Swivuriso 3:24 - Xitsonga (Bibele)

²⁴ Loko u ya eku etleleni, u nga ka u nga chavi, Ni loko u tilatile, vurhongo bya wena byi ta nandziha.

BIBELE Mahungu Lamanene

²⁴ Loko u etlele, a ku nga vi na lexi xi nga ta ku chavisa, ni vurhongo byi ta nandziha;

Swivuriso 3:24 Referans Kwoze

Pisalema 3:5

Ndza sivama, ndzi etlela, Ndzi tlhela ndzi pfuka, hikuva Yehovha wa ndzi tiyisa.

Pisalema 4:8

Ndzi sivama, ndzi etlela hi ku rhula, Hikuva hi wena Yehovha u ri swaku la ndzi akisaka eku sasekeni.

Swivuriso 6:22

Loko u famba, yi ta ku fambisa, Ni loko u etlela, yi ta ku rindza; Loko u pfuka evurhongweni yi ta vulavula na wena.

Yeremiya 31:26

Kavaloko ndzi pfuka, ndzi languta; kutani vurhongo bya mina a byi ri lebyo nandziha.

Ntirho 11:19

Ku wisa ka wena a ku nga karhatiwi hi munhu, Lavo tala va ta tsakela mombo wa wena.

Levhitika 26:6

Ndzi ta nghenisa ku rhula etikweni mi ta etlela mi nga tshukisiwi hi munhu; ndzi ta susa swivandzana etikweni, ni fumu ri nga ka ri nga fiki etikweni ra n'wina.

Pisalema 127:2

A swi mi pfuni nchumu ku vindzuka nimixo Ni ku hlwela ku ya eku etleleni, Ni ku dya vuswa lebyi vavisaka! Murhandziwa wa yena wa nyikiwa leswo tano evurhongweni bya yena.

Ezekiele 34:15

Tinyimpfu ta mina ti ta risiwa hi mina, ndzi ta ti etlerisa ehansi, ku vula Hosi Yehovha.

Timhaka 12:6

Hi siku Heroda a lavaka ku n'wi humesa emahlweni ka tiko, hi vusiku byebyo, Petro a etlele exikarhi ka masocha mambirhi, a bohiwile hi timpecana timbirhi; kutani valanguteri va nyangwa a va langutela khotso.

Pisalema 112:8

Mbilu ya yena yi tiyile swinene, a nga chavi nchumu, Mahlo ya yena ma ko ma tsakisiwa hi valala va yena.

Swivuriso 1:33

Kambe la ndzi yingisaka u ta tiakela hi ku rhula, A nga chavi khombo.”

Eklesiasta 5:12

Vurhongo bya munhu la tirhaka bya nandziha, hambi a dya ngopfu, hambi a dya switsanana; kambe ku xurha ka mufuwi a ku n'wi nyiki vurhongo.

2 TIKRONIKA 20:30

Kwalaho ku fuma ka Yoxafati ku va ni ku rhula, Xikwembu xi n'wi nyika ku wisa ematlhelweni hinkwawo.

Pisalema 3:6

A ndzi chavi vanhu va madzana ya madzana, Lava ndzi rhendzeleke hi matlhelo hinkwawo.

Pisalema 91:5

U nga ka u nga chavi michavo ya vusiku, Ni loko yi ri miseve leyi hahaka ninhlekanhi,

Swivuriso 19:23

Xichavo xa Yehovha xi yisa evutomini, U ta xurha, a etlela, a nga humeleri hi khombo.

Esaya 54:14

U ta tiyisiwa hi ku lulama; tshineta ekule na wena mahlomulo, hikuva a ku faneri ku chava nchumu, ni ku tshuka, hikuva leswi chavisaka swi nga ka swi nga ku tshineleri.

Ezekiele 34:25

“Ndzi ta va endlela xinakulobye xa tintswalo, ndzi heta swivandza leswo biha etikweni, va ta aka emananga hi ku tikhorisa va etlela eswihlahleni.

Ezekiele 34:27

Murhi wa le masin'wini wu ta veka mihandzu ya wona, ni tiko ri ta veka swa rona; va ta tikhorisa etikweni ra vona, kutani va ta tiva leswaku hi mina Yehovha, siku ndzi tshovaka swiboho swa joko ra vona ndzi va lamulelaka emavokweni ya lava va fambisaka.