Timhaka 1:11 - Xitsonga (Bibele)

¹¹ va ku: “Vavanuna va Galeliya, mi yimele yini mi langutile etilweni? Yesu loyi a tekeriweke etilweni a ri exikarhi ka n'wina, u ta tlhela a vuya hi mukhuva lowu mi n'wi voneke a ya etilweni ha wona.”

BIBELE Mahungu Lamanene

¹¹ va ku: “Vavanuna va Galeliya, mi yimele yini mi langutile etilweni ke? Yesu loyi a susiweke exikarhi ka n'wina ni ku tlakuleriwa etilweni, ú ta tlhela a vuya hi mukhuva lowu mi n'wi voneke a ya etilweni ha wona.”

Testamente Leyimpsha Xichangana

¹¹ vaku: “Vavanuna va Galeliya, miyimela yini na milangutile tilweni ke? Yesu lweyi asusiweke xikarhi ka n'wina ni kutlhantukisiwela tilweni, atatlhela avuya hi ndlela leyi mingamuvona aya tilweni ha yona.”

Timhaka 1:11 Referans Kwoze

Nhlavutelo 1:7

Vonani, wa ta hi mapapa; mahlo hinkwawo ma ta n'wi vona, na vona lava n'wi tlhaveke, kutani tinxaka hinkwato ta misava ti ta tiba swifuva hikwalaho ka yena. Ina, Amen!

1 Vatesalonika 4:16

hikuva yona Hosi hi xiviri yi ta xika hi le tilweni, hi huwa leyi lerisiweke, hi rito ra ndhuna ya ntsumi, ni mhalamhala ya Xikwembu, kutani lava feleke ka Kriste va ta rhanga va pfuka;

Marka 13:26

Hilaha va nga ta vona N'wana wa Munhu a ta hi mapapa, hi matimba lamakulu ni ku kwetsima.

Yohane 14:3

Kutakuloko ndzi yile, ni loko ndzi mi lunghiserile vutshamo, ndzi ta tlhela ndzi vuya, ndzi mi teka mi ta eka mina, leswaku laha ndzi nga kona, mi va kona na n'wina.

Matewu 25:31

“Siku N'wana wa Munhu a nga ta ta eku kwetsimeni ka yena, ni tintsumi ta yena leto kwetsima ti ri na yena hinkwato, hilaha a nga ta tshamisa exiluvelweni xo kwetsima xa yena.

Matewu 24:30

Enkarhini wolowo, xikombiso xa le tilweni, hi kona matiko hinkwawo ya misava ma nga ta tiba xifuva, va ta vona N'wana wa Munhu a ta hi mapapa ya le tilweni, hi matimba lamakulu, ni ku vonakala lokukulu.

Matewu 16:27

Hikuva N'wana wa Munhu u ta ta hi ku kwetsima ka Tata wa yena, ni tintsumi ta yena, kutani, enkarhini wolowo, u ta nyika un'wana ni un'wana hi mitirho ya yena.

1 Vatesalonika 1:10

ni ku langutela ematilweni N'wana wa xona, loyi xi n'wi pfuxeke eku feni, a nga Yesu, la hi kutsuleke eku kariheni loku nga ta ta.

Luka 21:27

Hilaha va nga ta vona N'wana wa Munhu a ta epapeni hi matimba lamakulu, ni ku vonakala lokukulu.

Timhaka 13:31

kutani u voniwile hi masiku layo tala hi lava nga suka eGaleliya va ta eYerusalema na yena, valavo va nga timbhoni ta yena exikarhi ka tiko.

Luka 24:5

Kakuloko va ha tshukile ngopfu, va korhamele ehansi, va ku eka vona: “Xana mi lavela yini la hanyaka exikarhi ka vafi?

Timhaka 3:12

Kakuloko Petro a swi vona, a byela vanhu, a ku: “Vavanuna va Israele, mi hlamalela yini mhaka leyi? Kumbe mi hi tlhavela yini hi mahlo kukota loko ingi hi fambisile munhu loyi hi matimba ya hina, kumbe hi vukhongeri bya hina.

Timhaka 2:7

Kutani va hloleriwa hinkwavo, va hlamala va vutisana, va ku: “Vonani! Vanhu lava hinkwavo lava vulavulaka, a hi Vagaleliya xana?

Marka 14:70

Kambe, ku nga ri kungani, lava yimeke kwalaho va ku eka Petro: “U wa vona kunene, hikuva na wena u Mugaleliya.”

Matewu 16:28

Ndzi vurisile ndzi ri eka n'wina: Van'wana va kona eka lava nga kwala, lava nga ta ka va nga nantswi rifu, va nga si vona N'wana wa Munhu a ta eku fumeni ka yena.”

Marka 16:19

Hosi, kuteloko yi vulavurile na vona, yi tekeriwa etilweni, kutani yi ya tshamisa evokweni ra xinene ra Xikwembu.

Timhaka 1:2

ku ko ku fika siku leri a nga tlhandlukisiwa etilweni ha rona, loko a lerisile hi Moya lowo Kwetsima vaapostola lava a va hlawuleke,

Timhaka 1:9

Kuteloko a vulavurile timhaka teto, a tlhandlukisiwa, va ri karhi va n'wi languta; kutani papa ri n'wi siva emahlweni ya vona.

Timhaka 1:22

ku sungula eku khuvuleni ka Yohane ku ya fika siku leri a tekeriweke etilweni a ri exikarhi ka hina, un'wana wa vona u fanele ku va swin'we na hina mbhoni ya ku pfuka ka yena.”

Timhaka 3:21

loyi tilo ri faneleke ku n'wi amukela, ku ko ku fika nguva ya ku vuyetela swilo hinkwaswo, leyi Xikwembu xi yi vuleke hi milomu ya vaprofeta lavo kwetsima hinkwavo va xona ka ha ri eku sunguleni.

Vaheveru 9:28

hi mukhuva wolowo, na yena Kriste, kuteloko a tiendlile mhamba kan'we ku susa ku dyoha ka lavo tala, a ta humelela ra vumbirhi a nga ha ri na swidyoho, eka lava n'wi languteleke leswaku a va hanyisa.