Swivuriso 7:10 - Xitsonga (Bibele)

¹⁰ A hlanganisiwa hi wansati La bombeke hi mikhuva ya tinghwavavana, kasi u ni mbilu yo kanganyisa,

BIBELE Mahungu Lamanene

¹⁰ Hiloko wansati a ri hlanganisa a ambele ku fana ni nghwavava, mbilu ya yena yi tele vukanganyisi.

Swivuriso 7:10 Referans Kwoze

1 Timotiya 2:9

Hi sweswo na vona vavasati, a va ambale tinguvu leti fanekelaka, va tisasekisa hi xichavo, ni ku rhula; ku nga ri hi misisi leyi horhiweke ngopfu, ni nsuku, hambi byi ri vuhlalu, ni tinguvu ta vubombi,

Yeremiya 4:30

Kutani wena muonhiwa, u ta endla yini xana? Hambi u nga tifunengeta hi crimson, hambi u tisasekisa hi vubombi bya nsuku, ni loko u nga tibombisa emahlweni hi murhi; vubombi bya wena a byi pfuni nchumu; swigangu swa wena hakunene swi ku sandzile; swi lave vutomi bya wena.

2 TIHOSI 9:30

Kutani Yehu a fika eYizriele. Yezabele, kuteloko a swi twile, a titota mahlo, a bombisa nhloko ya yena, kutani a languta hi fasitere.

Esaya 23:16

“Teka xitendze, u rhendzeleka ni muti, wena nghwavava la rivariweke! Yimba swinene, u engetela tinsimu, leswaku u anakanyiwa!”

2 TIHOSI 9:22

Kuteloko Yoramu a vonile Yehu a ku eka yena: “Ku ni ku rhula, wee Yehu xana?” A hlamula, a ku: “Ku rhula ku nga va kwihi loko mikhuva ya mbhisa ya Yezabele, mana wa wena, ni ku tala ka vuloyi bya yena swa ha ri kona?”

Genesa 3:1

Nyoka a yi tlula hi mano swiharhi hinkwaswo swa tiko, leswi Yehovha Xikwembu a nga swi endla. Kutani yi ku eka wansati: “Kunene Xikwembu xi te: ‘Mi nga tshuki mi dya murhi ni wun'we wa ntanga!’ ”

Swivuriso 23:28

U etlelela wanuna, swange i xiharhi, U andzisa timbabva exikarhi ka vanhu.