Swivuriso 7:3 - Xitsonga (Bibele)

³ U yi tsondzela etintihweni ta wena, U yi tsala eribyeni ra mbilu ya wena.

BIBELE Mahungu Lamanene

³ swi bohe etintihweni ta wena, u swi fihla emakorhweni ya mbilu ya wena.

Swivuriso 7:3 Referans Kwoze

Swivuriso 3:3

Vunene ni ntiyiso swi nga tshuki swi avana na wena; Titsimbe swona enhan'wini ya wena, u swi tsala embilwini ya wena:

Yeremiya 31:33

Kambe hi lowo ntwanano lowu ndzi nga ta wu endla ni yindlu ya Israele endzhaku ka masiku lawa, ku vula Yehovha: Ndzi ta veka nawu wa mina exikarhi ka vona, ndzi wu tsala etimbilwini ta vona, ndzi va Xikwembu xa vona, vona va va tiko ra mina.

Esaya 30:8

Famba sweswi u ya tsala timhaka leti ehenhla ka tafula emahlweni ka vona u tsala ni le bukwini ti ta hlayiseriwa emikarhini leyi taka, xi va xikombiso, hilaha ku nga heriki.

2 Vakorinto 3:3

hikuva ma vonakisa leswaku mi mapapila ya Kriste, lama lunghisiweke hi Mitirho ya hina, lama tsariweke, ku nga ri hi inki, kambe hi Moya wa Xikwembu lexi hanyisaka, lama tsariweke ku nga ri ematambheni ya maribye, kambe ematambheni ya nyama, leti nga timbilu ta n'wina.

Swivuriso 6:21

U yi bohelela embilwini ya wena hi masiku, U yi tsimba enhan'wini ya wena.

Yeremiya 17:1

“Xidyoho xa Yuda xi tsariwile hi rinhi ra nsimbhi, hi dayimani leyo kariha; xi tsariwile etimbilwini ta vona, ni le timhondzweni ta tialitari ta vona.

Swivuriso 7:4

Byela vutlhari, u ku: “U makwerhu,” Ku twisisa, u ku vula nakuloni,

Swivuriso 4:21

Ti nga suki emahlweni ya wena, U ti hlayisa embilwini ya wena;

Esaya 59:21

“Ntwanano wa mina na vona hi lowo,” ku vula Yehovha: “Moya wa mina, lowu nga ka wena, ni marito ya mina, lawa ndzi ma vekeke enon'wini wa wena, ma nga ka ma nga humi enon'wini wa wena, ni le milon'wini ya vana va wena, ni le milon'wini ya vana va vana va wena,” ku vula Yehovha, sweswi ni masiku!