Swivuriso 25:27 - Xitsonga (Bibele)

²⁷ Ku xurha vulombe byo tala a hi swinene, Kutani ku tilavela ku twala a hi ku twala.

BIBELE Mahungu Lamanene

²⁷ Ku dya vulombe ku tlula mpimo, a swi sasekanga. Swi tano ni loko u nkhensa munhu: U nga tati ngopfu marito.

Swivuriso 25:27 Referans Kwoze

Yohane 5:44

Mi nga pfumerisa ku yini kasi mi rhandza ku dzunisana, mi nga lavi ku dzunisiwa loku humaka eka Xikwembu ntsena?

Swivuriso 27:2

La ku dzunisaka a ve un'wana ri nga ri ririmi ra wena, A a ve un'wana, wu nga ri nomu wa wena.

Vafilipiya 2:3

Mi nga endli nchumu hi ku kanetana, hambi ku ri hi ku tidzunisa ka swahava, kambe un'wana ni un'wana hi ku titsongahata ka yena, a a anakanye leswaku van'wana va n'wi tlula hi vunene.

2 Vakorinto 12:11

Loko ndzi tidzunisa, ndzi endlile hi vuhunguki, kasi hi n'wina mi ndzi susumeteleke kona; hikuva a ndzi fanele ku yimeriwa hi n'wina, hikuva a ndzi tluriwanga ha nchumu hi lava nga vaapostola lavakulu, hambi ndzi nga ri nchumu.

2 Vakorinto 12:1

Kunene a ndzi fanelangi ku tidzunisa, hikuva ndzi nga fika ni ka masingita ni ka swikombiso swa Hosi.

Swivuriso 25:16

Xana u kumile vulombe? U dya hi mpimo, Kumbe xana u nga kolwa u tlhela u hlanta.

Luka 14:11

Hikuva un'wana ni un'wana la titlakusaka, u ta tsongahatiwa; kambe un'wana ni un'wana la titsongahataka, u ta kurisiwa.”

Swivuriso 25:2

Ku twala ka Xikwembu i ku fihla mhaka; kambe ku yi kambisisa i ku twala ka tihosi.