Timhaka 10:22 - Xitsonga (Bibele)

²² Va ku: “Korneliyo ndhuna ya dzana, wanuna la lulameke, la chavaka Xikwembu, la dzunisiwaka hi tiko hinkwaro ra Vayuda, u lerisiwile hi ntsumi leyo kwetsima ya Xikwembu ku ku vitanela emutini wa yena, a ta yingisa leswi u nga ta n'wi byela swona.”

BIBELE Mahungu Lamanene

²² Va ku: “Hi rhumiwile hi Korneliyo, ndhuna ya dzana ra masocha, wanuna wo lulama la chavaka Xikwembu, la nkhensiwaka hi tiko hinkwaro ra Vayuda; ú lerisiwile hi ntsumi leyo hlawuleka ku ku vitana u ta emutini wa yena, leswaku a ta yingisa leswi u nga ta n'wi byela swona.”

Testamente Leyimpsha Xichangana

²² Vaku: “Hirhumiwile hi Korneliyo, ndhuna ya dzana ra masochwa, wanuna wa kululama lweyi achavaka Xikwembu, lweyi akhensiwaka hi tiko hinkwaru ra Vayuda; aleletiwile hi ntsumi leyokwetsima kukuvitana uta muntini wa yena, lesvaku atayingisa lesvi ungatamubzela svona.”

Timhaka 10:22 Referans Kwoze

Timhaka 11:14

hi yena la nga ta ku byela timhaka leti u nga ta ponisiwa ha tona, wena ni va yindlu ya wena hinkwavo.’

Timhaka 10:2

a a ri munhu wa vukhongeri, la chavaka Xikwembu kun'we ni va yindlu ya yena hinkwavo; a a hanana ngopfu eka swisiwana swa tiko; a nga rhuteri ku khongela Xikwembu.

3 Yohane 1:12

Demetriyo u kumile vumbhoni lebyinene eka hinkwavo, na kona ka ntiyiso; kambe na hina hi timbhoni ta yena; kutani ma swi tiva leswaku vumbhoni bya hina hi lebyi tiyeke.

2 Petro 3:2

leswaku mi ta anakanya timhaka leti nga bvumbhiwa hi vaprofeta lava hlawuriweke, ni milawu ya vaapostola va n'wina, leyi nga ya Hosi ni Mulondzovoti:

Vaheveru 12:23

ni le nhlengeletanweni ya hinkwavo ni le kerekeni ya mativula lama tsariweke ematilweni ni le ka Xikwembu, muavanyisi wa hinkwavo, ni le ka mimoya ya lava lulameke lava nga hetiseka;

Vaheveru 11:2

Hikuva hakona, va khale va kumile vumbhoni lebyinene.

Vaheveru 10:38

Kambe la lulameke u ta hanya hi ku pfumela, kambe kungakuloko a tlhelela endzhaku, moya wa mina a wa ha n'wi tsakeri.”

1 Timotiya 3:7

Swi fanele na kona leswaku a va ni vumbhoni lebyinene, lebyi humaka eka lava nga ehandle, leswaku a nga weli eku rhukiweni ni le ntlhan'wini wa Diyavulosi.

2 Vakorinto 5:18

Kutani hinkwaswo swi huma eka Xikwembu lexi hi hlanganiseke na xona ha Yesu Kriste, xi nga xona lexi hi nyikeke ntirho wa ku hlanganisa.

Varhoma 1:17

Hikuva ku hlavuteriwile eka yona, ku lulama ka Xikwembu, ku hume eku pfumeleni, ku yisa eku pfumeleni, kukotisa leswi tsariweke leswaku: “La lulameke u ta hanya hi ku pfumela.”

Timhaka 24:15

Ndzi ni ku tshemba eka Xikwembu, loku na vona va nga na kona, leswaku ku pfuka ka vafi ku ta va kona eka lavo lulama ni ka lava nga lulamangiki.

Timhaka 22:12

“Kavaloko Ananiya, munhu la gandzelaka Xikwembu hi mukhuva wa nawu, la dzunisiwaka hi Vayuda hinkwavo lava akeke eDamaska, a ta eka mina,

Timhaka 10:33

Hikwalaho ndzi hatliseke ku rhuma vanhu eka wena; kambe u endlile swona loko u tile; sweswi, hinkwerhu hi tshamile la, kun'we emahlweni ka Xikwembu, ku yingisa hinkwaswo leswi Xikwembu xi ku leriseke swona.”

Timhaka 10:6

U hambukele eka munhu loyi va nge i Simoni, mutlhuvutsi, loyi yindlu ya yena yi nga ekusuhi ni lwandle.”

Timhaka 6:3

Loko swi ri tano, vamakwerhu, hlawulani vavanuna va ntlhanu na vambirhi exikarhi ka n'wina, lava dzuniwaka, lava teleke Moya lowo Kwetsima ni vutlhari, leswaku hi va veka entirhweni lowo.

