Swivuriso 27:20 - Xitsonga (Bibele)

²⁰ Xivandla xa vafi ni tihele a swi xurhi, Mahlo ya munhu, na wona, a ma xurhi.

BIBELE Mahungu Lamanene

²⁰ Xivandla xa vafi ehansi ka misava a xi xurhi, mahlo ya munhu na wona a ma kolwi.

Swivuriso 27:20 Referans Kwoze

Eklesiasta 1:8

Swilo hinkwaswo swa karhateka ku tlula hilaha munhu a nga vulaka hakona: tihlo a ri kolwi hi ku vona, kumbe ndleve a yi tali hi ku yingisa.

1 Yohane 2:16

Hikuva hinkwaswo swa la emisaveni, ku navela ka nyama, ni ku navela ka mahlo ni ku tidzunisa ka vutomi, a swi humi eka Tatana, kambe swi huma emisaveni.

Eklesiasta 6:7

Ntirho hinkwawo wa munhu wu yisiwa enon'wini wa yena, hambiswiritano, ku navela ka yena a ku xurhi.

Habakuku 2:5

Kambe, vhinyo ya xisa; la tikukumuxaka a nga ka a nga rhuli. U ahlamisa moya wa yena ku fana ni sirha; a fana ni rifu, la nga riki na ku xurha, la tihlengeletelaka matiko hinkwawo, a ya tihlengeletela tinxaka hinkwato.”

Eklesiasta 4:8

I munhu la tshameke a ri swakwe, a nga riki na wa vumbirhi, la pfumalaka n'wana kumbe makwavo; hambiswiritano, ntirho wa yena a wu na makumu, na wona mahlo ya yena a ma xurhi rifuwo. Xana ndzi tikarhatela mani, ndzi tsona moya wa mina ku kateka hikwalaho ka mani? Xolexo, na xona, i vuhava, i mhaka leyi nga humeseriki nchumu.

Yeremiya 22:17

“Kasi wena a ku na mahlo, hambi yi ri mbilu, loko yi nga ri ya ku phanga ni ku halata ngati leyi nga riki na nandzu, ni ku tirha ku karhata, ni ku pfukela vanhu matimba.”

Swivuriso 23:5

U swi langutela yini leswi hundzaka? Rifuwo ri ta mila timpapa, Ri haha ehenhla kukotisa gama.

Swivuriso 15:11

Xivandla xa vafi ni xidziva swi le mahlweni ka Yehovha; Ngopfungopfu timbilu ta vana va vanhu!

Ntirho 26:6

Ndhawu ya vafi yi fununguriwe emahlweni ka xona, Swidziva a swi sirheriwi,

Swivuriso 27:19

Ku kota nghohe leyi voniwaka ematini, yi fana ni n'wini wa yona, Mbilu ya munhu yi fana ni mbilu ya munhukulobye.

Hagayi 1:9

A mi langutela leswo tala, kasi vonani, mi kumile leswitsongo; mi swi tisa ekaya, kutani ndzi pfurhete ehenhla ka swona. Hikwalaho ka yini, ku vula Yehovha wa mavandla? Hikwalaho ka yindlu ya mina, yi nga rhumbi, kasi n'wina, un'wana ni un'wana a tsutsumela endlwini ya yena.

Esaya 5:14

Hikwalaho xivandla xa vafi xi ahlamisa khele ra xona, xi pfula nomu hi ku tlurisisa vubombi bya Yerusalema, byi ta xikela kona swin'we ni ntshungu wa yena lowu endlaka dzolonga ni lowu endlaka xikhiri xa ku tsaka.