Swivuriso 30:14 - Xitsonga (Bibele)

¹⁴ Rixaka ri kona ra meno laya kotaka mafumu, Ra tinhlaya leti fanaka ni mikwana, Ku dya va nhlomulo emisaveni, Ni ku heta vapfumari exikarhi ka vanhu.

BIBELE Mahungu Lamanene

¹⁴ Ku ni vanhu lava meno ya vona ma nga timbatlu kumbe mikwana: Ha wona va herisa swisiwana laha misaveni, va susa ni vapfumeri evanhwini.

Swivuriso 30:14 Referans Kwoze

Pisalema 57:4

Moya wa mina wu le xikarhi ka tinghala; Ndzi etlele exikarhi ka valala lava hlantaka ndzilo, Exikarhi ka vanhu lava meno ya vona ma nga matlhari ni miseve, Lava tindzimi ta vona ma nga mabanga layo kariha.

Pisalema 3:7

Pfuka Yehovha! U ndzi ponisa, Xikwembu xanga! Hi wena la baka marhama ya valala va mina hinkwavo, U tshova meno ya lavo homboloka.

Pisalema 14:4

Xana hinkwavo lava endlaka swo biha va pfumala ku tiva xana? Va dya tiko ra mina kukotisa loko ku dyiwa vuswa; A va khongeri Yehovha.

Ntirho 29:17

A ndzi faya meno ya mbabva, A ndzi tlatlambuta emenweni ya yena lexi a xi vutleke.

Nhlavutelo 9:8

Kambe a ti ri ni misisi kukotisa misisi ya vavasati; meno ya tona a ya fana ni meno ya tinghala.

Amosi 8:4

Yingisani mhaka leyi, n'wina lava tiyiselaka ku dya xisiwana ni ku lovisa vapfumari etikweni; n'wina lava nge: “Siku ra ku tshama ka n'weti ri ta hundza rini, hi ta xavisa mavele?

Eklesiasta 4:1

Ndzi engeta kambe ndzi tsundzuka maxangu hinkwawo lama humelelaka ehansi ka dyambu, ndzi vona mihloti ya lava xanisiwaka, kambe ku nga ri na loyi a va miyetaka. Tlhelo ra vaxanisi va vona, ndzi vona ku nonon'hwa, kambe ku nga ri na mumiyeti wa vona.

Pisalema 58:6

Oho Xikwembu! Tshova meno emilon'wini ya vona; Fayetela tinhlaya ta swinghalana, oho Yehovha!

Pisalema 12:5

“Hikwalaho ka khombo ra swisiwana ni ku rila ka vapfumari, Ndzi ta pfuka sweswi,” ku vula Yehovha; “Ndzi ta ponisa lava xanisiwaka.”

Matewu 23:13

“Kasi mi ni khombo n'wina vatsari ni Vafarisi, vamanyunyu, hikuva mi pfalela vanhu ku fuma ka matilo; kambe n'wina a mi ngheni kona kutani lava rhandzaka ku nghena a mi va pfumeleri ku nghena.

Sofoniya 3:3

Tihosi ta wona, i tinghala leti dzumadzumaka exikarhi ka wona; vaavanyisi va wona, i timhisi ta madyambu leti nga hlayiseriki nchumu swa mundzuku.

Habakuku 3:14

Hi miseve ya wena, u tlhava tinhloko ta tinhenha ta yena, lava taka kukotisa xidzedze ku ta hi hangalasa, lava veke va tsakisisa ingi hiloko va dya swisiwana exihundleni.

Amosi 4:1

“Yingisani rito leri, n'wina matswele ya Baxani, lama nga entshaveni ya Samariya, n'wina lava xanisaka lavatsongo, mi xanisaka swisiwana, mi nge eka vanuna va n'wina: ‘Tisani, hi nwa!’

Amosi 2:7

va navela ku vona ntshuri wa misava ehenhla ka nhloko ya xisiwana kutani va gombonyokisa timhaka ta lava nga ekhombyeni; munhu ni tata wa yena va nghenela nsati a ri un'we ku sandzisa vito ra mina leri hlawuriweke,

Esaya 32:7

Loko a ri mudyeleri, matlhari ya yena i ya vumbabva; u endla makungu ku lovisa xisiwana hi ku vulavula swa mavunwa, hambi mhaka ya mupfumari yi lulamile.

Swivuriso 28:3

Munhu wo pfumala la tikerisaka swisiwana, I xihuhuri lexi nga siyiki swakudya.

Swivuriso 22:16

La xanisaka xisiwana u engetela rifuwo ra xona, La nyikaka mufuwi, u n'wi wisa evusiwaneni.

Swivuriso 12:18

La vulaka swahava wa tlhava kukota tlhari; Kambe nomu wa lowo tlhariha wa hanyisa.

Pisalema 52:2

Ririmi ra wena ri luka ku onha ntsena, I rikari leri lotiweke leri vulaka mavunwa ntsena.

Pisalema 124:6

A ku dzunisiwe Yehovha, La nga ka a nga hi nyiketanga hi vutliwa hi meno ya vona.

Swivuriso 30:15

Nyulu wu ni vana va xisati vambirhi, va nge: “Nyika! Nyika!” Swilo swinharhu swi kona leswi nga xurhiki, Ndzi nga ku swa mune leswi nga vuriki ni siku ni rin'we: “Swi ringanile!”

Esaya 3:14

Yehovha wa sungula ku avanyisa vakulukumba va tiko ra yena ni tihosi ta rona, a ku: “Mi dyile nsimu ya vhinya, kasi leswi phangiweke eka swisiwana swi kona etindlwini ta n'wina!

Ntirho 41:14

I mani la nga pfulaka tinyangwa ta nomu wa yona? Ku chavisa ku le menweni ya yona!

Pisalema 57:5

Oho Xikwembu, titlakuse ehenhla ka matilo! Ku kwetsima ka wena a ku ve ehenhla ka misava hinkwayo!

Esaya 3:15

Mi xanisa tiko ra mina hi matimba wahi, ni ku phyandlasa lava nga ekhombyeni xana?” ku vula Hosi, Yehovha wa tinyimpi.

Esaya 10:2

va alela swisiwana mfanelo ya swona, va dya vapfumari va tiko ra mina, va endla tinoni ku tshumba ka vona, va dya swisiwana.

Ezekiele 22:6

“Vona, tihosana ta Israele, yin'wana ni yin'wana hilaha matimba ya yona ma nga kona, ti lava ku halata ngati eka wena.

Ezekiele 34:3

Mi dya mafurha, mi tifunengeta hi voya bya tinyimpfu; mi tlhava leti noneke, kambe a mi phameri ntlhambi.