Swivuriso 28:1 - Xitsonga (Bibele)

¹ Lowo biha u tsutsuma hambi a nga landziwi, Kambe lowo lulama u tsakile kukota xinghalana.

BIBELE Mahungu Lamanene

¹ Lowo homboloka, ú tsutsuma hambiloko a nga hlongorisiwi hi munhu, kasi lavo lulama, a va chavi nchumu, va fana ni nghala.

Swivuriso 28:1 Referans Kwoze

Duteronoma 28:7

“Yehovha u ta ku nyika ku hlula valala va wena lava nga ta ku pfuka va ta huma hi ndlela yin'we ku lwa na wena, kambe va ta baleka emahlweni ka wena hi tindlela ta ntlhanu na timbirhi.

Pisalema 53:5

Va ta rhurhumela hi ku chava, Laha ku nga riki na mhaka ya ku chava; Hikuva Xikwembu xi ta hangalasa marhambu ya lava ku rhendzelaka; U ta va khomisa tingana, hikuva Xikwembu xi va cukumetile.

Pisalema 112:7

A nga ka a nga chavi mpfumawulo lowo biha; Mbilu ya yena yi tiyile, yi titshembela Yehovha.

1 Vatesalonika 2:2

kambe, hambi hi rhangile hi twisiwa ku vaviseka, hi xanisiwa eFilipiya, hilaha mi swi tivaka, hi vuya hi tiyisa matimba hi ku tshemba Xikwembu xa hina, ku mi byela Evhangeli exikarhi ka ku lwa lokukulu.

Timhaka 4:13

Kuteloko va vona ku tiya ka Petro na Yohane, kasi a va tiva leswaku i vanhu lava nga dyondzangiki, va ri vanhu ntsena, va hlamala; kambe va va tiva leswaku a va tshamile na Yesu.

Timhaka 14:3

Hambiswiritano, va xwa kona masiku layo tala, va vulavula va tshembile Hosi; kambe a yi ri karhi yi tiyisa rito ra tintswalo ta yona hi ku endla swikombiso ni masingita hi mavoko ya vona.

Yeremiya 20:4

Hikuva Yehovha u te: ‘Waswivo, ndzi ta ku endla ku chava, ku ri ka wena, ni ka maxaka ya wena hinkwawo, va ta wa hi fumu ra lava nga valala va vona, kutani u ta vona sweswo hi mahlo; kambe ndzi ta nyiketa va Yuda hinkwavo emavokweni ya hosi ya Babilona, leswaku a va yisa evukhumbini eBabilona, kutani a va dlaya hi fumu.

Levhitika 26:36

Loko va ri lava nga ta pona, ndzi ta va endla matoya etikweni ra valala va vona; pongo ra tluka leri tsekatsekisiwaka ri ta va hlongola va ta baleka kukotisa loko va baleka emahlweni ka matlhari; va ta wa va nga hlongorisiwi.

Duteronoma 28:25

“Yehovha u ta endla leswaku u hlaseriwa emahlweni ka valala va wena: u ta huma ku lwa na vona hi ndlela yin'we, kambe u ta hlongorisiwa emahlweni ka vona hi tindlela ta ntlhanu na timbirhi, kutani u ta va xihlamariso ematikweni hinkwawo ya misava.

2 TIHOSI 7:15

Kutani va suka, va va landza ku ya fika eYordani, va vona ndlela leyi andlariweke hi tinguvu ni matlhari leswi cukumetiweke hi Vasiriya loko va tsutsuma; kutani tintsumi ti tlhela ti ya tivisa hosi.

Esaya 7:2

Kutani yindlu ya Davhida yi byeriwa leswaku: “Tiko ra Siriya ri tiyimisile ku yima ni tiko ya Efrayimi.” Kavaloko mbilu ya hosi ni timbilu ta vanhu va yena ti tsekatseka, tanihi mirhi ya swihlahla loko yi tsekatsekisiwa hi mheho.

Eksoda 11:8

Kutani malandza hinkwawo walawo ya wena ma ta ta eka mina, ma ta ndzi khinsamela, ma ku: “Suka wena ni tiko hinkwaro ra wena leri ku landzaka. Hi kona ndzi nga ta suka.” Kutani Muxe a suka emahlweni ka Faro a karihile ngopfu.

Levhitika 26:17

Ndzi ta mi languta hi vukari; mi ta tlhaviwa hi valala va n'wina; lava mi vengaka va ta mi fuma, kutani mi ta baleka mi nga hlongorisiwi hi munhu.

Nehemiya 6:11

Ndzi ku: “Xana munhu wo kota mina a nga baleka xana? U kwihi munhu loyi a kotaka mina la nga nghenaka etempeleni leswaku a ta hanya? Ndzi nga ka ndzi nga ngheni kona.”

Swivuriso 27:27

Ntswamba wa timbuti swi ta va swakudya swa wena ni swa yindlu ya wena, Ni swa malandza ya wena ya xisati.

Esaya 30:17

Va khume ra madzana va ta tsutsuma, va chavisa hi munhu a ri un'we; loko lava ntlhanu va mi chavisa, mi ta tsutsuma mi ko mi sala kukotisa mhandze leyi celeriweke enhlohlorhini ya ntshava, ni kukotisa mujeko entsungeni.”

1 TIHOSI 1:49

Kutani hinkwavo lava vitaniweke hi Adoniya va sungula ku rhurhumela va suka, va famba, un'wana ni un'wana endleleni ya yena.

Ntirho 15:21

Nkosi wu pfuma etindleveni ta yena, Hambi ku tsakiwile, muonhi a n'wi wela ehenhla;

Pisalema 53:6

Aa! Ku kutsula ka Israele ku ta pfa rini eSiyoni xana? Siku Xikwembu xi nga ta tlherisa vabohiwa va tiko ra xona, Yakobo u ta khana, Israele u ta tsaka.

Swivuriso 10:9

La fambaka hi ku lulama u famba hi ku rhula, Kambe la homboloxaka mafambele ya yena u ta tiviwa.