Kavaloko a n'wi yisa kona. Kutani maswivo, a va hangalakile ematlhelweni hinkwawo ya tiko, va ri karhi va dya, va nwa va titsakela hi xuma hinkwaxo lexikulu lexi va xi phangeke etikweni ra Vafilista, ni le tikweni ra Yuda.
Hosi yanga yi nga tshuki yi anakanya munhu loyi wa tihanyi, a nga Nabala, hikuva hi rona vito ra yena, kunene Nabala i vito ra yena, ku ni vuhunguki eka yena. Loko ndzi ri mina, nandza wa wena, a ndzi vonanga majaha lawa u ma rhumeke.
Vito ra munhu loyi a a ri Nabala, kambe vito ra nsati wa yena a a ri Abigayele. Nsati loyi, a a ri ni ku twisisa, a a sasekile, kambe nuna wa yena a a ri munhu wo nonon'hwa wa tihanyi. A a ri wa yindlu ya ka Kalebe.
EMawoni, a ku ri ni munhu loyi ingi rifuwo ra yena ri le Karmele. Munhu loyi a a fuwile ngopfu; a a ri ni tinyimpfu ta 3 000, ni timbuti ta 1 000, kutani a a yile eKarmele ku tsemela voya bya tinyimpfu ta yena.