Swivuriso 29:26 - Xitsonga (Bibele)

²⁶ Lavo tala va lava ku voniwa hi hosi, Kambe ku avanyisa ka munhu ku huma eka Yehovha.

BIBELE Mahungu Lamanene

²⁶ Vanhu vo tala va lava ku tsakeriwa hi tihosi, kambe i HOSI Xikwembu ntsena lexi avanyiselaka munhu timhaka ta yena.

Swivuriso 29:26 Referans Kwoze

Swivuriso 19:6

Lavo tala va sasela munhu lonkulu; Na swona un'wana ni un'wana i nakulobye wa la hananaka.

Pisalema 20:9

Yehovha, hlayisa! Hosi a yi hi yingise siku hi huwelelaka eka yona!

Swivuriso 19:21

Meehleketo yo tala yi le mbilwini ya munhu, Kambe makungu ya Yehovha hi wona lama tiyeke.

1 Vakorinto 4:4

Hikuva a ndzi tivoni nandzu wa nchumu; hambiswiritano, a ndzi vekiwanga la lulameke hakona, kambe la ndzi avanyisaka i Hosi.

Daniele 4:35

Vaaki hinkwavo va misava va kotisa swahava emahlweni ka yena; a endla hi mavandla ya matilo ni vaaki va laha emisaveni hilaha a rhandzaka hakona; kutani a ku na un'wana la nga n'wi sivelaka, a ku eka yena: “U endla yini?”

Esaya 49:4

Kambe mina ndzi te: “Ndzi tikarhatile mahala; ndzi helele matimba swi nga pfunanga nchumu; kambe ku lulama ka mina ku le ka Yehovha, ku hakela ka mina ku le ka Xikwembu xa mina.”

Swivuriso 16:7

Yehovha loko a tsakisiwa hi ku famba ka munhu, U twananisa na yena hambi va ri valala va yena.

Pisalema 62:12

Ni tintswalo ti na wena, Hosi; Hikuva u tlherisela un'wana ni un'wana hi ku ringana ka mitirho ya yena.

Estere 4:16

“Famba u ya hlengeleta Vayuda hinkwavo lava nga kona eXuxani; mi titsona swakudya ematshan'weni ya mina; mi nga tshuki mi dya, ni loko ku ri ku nwa hi masiku manharhu, vusiku ni nhlekanhi; na mina ni vanhwanyana va mina, hi ta titsona swakudya sweswo, ndzi ta nghena eka hosi, ni loko nawu wu nga pfumeri; hambi ndzi nga dlawa, a ndzi dlayiwe.”

Nehemiya 1:11

Oho! Yehovha, ndleve ya wena a yi rhiyeketele mikhongelo ya nandza wa wena, ni mikhongelo ya malandza ya wena lama tirhandzeleke ku chava vito ra wena; wanga tiyisa nandza wa wena, kutani u n'wi kumisa tintswalo emahlweni ka wanuna loyi.” Kambe a ndzi ri mucheleri wa hosi.

Genesa 43:14

kutani Xikwembu xa matimba hinkwawo a xi mi kumise tintswalo eka munhu yeloyi, a ta mi tlherisela ni makwenu lo un'wana na Benjamini. Loko ndzi ri mina, loko ndzi fanekele ku lahlekeriwa hi vana, a ndzi lahlekeriwe hi vona!”

Swivuriso 21:1

Mbilu ya hosi i xinambyana xa mati evokweni ra Yehovha, U yi fambisa hinkwako laha a rhandzaka kona.

Swivuriso 16:33

Va hoxa vuhlolotwana engubyeni, Kambe lexi vuriwaka hi byona xi huma eka Yehovha.

2 SAMIELE 14:1

Yowabu, n'wana Seruya, a vona leswaku mbilu ya hosi yi navela Abixalomu;

Swivuriso 16:14

Ku hlundzuka ka hosi ku kota ntsumi ya rifu, Kambe munhu wa vutlhari u ta yi rheleta mbilu.

Swivuriso 16:15

Eku vonakaleni ka mombo wa hosi ku ni vutomi, Rirhandzu ra yena i papa leri nisaka mpfula ya le ndzhaku.