Swivuriso 31:9 - Xitsonga (Bibele)

⁹ Ahlamisa nomu, u avanyisa hi ku lulama, U yingisa timhaka ta lowa khombo ni xisiwana.”

BIBELE Mahungu Lamanene

⁹ Vulavula, u avanyisa hi nawu; tifanelo ta swisiwana ni vapfumari, ti hlayise.

Swivuriso 31:9 Referans Kwoze

Esaya 1:17

Dyondzani ku endla leswinene, lavani leswi lulameke, lamulelani la xanisiwaka; sirhelelani xisiwana, lwelani noni.

Levhitika 19:15

“ ‘Mi nga tshuki mi voyamisa ku lulama eku avanyiseni ka n'wina; u nga tshuki u ya hi nghohe ku lamulela xisiwana, ni ku languta nghohe ya nkulukumba; u ta avanyisa wa rikwenu hi ku lulama.

Duteronoma 1:16

“Enkarhini wolowo ndzi lerisile vaavanyisi va n'wina, ndzi te: ‘Yingisani timhaka ta vamakwenu, mi avanyisa hi ku lulama mitengo ya vona, hambi yi ri ya wamatiko loyi a nga ka n'wina.

Yeremiya 22:3

Ku vula Yehovha, a ku: “Avanyisani hi ku lulama, mi lamulela xisiwana emavokweni ya loyi a n'wi karhataka, mi nga tshuki mi pfukela wamatiko, ni xisiwana, ni noni matimba, mi nga va endli swo biha; mi nga halati ngati leyi nga riki na nandzu exivandleni lexi.

Daniele 4:27

Loko swi ri tano, hosi, amukela ku tsundzuxa ka mina. Herisa ku dyoha ka wena hi ku endla hi ku lulama, ni ku homboloka ka wena hi ku tsetselela xisiwana, loko kumbexana ku kateka ka wena ka ha ri ni nkarhi.”

Yeremiya 23:5

“Vonani, ku vula Yehovha ma ta masiku lawa ndzi nga ta humesela Davhida ha wona xihluke xa ku lulama, yi va hosi ya vukosi leyi fumaka hi vutlhari, yi veka ku avanyisa ni ku lulama emisaveni.

Yeremiya 5:28

Va nonile va torile, na swona, va tlurisa hi ku biha loku nga vuriwiki; eku tengisiweni ka vaavanyisi, a va avanyiseri xisiwana, kambe va kateka; kutani a va hitekeri ku mangala ka xisiwana eku avanyiseni.

Esaya 1:23

Tihosi ta wena ta tiarisa, ti kucetelana ni vayivi, hinkwato ti rhandza ngopfu ku nyikiwa, ti tsutsumela ku hakeriwa; a ti avanyiseli xisiwana, timhaka ta noni a ti fiki eka tona.

Swivuriso 16:12

I manyala eka tihosi ku endla leswi nga lulamangiki, Hikuva xitshamo xa vuhosi xi tiyisiwa hi ku lulama.

Ntirho 29:12

Hikuva a ndzi lwela lava xanisekaka loko va kombela ku pfuniwa, Ni xisiwana lexi pfumalaka mupfuni;

Nhlavutelo 19:11

Kutani ndzi vona tilo ri pfuriwile, kavaloko ku humelela hanci leyo basa, la yi khandziyeke a vitaniwa Mutshembeki ni Wantiyiso; wa avanyisa ni ku lwa hi ku lulama.

Yohane 7:24

Mi nga avanyisi hi nghohe ntsena, avanyisani hi ku avanyisa loku lulameke.”

Zakariya 7:9

“Yehovha wa tinyimpi u ri: Avanyisani hi ku avanyisa lokunene, mi endla hi tintswalo ni nsovo, un'wana ni un'wana eka makwavo;

Swivuriso 20:8

Hosi yi tshamisa exitshan'weni xa ku avanyisa, U hlela swo biha hinkwaswo hi ku languta ka yena.

2 SAMIELE 8:15

Davhida a a fuma Vaisraele hinkwavo, kutani Davhida a tshama a yingisa timhaka ta tiko hinkwaro ra yena, a va a ti lulamisa.

Vaheveru 1:9

U rhandzile leswo lulama, u vengile leswo homboloka; hikwalaho, oho Xikwembu, Xikwembu xa wena xi ku cheleke hi mafurha ya ku tsakisisa, xi ku veke ehenhla ka varikwenu hinkwavo.”

Esaya 11:4

U ta avanyisa xisiwana hi ku lulama, a kanela timhaka ta lavatsongo va misava hakunene. U ta ba misava hi nhonga ya nomu wa yena, a lovisa swidyohi hi moya wa nomu wa yena.

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

1 SAMIELE 19:4

Yonatani a vulavulela Davhida eka Sawulo, tata wa yena, a ku eka yena: “Hosi yi nga tshuki yi dyohela nandza wa yena, Davhida, hikuva a nga ku dyohelanga, kambe leswi a swi endleke, swi ku pfunile ngopfu.

1 SAMIELE 20:32

Yonatani a hlamula a ku eka Sawulo, tata wa yena: “U ta fela yini-ke? U endle yini xana?”

Swivuriso 29:7

Munhu wo lulama u twisisa timhaka ta xisiwana, Kambe lowo biha a nga na vutivi byo twisisa.

Pisalema 82:3

Avanyisani lontsongo hi ku lulama ni la nga riki na tatana, Mi lulamisa ta la nga ekhombyeni ni ta xisiwana.

Yeremiya 21:12

n'wina yindlu ya Davhida! Yehovha u ri: “Avanyisani hi ku lulama ka ha ri mixo; mi lamulela xisiwana emavokweni ya loyi a n'wi xanisaka, leswaku vukari bya mina byi nga pfurhi kukotisa ndzilo, kutani wu hisa ku nga ri na loyi a wu timhaka hikwalaho ka vumbabva bya ku endla ka n'wina.” ’