timhaka 10:36 - Xitsonga (Bibele)

³⁶ Hi rona rito leri xi ri rhumeleke vana va Israele loko xi vula ku rhula ha Yesu Kriste yi nga Hosi ya hinkwavo.

BIBELE Mahungu Lamanene

³⁶ Rito leri xi ri rhumeleke Vaisraele, ma ri tiva, ri nga rito leri twarisaka mahungu lamanene ya ku rhula ha Yesu Kriste, yena Hosi ya vanhu hinkwavo.

Testamente Leyimpsha Xichangana

³⁶ Rito leri xilirhumeleke Vaisrayele, maritiva, ringa rito leripaluxaka mahungu lamanene ya kurhula ha Yesu Kriste, yena Hosi ya vanhu hinkwavu.

Timhaka 10:36 Referans Kwoze

Matewu 28:18

Kutani Yesu a va tshinelela a vulavula na vona, a ku: “Ndzi nyikiwile vuhosi hinkwabyo etilweni ni le misaveni;

Timhaka 2:36

Hikwalaho, yindlu hinkwayo ya Israele yi fanele ku tiva swinene leswaku Xikwembu xi n'wi endle Hosi ni Kriste, Yesu loyi mi n'wi vambeke.”

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi ni Mufumi wa vafumi; kutani lava a nga na vona hi lava vitaniweke ni vahlawuriwa, ni vapfumeri.”

Nhlavutelo 1:18

ni Loyi a hanyaka; a ndzi file, kutani sweswi, ndza hanya hi masiku ni masiku; ndzi ni mimpfungura ya xivandla xa vafi ni ya rifu.

1 Petro 3:22

la nga ya etikweni, la nga evokweni ra xinene ra Xikwembu; tintsumi, ni tihosi, ni ku fuma swi ri karhi swi vekiwa ehansi ka yena.

1 Vakorinto 15:27

“hikuva Xikwembu xi vekile hinkwaswo ehansi ka mikondzo ya yena.” Loko kutani “hinkwaswo swi vekiwe ehansi ka yena,” swa twakala leswaku la vekeke hinkwaswo ehansi ka yena, a nga hlayiwi kona.

Nhlavutelo 19:16

Kutani u ni vito leri tsariweke engubyeni ni le ndzhumbini wa yena, ri nge: Hosi ya tihosi, ni Mufumi wa vafumi.

Nhlavutelo 1:5

ni ka Yesu Kriste, mbhoni leyi tshembekaka, ni mativula exikarhi ka vafi, ni Hosi ya tihosi ta misava!

Vaheveru 13:20

Xikwembu xa ku rhula lexi vuyiseke exikarhi ka vafi, Hosi ya hina Yesu, murisi lonkulu wa tinyimpfu, hi ngati ya ntwanano lowu nga heriki;

Vafilipiya 2:11

kutani tindzimi hinkwato ti vula leswaku Yesu Kriste i Hosi, ku ve ku dzuniseni ka Xikwembu Tatana.

1 Vakorinto 15:47

Munhu lowo rhanga a a ri wa misava, u endliwile hi misava; kambe munhu wa vumbirhi, a nga Hosi, u huma etilweni.

Varhoma 14:9

Hikuva Kriste u file, kambe u tlhele a hanya, leswaku a va yena la fumaka vafi ni lava hanyaka.

Timhaka 13:46

Kutani Pawulo na Barnaba va va byela, va tiyisa, va ku: “A swi fanela leswaku rito ra Xikwembu ri byeriwa n'wina eku sunguleni; kambe leswi mi ri alaka, mi tiavanyisile lava nga fanekelangiki hi vutomi lebyi nga heriki, maswivo, hi hundzukela eka vamatiko.

Timhaka 13:32

“Na hina, ha mi tivisa Evhangeli ya xitshembiso lexi vatata va hina va tshembisiweke xona; hikuva Xikwembu xi xi hetisele eka hina,

Timhaka 11:19

Loko va ri lava ingi va hangalasiwile hi ku xanisiwa loku nga humelela hikwalaho ka Stefano, va hundzela emahlweni ku ya fika eFenikiya, na Kipra, na Antiyoka, va nga byeri munhu rito loko va nga ri Vayuda ntsena.

Timhaka 5:31

Hi yena loyi Xikwembu xi nga n'wi tlakusela evokweni ra xona ra xinene leswaku a va yena Hosi ni Muponisi, a ta nyika Israele ku hundzuka ni ku khomeriwa ka swidyoho.

