Swivuriso 30:5 - Xitsonga (Bibele)

⁵ Marito hinkwawo ya Xikwembu ma ringiwile efulweni, I xitlhangu eka lava chavelaka eka xona.

BIBELE Mahungu Lamanene

⁵ Hinkwaswo leswi vuriwaka hi Xikwembu swi tiyile, hi xona xitlhangu xa lava tsutsumelaka eka xona.

Swivuriso 30:5 Referans Kwoze

Pisalema 18:30

Tindlela ta Xikwembu ti lulamile, Rito ra Yehovha ri hlawulekile; I xitlhangu eka hinkwavo lava titshembeleke yena.

Yakobo 3:17

Kambe vutlhari lebyi pfaka ehenhla, ku sungula ka byona i ku tenga, byi engeta byi va ni ku rhula, ni ku olova, ni ku yingisela, byi tele tintswalo, ni mihandzu leyinene, a byi tsekatseki, a byi kanganyisi.

Pisalema 84:11

Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

Pisalema 12:6

Marito ya Yehovha i marito layo tenga; I ntsopfu lowu basisiweke entshengelweni, Lowu nyukisiweke kantlhanu na kambirhi.

Pisalema 3:3

Kambe wena Yehovha, u xitlhangu xa mina, U ku kwetsima ka mina ni loyi a yimisaka nhloko ya mina.

Pisalema 119:140

Rito ra wena ri tengile hi ku tlurisa, Ri rhandziwa hi nandza wa wena.

Pisalema 91:2

Ndzi ku eka Yehovha: “U xichavelo ni khokholo ra mina, U Xikwembu xa mina, lexi ndzi xi tshembaka!”

Genesa 15:1

Endzhaku ka timhaka teto, rito ra Yehovha ri fika eka Abrama enorhweni, ri ku: “Abrama, u nga chavi. Ndzi xitlhangu xa wena ni hakelo ya wena leyikulu.”

Varhoma 7:12

Loko wu ri nawu, wa kwetsima; ni ku lerisa ka kwetsima, ku lulamile, ku sasekile.

Pisalema 144:2

Hi yena tintswalo ta mina ni khokholo ra mina, Khokholo lero tlakuka ra mina ni mulamuleri wa mina, Xitlhangu ni xichavelo xa mina, Yena la ndzi tsongahatelaka tiko ra mina.

Pisalema 19:8

Ku letela ka Yehovha ku lulamile ku tsakisa mbilu; Ku lerisa ka Yehovha ku basile, ku hanyanyisa mahlo;

2 SAMIELE 22:31

“Ndlela ya Xikwembu yi lulamile, Rito ra Yehovha ri hlawulekile; I xitlhangu xa hinkwavo lava chavelaka ka yena.

Pisalema 18:2

Oho Yehovha! Ribye ra mina, ni khokholo ra mina, ni mulweri wa mina! Oho Xikwembu xanga! Ribye ra mina leri ndzi chavelaka eka rona! Xitlhangu xa mina, ni matimba lama ndzi ponisaka, ni xichavelo xa mina!

Swivuriso 2:7

U hlayisela lavo lulama ku kateka, A va xitlhangu eka lava fambaka eku lulameni.

Pisalema 18:31

I mani Xikwembu, loko a nga ri Yehovha? I mani ribye lero tiya, loko xi nga ri Xikwembu xa hina?

Swivuriso 29:25

Ku chava vanhu ka rhiya ntlhamu, Kambe la tshembaka Yehovha u le ku tlakukeni.