Swivuriso 31:17 - Xitsonga (Bibele)

¹⁷ U tiboha xifungha hi matimba, U tiyisa mavoko ya yena.

BIBELE Mahungu Lamanene

¹⁷ Ú yima hi milenge a titirhela, a nga tshami hi mavoko.

Swivuriso 31:17 Referans Kwoze

Ntirho 38:3

Sweswi, tibohe xisuti kukota wanuna; Ndzi ta ku vutisa, u ta ndzi dyondzisa!

1 Petro 1:13

Hikwalaho, na n'wina, tiboheni swisuti swa ku twisisa ka n'wina mi hanya hi ku tikhoma, mi tshemba hi mukhuva lowu hetisekeke tintswalo leti mi nga ta nyikiwa tona siku Yesu Kriste a nga ta humelela;

Vaefesa 6:10

Loko swi ri tano, tiyani eHosini ni le matimbeni ya yona lama nga tsandziwiki ha nchumu.

Vaefesa 6:14

Tiyani hikwalaho, mi ri karhi mi titsimbile swifungha hi vamba ra ntiyiso, mi ambele exifuveni xisirhelelo xa leswo lulama;

Luka 12:35

“A ku tsimbiwe swisuti swa n'wina, mavoningo ya n'wina a ma lumekiwe.

1 TIHOSI 18:46

Kutani Akabu a khandziya ekalichini ya yena, a muka eYizriele. Kambe voko ra Yehovha ri va henhla ka Eliya a tiboha xisuti a tsutsuma emahlweni ka Akabu, ku fika enyangweni ya Yizriele.

Hosiya 7:15

Mina ndzi va dyondzisile, ndzi vuya ndzi tiyisa mavoko ya vona, kasi va kanele ku biha ehenhla ka mina.

Esaya 44:12

Mufuri u tirha nhumbu hi ntupo, a yi nghenisa endzilweni, a yi bela hi nyundzu, kutani a yi tirha hi matimba hinkwawo ya voko ra yena; hambiswiritano, u twa ndlala, ni ku tsana; loko a nga nwi mati, wa karhala.

2 TIHOSI 4:29

“Tibohe xisuti, u teka nhonga yanga evokweni ra wena, u famba; kungakuloko u hlangana ni munhu, u nga n'wi xeweti, ni loko munhu a ku xeweta, u nga n'wi hlamuli. U ta veka nhonga ya mina emombyeni wa wandzisanyana.”

Genesa 49:24

Kambe vurha bya yena byi tshame byi tiyile; Mavoko ni mandla ya yena ma tiyisiwile Hi mandla ya Nhenha ya Yakobo, Hi loyi a nge Murisi ni Ribye ra Israele.

Swivuriso 31:16

U anakanya nsimu, a ya xava; Hi leswi a swi kumeke, u byala nsimu ya vhinya.

Swivuriso 31:18

U tsakela ku bindzula ka yena; Nivusiku, rivoningo ra yena a ri timeki.