Swivuriso 4:20 - Xitsonga (Bibele)

²⁰ N'wananga, yingisisa marito ya mina, U xiya timhaka ta mina.

BIBELE Mahungu Lamanene

²⁰ N'wananga, rhiya ndleve u twa marito ya mina, yingisa leswi ndzi ku byelaka swona,

Swivuriso 4:20 Referans Kwoze

Swivuriso 5:1

N'wananga, yingisa vutlhari bya mina, U rhiyela tidyondzo ta mina ndleve,

Esaya 55:3

Rhiyani tindleve, tanani eka mina, yingisani, kutani mimoya ya n'wina yi ta hanya: ndzi ta endla na n'wina ntwanano lowu nga heriki, ku tiyisa tintswalo ta mina eka Davhida.

Swivuriso 7:1

N'wananga, hlayisa marito ya mina, U tiyisa ku lerisa ka mina embilwini ya wena.

Pisalema 78:1

Yingisa tidyondzo ta mina, tiko ranga; Rhiyani tindleve, mi yingisa marito ya nomu wa mina.

Pisalema 90:12

Hi dyondzise ku hlaya swinene masiku ya hina, Leswaku timbilu ta hina ti tsundzukela evutlharini.

Matewu 17:5

A ku a ha vulavula, papa lero vangama ri humelela ri va khubumeta; kutani ku twakala rito leri humaka epapeni ri ku: “Loyi, i n'wananga la rhandziwaka, loyi ndzi n'wi tsakelaka: n'wi yingiseni.”

Swivuriso 2:2

Loko u rhiya ndleve ya wena ku yingisa vutlhari, U nyiketa mbilu ya wena eku yingiseni;

Pisalema 34:12

I mani la rhandzaka ku hanya, La navelaka ku vona masiku ya ku kateka?

Swivuriso 22:18

Hikuva swi sasekile loko u swi hlayisa embilwini ya wena, Hinkwaswo swi tshama swi ri emilon'wini ya wena.