Timhaka 10:34 - Xitsonga (Bibele)

³⁴ Kutani Petro a ahlamisa nomu a ku: “Kunene ndza swi vonisisa leswaku Xikwembu a xi yi hi nghohe ya vanhu;

BIBELE Mahungu Lamanene

³⁴ Kutani Petro a sungula ku vulavula a ku: “Ndza twisisa swinene sweswi leswaku Xikwembu a xi yi hi nghohe;

Testamente Leyimpsha Xichangana

³⁴ Kutani Petrosi asungula kuvulavula aku: “Svosvi natwisisa svinene lesvaku Xikwembu axiyi hi nghohe;

Timhaka 10:34 Referans Kwoze

Varhoma 2:11

hikuva Xikwembu a xi yi hi nghohe ya vanhu.

2 TIKRONIKA 19:7

Sweswi, xichavo xa Yehovha a xi ve ehenhla ka n'wina; tivoneleni hilaha mi nga ta endla hakona, hikuva eka Yehovha, Xikwembu xa hina, a ku na vumbabva hambi ku ri ku ya hi nghohe ya vanhu, ni ku amukela tinyiko.”

Duteronoma 10:17

hikuva Yehovha, Xikwembu xa n'wina, Xikwembu xa swikwembu ni Hosi ya tihosi, i Xikwembu lexikulu, lexa matimba, ni lexi chavisaka, lexi nga yiki hi nghohe ya vanhu, lexi nga amukeriki tinyiko;

Vakolosa 3:25

Kambe la endlaka leswo homboloka, u ta rhwala leswi a swi endleke, hikuva a ku yiwi hi nghohe ya vanhu.

Ntirho 34:19

Xikwembu a xi yi hi nghohe ya tihosi, A xi languti vafuwi ku tlula swisiwana; Hikuva hinkwavo i mitirho ya mavoko ya xona.

1 Petro 1:17

Kutani loko mi khongela, mi vula Tatana loyi a nga yiki hi nghohe, kambe a avanyisa un'wana ni un'wana hi mitirho ya yena, hanyani hi ku chava enkarhini wa ku xwa ka n'wina la emisaveni.

Vaefesa 6:9

Na n'wina vini, endlisani sweswo eka vona, mi tshika ku va phika, mi ri karhi mi tiva leswaku Hosi ya vona ni ya n'wina yi kona ematilweni, ni leswaku ku ya hi nghohe ku hava eka yona.

Luka 20:21

Va n'wi vutisa, va ku: “Mufundhisi, ha swi tiva leswaku u vulavula u va u dyondzisa hi ku lulama: a ku languti nghohe ya munhu, kambe u dyondzisa ndlela ya Xikwembu hi ntiyiso.

Yakobo 2:9

kambe loko mi ya hi nghohe ya vanhu, ma dyoha, mi ri karhi mi tshinyiwa hi nawu hi leswi mi nga vatluri va wona.

Vakolosa 3:11

Laha a ku na Mugriki, ni loko a ri Muyuda, ni loko ri ri nkwerha, ni loko ri ri khuna, ni loko a ri mubarbari, ni loko a ri Muskita, ni loko a ri hlonga la fuyiweke, ni loko a ri la nga fuyiwangiki, kambe Kriste i hinkwaswo eka hinkwavo.

Vagalatiya 2:6

Loko va ri lava hlayiwaka leswaku hi lavo rhanga, (hambi va ri lavo yini na yini, a swi na mhaka eka mina, hikuva Xikwembu a xi yi hi nghohe ya vanhu); ndzi ri: Lava ringanisiwaka leswaku hi lavo rhanga, a va ndzi engetelanga nchumu;

Yakobo 2:4

a mi hlawulanga etimbilwini ta n'wina xana, mi va vaavanyisi va ku anakanya loko biha?

Duteronoma 16:19

U nga tshuki u voyamisa ku lulama; u nga tshuki u ya hi nghohe ya vanhu, kambe u nga tshuki u amukela tinyiko, hikuva nyiko yi phumerisa mahlo ya tintlhari, kambe yi onha timhaka ta lavo lulama.

Matewu 22:16

Kutani va rhuma eka yena vadyondzisiwa va vona ni va ka Heroda, va ya n'wi byela, va ku: “Mufundhisi, ha swi tiva leswaku wa vurisa, ni leswaku u dyondzisa ndlela ya Xikwembu hi ntiyiso, u nga chavisiwi hi munhu, hikuva a wu languti nghohe ya munhu.

Matewu 5:2

Kutani a ahlamisa nomu wa yena, a va dyondzisa a ku:

Timhaka 8:35

Kutani Filipi a ahlamisa nomu, a sungula hi tsalwa leri, a n'wi byela Evhangeli ya Yesu.

Duteronoma 1:17

Mi nga tshuki mi avanyisa hi ku ya hi nghohe ya vanhu; mi ta yingisa lontsongo kukotisa lonkulu; mi nga tshuki mi chava vanhu, hikuva ku avanyisa ku huma eka Xikwembu; kutakuloko yin'wana mhaka yi mi tsandza, mi ta yi tisa emahlweni ka mina, ndzi ta yi yingisa.’

Timhaka 10:33

Hikwalaho ndzi hatliseke ku rhuma vanhu eka wena; kambe u endlile swona loko u tile; sweswi, hinkwerhu hi tshamile la, kun'we emahlweni ka Xikwembu, ku yingisa hinkwaswo leswi Xikwembu xi ku leriseke swona.”

Timhaka 15:9

kambe a xi hambanyisanga nchumu exikarhi ka hina na vona, hikuva xi basisile timbilu ta vona hi ku pfumela.

Varhoma 3:29

Xana Xikwembu i xa Vayuda ntsena xana? Xana a hi xa vamatiko na vona xana? Ina, i xa vamatiko, na vona;

Yakobo 2:1

Vamakwerhu, ku pfumela loku mi nga na kona eka Hosi ya hina Yesu Kriste, Hosi ya ku kwetsima, ku nga tshuki ku va ni ku hlawula vanhu hi nghohe ya vona;