Yohane 17:20

“A ndzi khongeleri vona ntsena, kambe ndzi khongelela na vona lava nga ta pfumela eka mina hi rito ra vona;

Yohane 17:8

Hikuva ndzi va nyikile marito lawa u ndzi nyikeke wona; kutani va ma amukerile, va swi tivile swinene leswaku ndzi huma eka wena, kambe va pfumerile leswaku hi wena loyi u ndzi rhumeke.

Yohane 13:20

Ndzi vurisile ndzi ri eka n'wina: La amukelaka loyi ndzi n'wi rhumaka, u mukela mina; la ndzi amukelaka, u amukela la ndzi rhumeke.”

Yohane 6:68

Simoni Petro a hlamula, a ku eka yena: “Hosi, hi nga ya eka mani xana? U ni marito ya vutomi lebyi nga heriki.

Yohane 6:63

Moya hi wona lowu hanyisaka; nyama a yi pfuni nchumu. Timhaka leti ndzi mi byelaka tona, i moya ni vutomi.

Yohane 5:24

Ndzi vurisile ndzi ri eka n'wina: La yingisaka rito ra mina, a va a pfumela eka la ndzi rhumeke, u ni vutomi lebyi nga heriki, kutani a nga ka a nga ti eku avanyisiweni, kambe u sukile eku feni ku nghena evutomini.

Luka 23:50

Kutani ndhuna yin'wana leyi vuriwaka Yosefa, a yi ri kona, a a ri munhu wa tintswalo, la lulameke.

Luka 2:25

EYerusalema, a ku ri ni munhu la vuriwaka Simiyoni. Munhu loyi a a lulamile, a chava Xikwembu, a langutele ku chaveleriwa ka Israele. Moya lowo Kwetsima a wu ri eka yena.

Marka 8:38

Hikuva loyi a nga ni tingana hikwalaho ka mina ni marito ya mina, emahlweni ka rixaka leri ra vaoswi ni ra vadyohi, na yena N'wana wa Munhu u ta khomiwa hi tingana hikwalaho ka yena, siku a taka vuya hi ku kwetsima ka Tata wa yena swin'we ni tintsumi leto kwetsima.”

Marka 6:20

hikuva Heroda a a chava Yohane, hi ku n'wi tiva leswaku i munhu la lulameke, la kwetsimaka; kambe a a n'wi sirhelela, a endla leswo tala hi ku kombisiwa hi yena, a rhandza ni ku n'wi yingisa.

Matewu 1:19

Kambe Yosefa, nuna wa yena, hikuva a a ri munhu la lulameke, kambe a nga rhandzanga ku n'wi khomisa tingana, a anakanya ku n'wi tshika exihundleni.

Habakuku 2:4

“Vona, moya wa yena wu kukumukile, a wu lulamanga eka yena; kambe la lulameke u ta hanya hi ku pfumela ka yena.

Hosiya 14:9

Hi wihi lowa vutlhari, la nga twisisaka timhaka leto, ni la nga ni ku anakanya, leswaku a ti tiva? Hikuva tindlela ta Yehovha ti lulamile; lava lulameke va ta famba eka tona, kambe vatiarisi va ta khunguvanyeka eka tona.

Matewu 2:12

Kutani loko va kombisiwile hi Xikwembu hi norho leswaku va nga ha hundzi hi le ka Heroda, va tlhelela eka rikwavo hi ndlela yin'wanyana.

Luka 9:26

Hikuva un'wana ni un'wana la khomiwaka hi tingana hikwalaho ka mina ni timhaka ta mina, N'wana wa Munhu u ta khomiwa hi tingana hikwalaho ka yena, siku a taka eku vonakaleni ka yena ni ka Tata wa yena, ni ka tintsumi leto kwetsima.

Timhaka 10:21

Kutani Petro a xikela eka vavanuna lava, a ku: “Hi mina loyi mi n'wi lavaka; mi tile hi mhaka yihi?”

Timhaka 10:30

Kavaloko Korneliyo a hlamula, a ku: “Ku hundzile mune wa masiku ku fika sweswi, ndzi titsona swakudya, ndzi khongela endlwini ya mina hi nkarhi wa ntlhanu na mune; kutani ndzi vona munhu a yimile emahlweni ka mina, a ambele tinguvu leti vangamaka, a ku:

Nhlavutelo 14:10

na yena u ta nwa vhinyo ya vukari bya Xikwembu, leyi cheriweke yi nga hlanganisiwanga exinwelweni xa ku kariha ka xona; kutani u ta xanisiwa endzilweni ni le xivavuleni, emahlweni ka tintsumi leto kwetsima, ni le mahlweni ka Xinyimpfana.

Duteronoma 30:13

A wu nga ri hase ka lwandle, leswaku va nga ku: ‘I mani la nga ta hi pelela ehase ka lwandle, a ya hi tekela wona, a ta hi dyondzisa wona leswaku hi endla ha wona?’