Swivuriso 29:10 - Xitsonga (Bibele)

¹⁰ Lava nga ni ndlala ya ngati, va venga vanhu lava hetisekeke, Kambe lavo lulama va sirhelela ku hanya ka vona.

BIBELE Mahungu Lamanene

¹⁰ Lava tsakelaka ku halata ngati, va venga munhu wo tshembeka, kasi lavo lulama va tsakela ku n'wi sirhelela.

Swivuriso 29:10 Referans Kwoze

Varhoma 10:1

Vamakwerhu, ku navela ka mbilu ya mina ni mikhongelo leyi ndzi yi endlelaka Vaisraele eka Xikwembu, hileswaku va ponisiwa.

Timhaka 7:60

Kutani a khinsama, a huwelela hi rito lerikulu, a ku: “Hosi u nga va hlayeli ku dyoha loku.” Kuteloko a vurile sweswo, a tietlelela.

Yohane 5:34

Loko ndzi ri mina, a ndzi amukeri vumbhoni eka munhu, kambe ndzi vula timhaka leti, leswaku mi ta hlayiseka.

Luka 23:34

Kambe Yesu a ku: “Tatana, va rivalele, hikuva a va tivi leswi va swi endlaka.” Kutani va avelana tinguvu ta yena hi ku ti hlahluva hi vuhlolotwana.

2 TIKRONIKA 18:7

Hosi ya Israele yi hlamula, yi ku eka Yoxafati: “Ka ha sele munhu un'we loyi hi nga vutisaka Yehovha ha yena, kambe ndza n'wi venga, hikuva a nga ndzi bvumbheli leswinene ni siku ni rin'we, kambe u ndzi bvumbhela leswo biha hi masiku; i Mikaya, n'wana Imila.” Yoxafati a ku: “Hosi yi nga tshuki yi vurisa sweswo!”

1 TIHOSI 22:8

Hosi ya Israele yi ku eka Yoxafati: “Ka ha sele munhu un'we loyi hi nga vutisaka Yehovha ha yena; kambe ndza n'wi venga hikuva a nga ndzi bvumbheri swo saseka, kambe leswo biha: I Mikaya, n'wana Imila.” Yoxafati a ku: “Hosi yi nga tshuki yi vula sweswo!”

1 TIHOSI 21:20

Akabu a ku eka Eliya: “Xana u ndzi kumile, nala wanga?” Eliya a ku: “Ndzi ku kumile hikuva u tixavisile ku endla leswo biha emahlweni ka Yehovha!

1 SAMIELE 15:11

“Ndza vilela hi leswi ndzi vekeke Sawulo hosi, hikuva u ndzi fularhele, kambe a nga hlayisanga marito ya mina.” Kutani Samiele a holova, a huwelela eka Yehovha vusiku hinkwabyo.

Yeremiya 18:20

Xana ku nga fuma ku biha ematshan'weni ya ku lulama, hilaha va nga celela vutomi bya mina rindzi xana? Tsundzuka leswaku a ndzi ri karhi ndzi yima emahlweni ka wena ku va vulavulela, leswaku ndzi hambukisa vukari bya wena eka vona!

Pisalema 59:2

Ndzi lamulele eka lava endlaka leswo biha, U ndzi kutsula eka vanhu va ngati!

Swivuriso 29:9

Munhu wo tlhariha la tengaka ni wa rihuhu, A nga ka a nga voni ku tsaka, hambi a kariha, hambi a hleka.

Swivuriso 29:27

Xihunguki i manyala eka lavo lulama, Kutani la lulameke endleleni ya yena, i manyala eka munhu wo homboloka.

Swivuriso 13:19

Ku navela loku hetisekeke ku tsakisa timbilu, Ku fularhela leswo biha i manyala eka xihunguki.

Yeremiya 38:7

Kutani Ebede-Meleke, Muetiyopiya, mulanguteri loyi ingi a ri endlwini ya hosi, a twa leswaku Yeremiya u hoxiwile ekheleni; kambe hosi a yi tshamile enyangweni ya Benjamini.

Yeremiya 38:13

kutani va koka Yeremiya hi mapindza, va n'wi humesa ekheleni, kutani Yeremiya a tshama erivaleni ra yindlu ya khotso.