Swivuriso 28:5 - Xitsonga (Bibele)

⁵ Lavo biha a va twisisi swo lulama, Kambe lava lavaka Yehovha, va twisisa timhaka hinkwato.

BIBELE Mahungu Lamanene

⁵ Vanhu vo biha timbilu, a va tivi leswi lulameke, kambe lava gandzelaka HOSI Xikwembu, va swi tiva swinene.

Swivuriso 28:5 Referans Kwoze

1 Yohane 2:27

Kambe loko mi ri n'wina, ku cheleriwa loku mi ku amukeleke eka yena ku tshame eka n'wina, kutani a swi mi faneri ku dyondzisiwa hi munhu, kambe hilaha ku cheleriwa kuloko ku mi dyondzisaka hinkwaswo leswi nga ntiyiso, ma nga ri mavunwa, mi ta tshama eka yena hilaha ku mi dyondziseke.

Yakobo 1:5

Loko un'wana wa n'wina a pfumala vutlhari, a a kombele eka Xikwembu lexi nyikaka hinkwavo hi nsovo, xi nga holovi, kutani u ta nyikiwa.

1 Yohane 2:20

Loko mi ri n'wina, mi amukerile ku cheriwa hi la kwetsimeke, kutani mi tiva hinkwaswo.

Pisalema 92:6

Xihunguki xi nge yi tivi, Ni wa rihlanyi a nge yi twisisi.

Yohane 7:17

Kungakuloko munhu a rhandza ku endla ku rhandza ka Xikwembu, u ta tiva dyondzo ya mina leswaku xana yi huma eka Xikwembu, kumbexana ndzi vulavula ndzi tisungulela swa mina.

Swivuriso 24:7

Vutlhari byi tlakukile, byi tlula xihunguki; Ehubyeni a xi na nomu.

Swivuriso 15:24

Eka munhu lonene, ndlela ya vutomi yi tlhandlukela ehenhla, Yi n'wi tingawukisa xivandla xa vafi ehansi.

Pisalema 119:100

Ndzi tlula va khale hi ku tiva, Hikuva ndzi hlayisa swileriso swa wena.

Pisalema 25:14

Makungu ya Yehovha i ya lava n'wi chavaka, Ku va dyondzisa ntwanano wa yena.

Yeremiya 4:22

“Kunene tiko ra mina ri hungukile; a ri ndzi tivi; i vana va vuhunguki lava nga riki na ku anakanya; va tlharihile ku endla leswo biha; kambe a va tivi ku endla leswinene.”

Swivuriso 2:9

Hi kona u nga ta tiva ku lulama ni mfanelo. Ni ku saseka, ni mikhuva hinkwayo ya leswinene.

Esaya 6:9

Kutani yi ku: “Famba u ya byela tiko leri, u ku: ‘Mi ta yingisa, kambe mi nga ka mi nga twisisi, mi ta vona, kambe mi nga ka mi nga vonisisi.’

Esaya 44:18

A va tivi nchumu, a va na ku twa, hikuva mahlo ya vona ma siveriwe hileswaku va nga voni nchumu, ni timbilu, leswaku ti nga twi nchumu.

Pisalema 119:98

Swileriso swa wena swi ndzi tlharihisa ngopfu ku tlula valala va mina, Hikuva swi na mina hi masiku.

Esaya 1:3

Homu yi tiva mufuwi wa yona, ni mbhongolo yi tiva xidyelo xa n'wini wa yona; Israele a nga tivi nchumu, tiko ra mina a ri twisisi nchumu.

Amosi 3:10

“A va tivi ku endla leswi lulameke, ku vula Yehovha; va hlengeleta etindlwini ta vona leswi phangiweke hi vona hi ku dlaya ni ku onha.”