Swivuriso 28:2 - Xitsonga (Bibele)

² Loko tiko ri ngheniwile hi ku onhaka, tihosi ti tele, Kambe ku fuma ku tiyisiwa hi wanuna wa ku twisisa ni wa vutivi.

BIBELE Mahungu Lamanene

² Loko ku tshuka ku humelela mpfilumpfilu etikweni, lava lavaka vurhangeri, va tele, kambe loko ku ri ni un'we wo tlhariha la nga ni miehleketo, tiko ri ta kuma ku rhula nkarhi wo leha.

Swivuriso 28:2 Referans Kwoze

1 TIHOSI 15:28

Baaxa a n'wi dlaya hi lembe ra vunharhu ra Asa, hosi ya Yuda, kutani a fuma ematshan'weni ya yena.

Hosiya 13:11

Ndzi ku nyikile hosi evukarini bya mina, kutani ndzi ta yi susa eku kariheni ka mina.

Daniele 4:27

Loko swi ri tano, hosi, amukela ku tsundzuxa ka mina. Herisa ku dyoha ka wena hi ku endla hi ku lulama, ni ku homboloka ka wena hi ku tsetselela xisiwana, loko kumbexana ku kateka ka wena ka ha ri ni nkarhi.”

Esaya 58:12

Vanhu va wena va ta tlhela va pfuxa marhumbi ya khale; u ta aka masungulo lama nga vekiwa emikarhini ya khale; kutani u ta vuriwa mupfuxi wa swipetlu, mululamisi wa tindlela ku akisa vanhu etikweni.

Eklesiasta 9:15

A ku ri ni munhu kona wa xisiwana la tlhariheke, hi yena la poniseke muti hi vutlhari bya yena; hambiswiritano, munhu yeloyi wa xisiwana a nga anakanyiwanga hi munhu.

1 TIHOSI 15:25

Nadabu, n'wana Yerobuwamu, a fuma etikweni ra Israele hi lembe ra vumbirhi ra Asa, hosi ya Yuda; a fuma malembe mambirhi etikweni ra Israele.

Swivuriso 11:11

Mikateko ya lavo lulama yi akisa muti, Kambe wu hangalasiwa hi milomu ya lavo hiha.