Swivuriso 29:1 - Xitsonga (Bibele)

¹ Munhu la fanelaka hi ku tshinyiwa, kutani a nonon'hwisa nhamu, U ta tshoveka kan'wekan'we, a ku nga vi na murhi wo n'wi tshungula.

BIBELE Mahungu Lamanene

¹ La tshinyiwaka, kambe a ala a tiomisa nhloko, ú ta wa a tshoveka a nga ehleketanga, kutani a nge he tshunguleki.

Swivuriso 29:1 Referans Kwoze

Swivuriso 6:15

Hikwalaho ku onhaka ka yena ku ta n'wi tshukisa, U ta lova hi nomu lowu, ku nga ri na murhi.

1 SAMIELE 2:25

Kungakuloko munhu a dyohele munhukulobye, Xikwembu xi ta n'wi avanyisa; kambe loko a dyohela Yehovha, i mani la nga ta n'wi khongelela?” Kambe a va yingisangi rito ra tata wa vona, hikuva Yehovha a a rhandza ku va lovisa.

Swivuriso 28:18

La fambaka eku lulameni u ta hlayiseka; Kambe wa ku homboloka, wa tindlela timbirhi, u ta wa xikan'we.

Yohane 13:18

A ndzi vuri n'wina hinkwenu, ndzi tiva lava ndzi va hlawuleke; kambe hileswaku Tsalwa ri ta endleka leri nge: ‘La dyaka vuswa na mina, u ndzi khadlanyile hi xirhendze.’

Yohane 13:26

Yesu a hlamula, a ku: “Hi loyi ndzi nga ta n'wi nyika xiphemu loko ndzi petile.” Kuteloko a petile, a xi nyika Yudasi Iskariyota, n'wana Simoni.

Timhaka 1:25

leswaku a teka vutshamo bya ntirho lowu ni vuapostola lebyi Yudasi a byi tshikeke ku ya exivandleni xa yena.”

1 Vatesalonika 5:3

Hikuva siku va nga ta ku: “Ku rhurile, ku tsakiwile!” Hilaha ku onhaka loku nga languteriwangiki ku nga ta va wela ehenhla, kukota mbeleko loko yi humelela la tikeke, va nga ka va nga poni.

Timhaka 1:18

Kambe, kuteloko a tixavele nsimu hi hakelo ya ku homboloka, a tisunga hi ku tiwisa ehansi, a handzuka hi le xikarhi, kutani marhumbu ya yena ma huma hinkwawo.

Nehemiya 9:29

U va khongoterile ku tlhelela emilawini ya wena, kambe va tialele ku yingisa milawu ya wena, va dyohele ku lerisa ka wena loku munhu a nga ta hanya hakona loko a endla hakona; va humesile khatla leri alaka joko, va nonon'hwisa tinhamu ta vona, va nga yingisi nchumu.

2 TIKRONIKA 36:13

A va a xandzukela hosi Nebukadnetsara leyi n'wi hlambanyiseke hi vito ra Xikwembu; kutani a nonon'hwisa nhamu ya yena, a nonon'hwisa ni mbilu ya yena, a nga ti tshuka a tlhelela eka Yehovha Xikwembu xa Israele.

2 TIKRONIKA 33:10

Kambe Yehovha a tshama a vulavula na Manase ni tiko ra yena; ntsena a va yingisanga nchumu.

1 TIHOSI 22:28

Kutani Mikaya a ku: “Kungakuloko u vuya hi ku rhula, Yehovha a nga vulavulanga ha mina.” A engeta a ku: “N'wina, matiko, yingisani hinkwenu!”

1 TIHOSI 18:18

Yena a ku: “A ndzi pfilunganyisi Israele, kambe hi wena ni yindlu ya tata wa wena, hikuva mi tshikile milawu ya Yehovha, mi landza va Baali.

1 TIHOSI 17:1

Kutani Eliya, wa Tixibe, munhu wa tiko ra Giliyadi, a ku eka Akabu: “Yehovha, Xikwembu xa Israele, loyi ndzi yimaka emahlweni ka yena, wa hanya! Malembe lawa ku nga ka ku nga vi na mpfula ni mberha, loko ku nga ri hi rito ra mina.”

1 SAMIELE 2:34

Xikombiso xa wena, hi leswi nga ta humelela eka vana vambirhi va wena, Hofini na Finiyasi: va ta fa havambirhi hi siku rin'we.

Yeremiya 17:23

Kambe a va yingisanga, a va rhiyanga tindleve kambe va ti nonon'hwisile tinhamu, leswaku va nga yingisi, ni leswaku va nga amukeri dyondzo.

Esaya 48:4

Hikuva a ndzi swi tiva leswaku wa nonon'hwa, ni leswaku nhamu ya wena yi fana ni nhonga ya nsimbhi; ni mombo wa wena, ni koporo,

2 TIKRONIKA 25:16

Kakuloko a vulavula na yena, Amasiya a ku eka yena: “Xana va ku vekile wa huvo ya hosi-ke? Suka wena! Va ta ku dlayela yini-ke?” Kutani muprofeta a suka, a ku: “Ndza vona leswaku Yehovha u kanerile ku ku lovisa, hikuva u endlile mhaka leyi, kutani a ku yingisanga marito ya mina.”

1 TIHOSI 20:42

‘Leswi u tshikeke munhu loyi ndzi n'wi yiriseke a baleka emavokweni ya wena, vutomi bya wena byi ta rihela vutomi bya yena, ni tiko ra wena ri ta rihela tiko ra yena.’ ”

Ntirho 9:4

Vutlhari ni matimba hinkwawo swi na xona: I mani la nga kanetanaka na xona, a vuya a hanya?

Swivuriso 28:28

Loko ku tlakuka lavo biha, vanhu va tumbela; Siku va lovaka, lavo lulama va tala.

Yeremiya 36:31

Ndzi ta n'wi ba, yena, ni vatukulu va yena ni malandza ya yena, hikwalaho ka ku homboloka ka vona; ndzi va humesela ni vaaki va Yerusalema, ni va yindlu ya Yuda, ku biha hinkwako loku ndzi ku vuleke ehenhla ka vona, kambe a va ndzi yingisanga.’ ”

Habakuku 2:7

Xana va nga ka va nga yimi kan'we lava taka ku ta ku luma? Xana va nga ka va nga pfuki lava taka ku ta ku hlongola, u va mbhari ya vona xana?

Eksoda 9:7

Faro a vutisa leswi humeleleke, kutani a ku nga fanga ni xifuwo xin'we emitlhambini ya vana va Israele. Kambe mbilu ya Faro yi nonon'hwa, kutani a nga tshunxangi tiko.

Swivuriso 28:14

Ku katekile munhu la nga ni ripfalo hi masiku! Kambe la tinonon'hwisaka mbilu u ta wela eku biheni.

Esaya 28:22

Kutani sweswi tshikani ku tseketsela, swi nga ri leswaku mi engeta mi bohiwa; hikuva ndzi twile eka Hosi, Yehovha wa tinyimpi, leswaku ku lova ka misava hinkwayo ku kaneriwile.

Yeremiya 14:19

Xana Yuda, u n'wi tshikele makumu, kumbe mbilu ya wena yi korwile hi Siyoni xana? U hi bele yini, ku nga ri na ku hanyisiwa xana? Hi langutele ku rhula, kambe a hi voni ku rhula; ni nkarhi wa ku horisiwa, kambe ku chavisa ku kona.