Swivuriso 28:12 - Xitsonga (Bibele)

¹² Siku lavo lulama va hlulaka, ku twala lokukulu ku kona; Kambe lavo biha loko va tlakuka, vanhu va tumbela.

BIBELE Mahungu Lamanene

¹² Loko lowo lulama a vekiwa ku va hosi, nkhuvo wa kona wu tsakisa ngopfu, kasi loko ku vekiwa lowo homboloka, vanhu va suka va ya tumbela.

Swivuriso 28:12 Referans Kwoze

Swivuriso 29:2

Siku lavo lulama va talaka, tiko ra tsaka, Kambe siku ku fumaka lowo biha, tiko ra rila.

Swivuriso 11:10

Lavo lulama, loko va tsakile, muti wa yimbelela, Kambe siku ku lovaka lavo biha, i huwa ya ku tsaka.

Swivuriso 28:28

Loko ku tlakuka lavo biha, vanhu va tumbela; Siku va lovaka, lavo lulama va tala.

Yeremiya 36:26

Kutani hosi yi byela Yerahamiele, n'wana wa hosi, na Seraya n'wana Aziriele, na Xelemiya n'wana Abideli, leswaku va khoma Baruku, mutsari, ni muprofeta Yeremiya; kambe Yehovha a va fihla.

Yeremiya 5:1

“Fambani hi switarata swa Yerusalema, mi languta, mi vutisa mi lava emitsendzeleni ya kona loko mi nga kuma munhu, hambi a ri un'we, la phikelelaka ku famba hi ku lulama, la lavaka leswo saseka, leswaku ndzi ta tsetselela muti.

Eklesiasta 10:16

U ni khombo wena tiko leri hosi ya wena xi nga xihlangi, leri tihosana ta rona ti dyaka wa ha ri mixo!

2 TIKRONIKA 7:10

Hi siku ra makume mambirhi na manharhu ra n'hweti ya ntlhanu na timbirhi, Solomoni a tlherisa tiko emitsongeni ya rona, va tsakile etimbilwini ta vona, hikuva Yehovha a a katekisile Davhida na Solomoni, na Israele, tiko ra yena.

1 TIHOSI 19:3

Kuteloko a swi vona, a suka a famba hikwalaho ka vutomi bya yena. Kutani a ya fika eBerexeba wa Yuda, a siya kona nandza wa yena;

1 TIHOSI 18:13

Xana hosi ya nga a yi byeriwanga leswi ndzi swi endleke loko Yezabele a dlayile vaprofeta va Yehovha xana? Ndzi fihlile dzana ra vaprofeta va Yehovha ha ntlhanu wa makume ebakweni, ndzi va phamela vuswa ni mati.

1 SAMIELE 24:11

Wa swi vona sweswi hi mahlo ya wena leswaku Yehovha a a ku nyiketile emavokweni ya mina ebakweni. Va ndzi byele ku ku dlaya, kambe ndzi ku tsetselerile, ndzi ku: ‘Ndzi nga ka ndzi nga tlakusi voko ra mina ehenhla ka hosi ya mina, hikuva u muhlawuriwa wa Yehovha.’

Yeremiya 36:19

Kutani vakulukumba va ku eka Baruku: “Famba u ya tumbela, wena, na Yeremiya, mi nga tiviwi hi munhu laha mi nga kona.”