Swivuriso 30:15 - Xitsonga (Bibele)

¹⁵ Nyulu wu ni vana va xisati vambirhi, va nge: “Nyika! Nyika!” Swilo swinharhu swi kona leswi nga xurhiki, Ndzi nga ku swa mune leswi nga vuriki ni siku ni rin'we: “Swi ringanile!”

BIBELE Mahungu Lamanene

¹⁵ Xigalana xi ni vana vambirhi va xisati, lava va nge: “Hi nyike! Hi nyike!” Xana swilo leswi nga kotiki ku vula swi ku: “I nkomu, ndzi xurhile!” i swinharhu xana? E-e, i mune, swi nga leswi:

Swivuriso 30:15 Referans Kwoze

Swivuriso 30:29

Swilo swinharhu leswi langutekaka, I mune leswi mafambele ya swona ma tsakisaka:

Swivuriso 30:21

Misava yi rhurhumerisiwa hi swilo leswinharhu, Ndzi nga ku swa mune swi kona leswi yi nga ka yi nga swi rhwali;

Swivuriso 6:16

Ku ni swilo swa ntlhanu na xin'we leswi vengiwaka hi Yehovha, Ndzi ri ntlhanu na swimbirhi lama nga manyala eka yena:

2 Petro 2:3

kutani leswi va navelaka ku fuwa, va ta bindzula ha n'wina hi ku vulavula loku kanganyisaka, volavo, ku avanyisa ka vona ka khale ku nga lolohiki, ni ku lova ka vona ku nga etleriki.

Varhoma 16:18

Hikuva lavo tano a va tirheli Hosi ya hina, Yesu Kriste, kambe va tirhela makhwiri ya vona ntsena; kutani va hambukisa timbilu ta lavo rivala hi marito lama tsakisaka, ma ku lwandla enon'wini.

Yohane 8:44

N'wina mi huma eka tata wa n'wina a nga Diyavulosi, kutani mi rhandza ku endla ku navela ka tata wa n'wina. A a ri mudlayi ni le ku sunguleni, a nga tshamanga entiyisweni, hikuva a ku na ku tshembeka eka yena. Loko a vulavula mavunwa, a tisungulela swa yena, hikuva i muhembi ni tata wa mavunwa.

Yohane 8:39

Va hlamula, va ku eka yena: “Tata wa hina i Abrahama.” Yesu a ku eka vona: “Loko ngi mi ri vana va Abrahama, a mi ta endla mitirho ya Abrahama.

Matewu 23:32

Hetisisani-ke mpimo wa vatata wa n'wina.

Mikiya 7:3

Va nghenile ha mavoko mambirhi eku biheni, leswaku va ku hetisa: Hosi ya kombela, muavanyisi wa avanyisa ku kuma hakelo, lonkulukumba, yena, u vulavula ku anakanya loku biha ka moya wa yena, va pfilunganya timhaka.

Amosi 2:4

Yehovha u ri: “Hikwalaho ka milandzu, minharhu kumbe ya mune ya Yuda — ndzi nga ka ndzi nga hundzuki, hikuva va sorile nawu wa Yehovha, a va hlayisanga ku lerisa ka yena, va hambuxiwa hi mavunwa ya vona lawa vakokwa wa vona va nga famba ha wona,

Amosi 2:1

Yehovha u ri: “Hikwalaho ka milandzu minharhu kumbe ya mune ya Mowabu — ndzi nga ka ndzi nga hundzuki, hikuva va hisile marhambu ya hosi ya Edomu, va ma endle nkuma;

Amosi 1:13

Yehovha u ri: “Hikwalaho ka milandzu minharhu, kumbe ya mune ya vana va Amoni — ndzi nga ka ndzi nga hundzuki, hikuva va handzule makhwiri ya vavasati lava tikeke va Giliyadi leswaku va kurisa tiko ra vona,

Amosi 1:11

Yehovha u ri: “Hikwalaho ka milandzu minharhu, kumbe ya mune ya Edomu — ndzi nga ka ndzi nga hundzuki, hikuva u hlongorile makwavo hi tlhari, a cukumeta tintswalo hinkwato, vukari bya yena byi nga tshiki ku handzula, kambe a hlayisa vukari bya yena hi masiku,

Swivuriso 30:24

Swivandzana swa mune leswitsanana swi kona la emisaveni, Kambe swi tlharihile ngopfu:

Amosi 1:9

Yehovha u ri: “Hikwalaho ka milandzu minharhu, kumbe ya mune ya Tiri ndzi nga ka ndzi nga hundzuki, hikuva va nyiketile Edomu makhumbi layo tala, va nga anakanyi xinakulobye xa vuxaka,

Amosi 1:6

Yehovha u ri: “Hikwalaho ka milandzu minharhu, kumbe ya mune ya Gaza — ndzi nga ka ndzi nga hundzuki, hikuva va fambile ni makhumbi layo tala ku va nyiketa Vaedomu,

Amosi 1:3

Yehovha u ri: “Hikwalaho ka milandzu minharhu, kumbe ya mune ya Damaska, ndzi nga ka ndzi nga hundzuki, hikuva va kandziyile Giliyadi hi swileyi leswi tlhavaka swa tinsimbhi,

Hosiya 4:18

Ku nwa ka vona ku borile; va oswa ni ku oswana; lava nga switlhangu eka vona, va rhandza swa tingana.

Esaya 57:3

“Kambe n'wina tshinelani halenu, vana va mungoma wa wansati, rixaka ra muoswi ni ra wa mbiri!

Swivuriso 27:20

Xivandla xa vafi ni tihele a swi xurhi, Mahlo ya munhu, na wona, a ma xurhi.

Swivuriso 30:14

Rixaka ri kona ra meno laya kotaka mafumu, Ra tinhlaya leti fanaka ni mikwana, Ku dya va nhlomulo emisaveni, Ni ku heta vapfumari exikarhi ka vanhu.

Swivuriso 30:16

I xivandla xa vafi, i khwiri leri nga tswariki, Ni misava leyi nga xurhiki mati, Ni ndzilo lowu nga vuriki ni siku ni rin'we: “Swi ringene.”