Timhaka 1:15 - Xitsonga (Bibele)

¹⁵ Hi masiku walawo, Petro a yima exikarhi ka vadyondzisiwa (vunyingi bya vona lava hlengeletaneke a va lava ku va dzana ni makume mambirhi), a ku:

BIBELE Mahungu Lamanene

¹⁵ Hi masiku walawo, Petro a yima enhlengeletanweni ya vamakwavo eHosini (lava nhlayo ya vona a yi lava ku va 120), kutani a ku:

Testamente Leyimpsha Xichangana

¹⁵ Hi masiku wolawo, Petrosi ayima nhlengeletanweni ya vamakwavu Hosini (lava nhlayo ya vona ayilava kuva dzana ni makume mambirhi (120) ), kutani aku:

Timhaka 1:15 Referans Kwoze

1 Vakorinto 15:6

A tlhela kambe a voniwa kun'we hi vamakwavo lava tlulaka ntlhanu wa madzana; lavo tala eka vona va ha ri kona, kambe van'wana va file.

Nhlavutelo 11:13

Enkarhini wolowo ku tsekatseka lokukulu ka misava ku va kona, kutani ku avanyisa ka khume ka muti ku hindzimuka, vanhu va ntlhanu wa magidigidi na magidigidi mambirhi 7 000 va dlawa hi ku tsekatseka kuloku ka misava; kutani van'wana va khomiwa hi ku chava, va dzunisa Xikwembu xa le tilweni.

Timhaka 21:20

Loko va twa timhaka teto, va dzunisa Xikwembu. Kambe va ku eka yena: “Makwerhu, wanga vona vunyingi bya madzanadzana ya Vayuda lava pfumeleke, kutani hinkwavo va hisekela nawu.

Yohane 21:23

Hikwalaho, mhaka leyi, yi hangalaka exikarhi ka vamakwavo leswaku mudyondzisiwa yeloyi, a nga ka a nga fi. Kambe Yesu a nga vulanga leswaku a nga ka a nga fi; kambe a a te: “Kungakuloko ndzi rhandza leswaku a tshama ndzi ko ndzi vuya, ku ta va yini eka wena-ke?”

Nhlavutelo 3:4

Kambe u ni van'wana va nga ri vangani eSarda, lava nga nyamisangiki tinguvu ta vona; va ta famba na mina va ambele swo basa, hikuva va lulameriwe hi swona.

Yohane 14:12

“Ndzi vurisile ndzi ri eka n'wina: La pfumelaka ka mina, mitirho leyi ndzi yi endlaka u ta yi endla na yena, u ta endla ni leyi tlulaka leyi, hikuva ndzi ya ka Tatana.

Luka 22:32

kambe mina ndzi ku khongelele, leswaku ku pfumela ka wena ku nga tshuki ku titivala. Kutani wena, loko u hundzukile, u ta tiyisa vamakwenu.”

Matewu 13:31

Kutani a va vekela xifaniso xin'wana, a ku: “Ku fuma ka matilo ku fana ni ndzhoho ya sinapi yoleyo munhu a yi tekeke, a ya yi byala ensin'wini ya yena.

Timhaka 10:23

Kutani Petro a va vitanela endlwini, a va rhurhela kona. Ni mixo, Petro a suka na vona; kambe vamakwavo van'wana va Yopa va famba na yena.

Timhaka 11:1

Kambe vaapostola ni vamakwavo lava akeke eYudiya va twa leswaku vamatiko na vona, va amukele rito ra Xikwembu.

Timhaka 11:12

Kutani Moya wu ndzi byela leswaku ndzi famba na vona, ndzi nga tshuki ndzi kanakana; kambe vamakwerhu lava va ntlhanu na un'we va famba na mina; kutani hi nghena eka munhu yeloyi.

Timhaka 11:26

Kuteloko a n'wi kumile, a n'wi yisa eAntiyoka. Va tshamisa kona, va heta lembe rin'we va ri karhi va hlengeletana ni kereke kutani va dyondzisa vunyingi lebyikulu. Hi kona la Antiyoka vadyondzisiwa va nga sungula ku thyiwa Vakriste.

