Swivuriso 8:15 - Xitsonga (Bibele)

¹⁵ Ha mina tihosi ta fuma, Ni tihosana ti lerisa hi ku lulama.

BIBELE Mahungu Lamanene

¹⁵ Tihosi ti fuma hi matimba ya mina, vafumi va veka milawu leyinene hikwalaho ka mina.

Swivuriso 8:15 Referans Kwoze

Varhoma 13:1

Munhu un'wana ni un'wana a a yingise vuhosi; hikuva a ku na vuhosi lebyi nga humiki eka Xikwembu; kutani tihosi leti nga kona, ti vekiwile hi Xikwembu.

Daniele 2:21

Hi xona lexi hundzuluxaka mikarhi ni tinguva, lexi susaka tihosi, ni lexi ti tlakusaka, lexi nyikaka tintlhari vutlhari, ni mano eka lava nga ni ku twisisa.

Matewu 28:18

Kutani Yesu a va tshinelela a vulavula na vona, a ku: “Ndzi nyikiwile vuhosi hinkwabyo etilweni ni le misaveni;

Nhlavutelo 19:16

Kutani u ni vito leri tsariweke engubyeni ni le ndzhumbini wa yena, ri nge: Hosi ya tihosi, ni Mufumi wa vafumi.

Daniele 4:32

u ta hlongoriwa exikarhi ha vanhu, kutani u ta aka ni swiharhi swa nhova; u ta hanya u dya byanyi kukotisa tihomu, kutani mikarhi ya ntlhanu na mimbirhi yi ta hundza ehenhla ka wena, u ko u tiva leswaku La nge henhlahenhla u ni ku fuma ehenhla ka vuhosi bya vanhu, ni leswaku a nga byi nyika loyi a rhandzaka ku n'wi nyika byona.”

Nhlavutelo 19:11

Kutani ndzi vona tilo ri pfuriwile, kavaloko ku humelela hanci leyo basa, la yi khandziyeke a vitaniwa Mutshembeki ni Wantiyiso; wa avanyisa ni ku lwa hi ku lulama.

Daniele 4:25

U ta hlongoriwa u suka exikarhi ka vanhu, u ta tiakela ni swiharhi swa nhova; u nyikiwa ku dya byanyi kukotisa tihomu, u tsakamisiwa hi mberha ya le tilweni, kutani mikarhi ya ntlhanu na mimbirhi yi ta hundza ehenhla ka wena, u ko u tivisisa leswaku La nge henhlahenhla u ni ku fuma ehenhla ka vuhosi bya vanhu, ni leswaku a nga byi nyika loyi a rhandzaka ku n'wi nyika byona.

Yeremiya 33:15

Emasikwini walawo, ni le mikarhini yoleyo ndzi ta humesela Davhida hluke ra ku lulama, ri ta endla ku avanyisa ni ku lulama ematikweni.

Esaya 1:26

Ndzi ta ku tlherisela vaavanyisi lava fanaka ni va khale, ni vatsundzuxi lava fanaka ni lavo rhanga. Endzhaku ka swona, u ta thyiwa muti lowu lulameke, muti lowu tshembekaka.”

Pisalema 99:4

A va dzunise matimba ya Hosi leyi rhandzaka ku lulama! Hi wena la tiyisaka ku lulama, La humeseleke Yakobo ku avanyisa ni ku lulama.

1 TIKRONIKA 28:5

Ni le xikarhi ka vana va mina hinkwavo (hikuva Yehovha u ndzi nyikile vana va xinuna lavo tala), u hlawurile Solomoni, n'wananga, leswaku a tshamisa exiluvelweni xa vuhosi bya Yehovha, ehenhla ka Israele,

1 TIHOSI 10:9

A ku khensiwe Yehovha, Xikwembu xa wena, loyi a titsakeleke ha wena ku ku veka exiluvelweni xa Israele! Leswi Yehovha a rhandzaka Israele hi masiku hi leswi a ku vekeke hosi ku avanyisa ni ku lulamisa timhaka.”

1 TIHOSI 5:7

Kuteloko Hiramu a twile marito ya Solomoni, a tsaka ngopfu, a ku: “Namuntlha a ku katekisiwe Yehovha loyi a nyikeke Davhida n'wana la tlhariheke, a ta fuma tiko leri ri teleke!”

1 TIHOSI 3:28

Kutani Vaisraele hinkwavo va yingisa mhaka ya ku avanyisa loku vuriweke hi hosi, kutani va chava hosi, hikuva va vona leswaku vutlhari bya Xikwembu a byi ri ka yona ku tiva ku avanyisa.

1 TIHOSI 3:9

loko swi ri tano, nyika nandza wa wena mbilu ya ku tiva ku avanyisa tiko ra wena ni ku hlawula leswo saseka eka leswo biha! Hikuva i mani la nga tivaka ku avanyisa tiko leri teleke leronghasi, leri nga ra wena?”

1 SAMIELE 16:1

Yehovha a ku eka Samiele: “U ta rila Sawulo ku yisa kwihi-ke, loko mina ndzi n'wi cukumetile leswaku a nga ha fumi Israele? Tata rimhondzo ra wena hi mafurha, u famba; ndza ku rhuma eka Yese wa Betlehema hikuva ndzi vonile exikarhi ka vana va Yese loyi a faneleke ku va hosi.”

1 SAMIELE 9:17

Samiele, kakuloko a vona Sawulo, Yehovha a ku eka yena: “Munhu loyi ndzi ku byeleke timhaka ta yena, hi yena loyi, hi yena la nga ta fuma tiko ra mina.”

2 TIKRONIKA 1:10

Sweswi, ndzi nyike vutlhari ni ku twisisa leswaku ndzi tiva ku huma ni ku nghena emahlweni ka tiko leri; hikuva i mani la nga tivaka ku avanyisa tiko leri teleke swonghasi, leri nga ra wena xana?”

Pisalema 2:10

Sweswi, n'wina tihosi, mi va ni vutlhari; Na n'wina vaavanyisi va misava, mi dyondzisiwa.

Swivuriso 8:16

Vafumi va fuma ha mina, Swi tano ni vakulukumba ni vaavanyisi hinkwavo va misava.

Swivuriso 29:4

Hi ku lulama, hosi yi tiyisa tiko, Kambe la amukelaka tinyiko wa ri hlanhla.

2 TIKRONIKA 1:11

Xikwembu xi ku eka Solomoni: “Leswi u nga ni miehleketo leyi embilwini ya wena, u nga kombelanga rifuwo ni xuma, ni ku twala, ni rifu ra valala va wena, ni leswi u nga kombelangiki masiku yo tala, kambe u tikombelele vutlhari ni ku twisisa ku avanyisa tiko ranga leri ndzi ku vekeke hosi ya rona,