Swivuriso 4:13 - Xitsonga (Bibele)

¹³ Khoma dyondzo, u nga yi tshiki, U yi hlayisa; hikuva i vutomi bya wena.

BIBELE Mahungu Lamanene

¹³ Hlayisa swiletelo, u nga swi tshiki; swi sirhelele, hikuva hi byona vutomi bya wena.

Swivuriso 4:13 Referans Kwoze

Vaheveru 2:1

Hikwalaho, hi fanele ku tiyisela hi ku tlurisisa eka timhaka leti hi ti yingiseke, leswaku hi nga ti tshiki ti khaluta.

Swivuriso 3:18

I murhi wa vutomi eka lava byi fuweke, Lava byi hlayisaka va katekile.

Swivuriso 23:23

Xava ntiyiso u nga wu xavisi, Hambi byi ri vutlhari, ni dyondzo ni ku anakanya.

Duteronoma 32:47

Hikuva a hi rito ro hava eka n'wina kambe i vutomi bya n'wina; kutani mi ta lehisa ha rona masiku ya n'wina emisaveni leyi mi nga ta yi teka loko mi perile Yordani.

1 Vatesalonika 5:21

Ringani hinkwaswo, mi tiyisela eka leswo saseka.

Timhaka 11:23

Kuteloko a fikile, a vona tintswalo ta Xikwembu a tsaka; kutani a va khongotela hinkwavo ku tiyisela eka Hosi hi timbilu leti chivirikaka.

Timhaka 2:42

Kutani a va chivirika edyondzweni ya vaapostola, ni le ku hlanganeni ka vona, ni le ku phemeni ka vuswa ni le mikhongelweni.

Yohane 6:68

Simoni Petro a hlamula, a ku eka yena: “Hosi, hi nga ya eka mani xana? U ni marito ya vutomi lebyi nga heriki.

Nhlavutelo 12:11

Va n'wi hlurile hi ngati ya Xinyimpfana, ni rito ra vumbhoni bya vona, kutani a va rhandzangi vutomi bya vona, ku yisa eku feni.

Nhlavutelo 2:13

Ndzi tiva laha u akeke kona, laha ku nga ni xiluvelo xa Satana, ni leswaku u hlayisa vito ra mina; kutani a ku landzulanga ku pfumela eka mina, hambi ku ri hi siku Antipasi mbhoni ya mina leyi tshembekaka, a nga dlawa exikarhi ka n'wina laha Satana a akeke kona.

Risimu ra Tinsimu 3:4

Ndza ha ku va hundza switsanana, Ndzi kuma la rhandziwaka hi moya wanga, Ndzi n'wi khoma, kambe a ndzi n'wi tshikanga. Ndzi kondza ndzi n'wi yisa endlwini ya manana, Endlwini ya la nga ndzi veleka.

Eklesiasta 7:12

Hikuva munhu u le ndzhutini wa vutlhari, kukotisa loko a ri endzhutini wa mali; na kona ku tiva ku sasekile hikuva vutlhari byi hanyisa lava nga na byona.

Swivuriso 3:22

Swi ta va vutomi emoyeni wa wena, Ni swibombiso enhan'wini ya wena.

Genesa 32:26

Kutani yeloyi a ku: “Ndzi tshike ndzi famba, hikuva byi lava ku xa.” Kambe Yakobo a ku: “Ndzi nga ka ndzi nga ku tshiki u famba, u nga si ndzi katekisa.”

Yohane 6:63

Moya hi wona lowu hanyisaka; nyama a yi pfuni nchumu. Timhaka leti ndzi mi byelaka tona, i moya ni vutomi.

Swivuriso 6:23

Hikuva xitsundzuxo i rivoningo, ni dyondzo i ku vonakala, Ku tshinya ka ku laya i ndlela ya vutomi:

Swivuriso 8:35

Hikuva la ndzi kumaka u kumile vutomi, U kumile tintswalo ta Yehovha.

Swivuriso 10:17

Ku tsundzuka dyondzo i ndlela ya vutomi, Kambe loyi a alaka ku tshinyiwa wa lahleka.