Swivuriso 6:21 - Xitsonga (Bibele)

²¹ U yi bohelela embilwini ya wena hi masiku, U yi tsimba enhan'wini ya wena.

BIBELE Mahungu Lamanene

²¹ swi hlayise embilwini ya wena swi tshama kona minkarhi hinkwayo, u swi boha enhan'wini ya wena.

Swivuriso 6:21 Referans Kwoze

Swivuriso 3:3

Vunene ni ntiyiso swi nga tshuki swi avana na wena; Titsimbe swona enhan'wini ya wena, u swi tsala embilwini ya wena:

2 Vakorinto 3:3

hikuva ma vonakisa leswaku mi mapapila ya Kriste, lama lunghisiweke hi Mitirho ya hina, lama tsariweke, ku nga ri hi inki, kambe hi Moya wa Xikwembu lexi hanyisaka, lama tsariweke ku nga ri ematambheni ya maribye, kambe ematambheni ya nyama, leti nga timbilu ta n'wina.

Swivuriso 4:6

U nga fularheli vutlhari, byi ta ku hlayisa; U byi rhandza byi ta ku hanyisa.

Duteronoma 6:8

U ta yi bohelela evokweni ra wena, xi va xitsundzuxo xa wena, ni xikombiso exikarhi ka mahlo ya wena,

Eksoda 13:16

Xi ta va xikombiso evokweni ra wena, ni le mombyeni wa wena; hikuva Yehovha u hi humesile eEgipta hi voko ra matimba.”

Swivuriso 4:21

Ti nga suki emahlweni ya wena, U ti hlayisa embilwini ya wena;

Eksoda 13:9

Xi ta va xikombiso evokweni ra wena, ni xitsundzuxo exikarhi ka mahlo ya wena. Nawu wa Yehovha wu ta va enon'wini wa wena, hikuva Yehovha a ku humesile eEgipta hi voko ra matimba.