Swivuriso 6:15 - Xitsonga (Bibele)

¹⁵ Hikwalaho ku onhaka ka yena ku ta n'wi tshukisa, U ta lova hi nomu lowu, ku nga ri na murhi.

BIBELE Mahungu Lamanene

¹⁵ Hikokwalaho, ú ta wela hi khombo a nga ehleketanga, ú ta jumiwa a wiseriwa ehansi, a nga ha pfuki.

Swivuriso 6:15 Referans Kwoze

Yeremiya 19:11

kutani u va byela, u ku: ‘Ku vula Yehovha wa tinyimpi a ku: “Ndzi ta fayisa sweswo tiko leri ni muti lowu, kukotisa loko ku fayiwa mbita ya muvumbi, leyi nga tiki tlhela yi hlanganisiwa. Kutani ku ta yimberiwa mitsumbu eTofete hi ku pfumala ndhawu laha ku lahliwaka kona.

2 TIKRONIKA 36:16

Kambe a va rhukana tintsumi ta Xikwembu, va sandza marito ya xona, va hleka vaprofeta va xona, vukari bya Yehovha byi ko byi pfuka tiko ra yena swonghasi leswaku ku nga ha vi na ku ponisiwa.

1 Vatesalonika 5:3

Hikuva siku va nga ta ku: “Ku rhurile, ku tsakiwile!” Hilaha ku onhaka loku nga languteriwangiki ku nga ta va wela ehenhla, kukota mbeleko loko yi humelela la tikeke, va nga ka va nga poni.

Swivuriso 1:27

Siku ku chava ku mi humelelaka kukotisa xidzedze, Ni makhombo ma mi tsutsumela kukotisa xihuhuri; Kutani mahlomulo ni mbitsi ya mbilu swi mi wela ehenhla,

Swivuriso 29:1

Munhu la fanelaka hi ku tshinyiwa, kutani a nonon'hwisa nhamu, U ta tshoveka kan'wekan'we, a ku nga vi na murhi wo n'wi tshungula.

Pisalema 50:22

“Twisisani-ke swilo leswi, n'wina lava rivalaka Xikwembu, Leswaku kumbe ndzi nga handzula, ku nga ri na mulweri.

Pisalema 55:15

Rifu a ri va khome hi xipuku, A va ngirimele exivandleni xa vafi va ha hanya! Hikuva ku homboloka ku le tindlwini ta vona, ni le xikarhi ka vona.

Swivuriso 1:26

Na mina, ndzi ta hleka emakhombyeni ya n'wina, Ndzi sandza siku mi humelelaka hi ku chava,

Swivuriso 6:16

Ku ni swilo swa ntlhanu na xin'we leswi vengiwaka hi Yehovha, Ndzi ri ntlhanu na swimbirhi lama nga manyala eka yena:

Swivuriso 14:32

Mudyohi u wisiwa hi ku dyoha ka yena, Kambe la lulameka u ni ku tshemba ni le ku feni ka yena.

Swivuriso 24:16

Hikuva la lulameke, hambi a nga wa kantlhanu na kambirhi, u ta pfuka, Kambe vadyohi loko va khunguvanyekile va wela eku biheni.

Swivuriso 24:22

Hikuva khombo ra vona ri ta fika kan'wekan'we, I mani la tivaka ku onhaka ka un'wana ni un'wana wa vona?

Ezekiele 11:13

Loko ndzi ri karhi ndzi profeta, Pelatiya, n'wana Benaya, a fa; kutani ndzi wa hi mombo wa mina, ndzi huwelela hi rito leri tlakukeke, ndzi ku: “Yo! Hosi Yehovha! Xana u ta lovisa lava seleke Vaisraele xana?”