Luka 24:47

ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

Matewu 11:27

Swilo hinkwaswo swi vekiwe eka mina hi Tatana; a ku na la tivaka N'wana, loko a nga ri Tatana; naswona a ku na la tivaka Tatana loko a nga ri N'wana, ni loyi N'wana a rhandzaka ku n'wi hlavutela yena.

Matewu 10:6

kambe mi ya eka tinyimpfu leti lahlekeke ta yindlu ya Israele.

Malakiya 3:1

Vonani, ndzi ta rhuma ntsumi ya mina, yi ta lunghisa ndlela emahlweni ka mina; kutani xikan'we, Hosi leyi mi yi lavaka yi ta nghena etempeleni ya yona, yi nga ntsumi ya ntwanano lowu mi wu navelaka. Vonani, wa ta, ku vula Yehovha wa mavandla.

Mikiya 5:2

Loko u ri wena Betlehema-Efrata, u lontsongo ku hlayiwa exikarhi ka tinxaka ta Yuda, eka wena ku ta huma loyi a nga ta va hosi ya Israele, a nga loyi a nga kona ka ha ri eku sunguleni, emikarhini leyi nga riki na ku sungula.

Hosiya 1:7

Loko yi ri yindlu ya Yuda, ndzi ta yi tsetselela, ndzi yi ponisa ha Yehovha, Xikwembu xa yona, ndzi nga ka ndzi nga va ponisi hi miseve; ni tlhari, ni ku lwa, ni tihanci, ni vakhandziyi.”

Esaya 57:19

Loyi a vekaka ku khensa emilon'wini ya vanhu, a ku: “Ku rhula, ku rhula eka loyi a nga ekule, ni ka loyi a nga ekusuhi! Ndzi ta va hanyisa.

Esaya 55:12

“Kunene mi ta huma hi ku tsaka mi ta fambisiwa hi ku rhula, tintshava ni switsunga swi ta tsaka ngopfu emahlweni ka n'wina, kutani mirhi hinkwayo ya nhova yi ta phokotela.

Esaya 9:6

Hikuva hi velekeriwe n'wana, hi nyikiwe n'wana wa wandzisanyana, vuhosi byi vekiwile ekhatleni ra yena. U ta thyiwa Muhlamarisi, Mutsundzuxi, Xikwembu xa matimba, Tatana la nga riki na ku hela, Hosi ya ku rhula;

Esaya 7:14

Hikwalaho-ke, Hosi yi ta mi nyika yi ri yona xikombiso: Vonani wanhwana u ta xurha nyimba, u ta veleka n'wana wa wanuna, kutani u ta n'wi thya vito ra Emanuwele, (Xikwembu xi na hina).

Pisalema 72:7

Emasikwini ya yona, lowo lulama u ta hluka; Ni ku rhula ku ta andza, n'weti wu ko wu nga ha ri kona.

Pisalema 45:11

Hosi yi ta navela ku saseka ka wena, Hikuva hi yena n'wini wa wena; u n'wi khinsamela.

Pisalema 45:6

Oho Xikwembu! Xiluvelo xa wena xi tiyile hi mikarhi ni mikarhi; Nhonga ya vuhosi bya wena i nhonga ya ku lulama.

Vaheveru 1:2

kambe sweswi, hi masiku walawo ya makumu, xi vulavule na hina hi N'wana wa xona, yeloyi xi n'wi vekeke mudyandzhaka wa swilo hinkwaswo, yeloyi kambe xi endleke ha yena hinkwaswo leswi vumbiweke,

Vakolosa 1:20

ni ku hlanganisi swilo hinkwaswo hi yena, hambi swi ri leswi nga emisaveni, hambi swi ri leswi nga ematilweni hikuva hi yena la endleke ku rhula hi ngati ya xihambano xa yena.

Luka 1:79

leri nga huma ehenhla ku voninga lava nga tshama emunyameni ni le ndzhutini wa rifu, ni ku fambisa mikondzo ya hina endleleni ya ku tsaka.”

Timhaka 10:37

Ma ti tiva na tona timhaka leti humeleleke etikweni hinkwaro ra Yudiya, leti sunguleke hi ra Galeliya, endzhaku ka ku khuvula loku dyondzisiweke hi Yohane;

Varhoma 5:1

Kutani leswi hi nga hlayiwa lava lulameke hi ku pfumela, hi ni ku rhula eka Xikwembu ha Yesu Kriste Hosi ya hina,