Swivuriso 27:23 - Xitsonga (Bibele)

²³ Tivisisa swinene tinyimpfu ta wena ha yin'we, U hlayisa swinene mitlhambi ya wena;

BIBELE Mahungu Lamanene

²³ Tikarhatele ku tiva mintlhambi ya swifuwo swa wena, leswitsongo ni leswikulu, u swi hlayisa swinene,

Swivuriso 27:23 Referans Kwoze

1 Petro 5:2

Risani ntlhambi wa Xikwembu lowu nga na n'wina mi wu langutela, ku nga ri hi ku sindzisiwa, kambe ku va hi ku swi rhandza; ku nga ri hikwalaho ka bindzu lero biha, kambe ku va hi ku chivirika;

2 TIKRONIKA 26:10

A aka makhokholo ni le mananga, a cela kona swihlovo leswo tala; hikuva a a ri ni mitlhambi leyo tala enkoveni ni le rivaleni, ni varimi, ni varimi va tivhinya etintshaveni ta Karmele, hikuva a a rhandza mitirho ya masimu.

Genesa 33:13

Kambe Yakobo a ku: “Hosi yanga, wa swi tiva leswaku swihlangi swi tsanile, ni leswaku ndzi talelwe hi tinyimpfu ni tihomu leti an'wisaka; kutakuloko swi angwetlisiwa hi siku rin'we, swifuwana hinkwaswo swi nga fa.

Swivuriso 24:32

Loko ndzi ri mina, ndzi langutisisa, Ndzi anakanya, ndzi kuma dyondzo kona;

Yohane 10:3

Mulanguteri wa nyangwa u n'wi pfulela, kutani tinyimpfu ti yingisa rito ra yena; a vitana tinyimpfu ta yena hi mavito ya tona, a ti byisa ehandle.

Ezekiele 34:31

N'wina, tinyimpfu ta mina, ntlhambi lowu ndzi wu risaka, mi vanhu; mina ndzi Xikwembu xa n'wina, ku vula Hosi, Yehovha.”

Duteronoma 32:46

Hlayisani etimbilwini ta n'wina marito lawa hinkwawo, lawa ndzi endlaka vumbhoni namuntlha ha wona emahlweni ka n'wina; mi ta ma lerisela vana va n'wina, va ta yingisa ni ku endla hi marito hinkwawo ya nawu lowu.

1 SAMIELE 17:28

Kambe hosi ya yena, Eliyabu, a n'wi yingisa loko a vulavula ni vanhu lava, kutani a karihela Davhida ngopfu, a ku eka yena: “Xana u tele yini kwala, u siye na mani tinyimpfunyana leti nga kole mananga? Ndza tiva ku tikurisa ka wena, ni vutlhari bya mbilu ya wena. U tile ku ta vona nyimpi!”

Eksoda 7:23

Faro a tlhela, a ya endlwini ya yena, a nga vekanga mbilu ya yena eka mhaka leyi.

Swivuriso 24:27

Sasa mitirho ya wena ehandle, U lunghisa ni nsimu ya wena, U ta tiva ni ku aka yindlu ya wena.

Yeremiya 31:10

“Yingisani rito ra Yehovha, n'wina matiko, mi tivisa swihlale swa le kule, mi ku: ‘La hangalaseke Israele wa n'wi hlengeleta, u ta n'wi risa kukotisa murisi la rixaka ntlhambi wa yena.’

Ezekiele 34:12

Ku fana ni ku kambisisa ka murisi entlhambini wa yena hi siku a tshukaka a ri exikarhi ka tinyimpfu ta yena leti hangalakeke, tinyimpfu ta mina ndzi ta ti kambisisa xisweswo, ndzi ti humesa eswivandleni hinkwaswo leswi ti hangalakeleke eka swona, hi siku ra mapapa ni munyama.