Timhaka 11:29

Kutani vadyondzisiwa va va ni rito rin'we ku rhumela vamakwavo lava akeke eYudiya leswaku va pfuna hilaha un'wana ni un'wana a nga humesa hakona.

Timhaka 12:17

Kambe yena a va kwehleta hi voko leswaku va miyela; kutani a va byela hilaha Hosi yi n'wi humeseke ekhotsweni hakona; kambe a ku: “Tivisani Yakobo ni vamakwerhu timhaka teto.” Kutani a huma, a tifambela kun'wana.

Timhaka 14:2

Kambe Vayuda lava nga pfumelangiki va pfuxa vamatiko leswaku timbilu ta vona ti ta karihela vamakwavo.

Timhaka 15:1

Van'wana lava humeke eYudiya, va dyondzisa vamakwavo, va ku: “Loko mi nga yimbanga hi nawu wa Muxe, mi nga ka mi nga poni.”

Timhaka 15:3

Kuteloko va rhumisiwile sweswo hi kereke, va tsemakanya Fenikiya na Samariya, va ri karhi va vula ku hundzuka ka vamatiko; kutani vamakwavo hinkwavo va tsakela mhaka leyi ngopfungopfu.

Timhaka 16:2

kambe tata wa yena a a ri Mugriki; a a dzunisiwa hi vamakwavo va Listra ni va Ikoniya.

Timhaka 16:40

Kuteloko va humile ekhotsweni, va ya eka Lidiya; kuteloko va vonile vamakwavo, va va khongotela, kutani va tifambela.

Timhaka 17:6

Kuteloko va nga va kumi, va kokela Yaso ni vamakwavo van'wana emahlweni ka tindhuna ta muti, va huwelela, va ku: “Vanhu lava pfilunganyeke misava hinkwayo, va tile ni le halenu, kambe Yasoni u va amukerile;

Timhaka 17:10

Nivusiku, vamakwavo va hatlisa va rhuma Pawulo na Silasi eBeriya. Kuteloko va fikile kona, va nghena esinagogeni ya Vayuda.

Timhaka 17:14

Hikwalaho vamakwavo va hatlisa va humesa Pawulo a ya tlhelo ra lwandle; kambe Silasi na Timotiya va sala kona.

Timhaka 18:18

Pawulo, kuteloko a xwile kona masiku layo tala, a sarisa vamakwavo, a ya eSiriya hi byatso, a ri na Prisila, na Akwila, a tibyewule nhloko eKenikreya, hikuva a a tibohile hi ku hlambanya.

Timhaka 18:27

Kutani, hikuva a a rhandza ku hundzela eAkaya, vamakwavo va tsalela vadyondzisiwa hi ku va khongotela, leswaku va n'wi amukela. Loko a fikile eka vona, a pfuna ngopfu lava pfumeleke, hi tintswalo ta Xikwembu,

Timhaka 21:7

Loko hi ri hina, hi suka eTiri, hi ya fika ePtolemayi laha riendzo ra hina ra ku wela ri nga helela kona; kuteloko hi xewetane ni vamakwerhu, hi xwa siku rin'we na vona.

Timhaka 21:17

Kuteloko hi fikile eYerusalema, vamakwerhu va hi amukela hi ku tsaka.

Timhaka 22:5

hilaha na yena muprista lonkulu a nga vaka mbhoni, ni nhlengeletano hinkwayo ya vakulukumba, hikuva ndzi tekile mapapila eka vona, ku ma mukisa eka varikwerhu va Damaska, ndzi ya kona ku boha lava akeke kona va dyondzo leyi, ni ku va tisa eYerusalema, leswaku va tshinyiwa.

Timhaka 28:14

Kona hi kuma vamakwerhu lava nga hi khongela leswaku hi xwa ntlhanu wa masiku ni masiku mambirhi na vona; kavaloko hi ya eRhoma.