Swivuriso 25:11 - Xitsonga (Bibele)

¹¹ Marito lama vulavuriweke hi nkarhi Ma kotisa malamula ya nsuku entewaneni wa silivhere.

BIBELE Mahungu Lamanene

¹¹ Marito lama vulavuriwaka enkarhini lowu faneleke, ma fana ni maapula ya nsuku exibyeni xa silivhere.

Swivuriso 25:11 Referans Kwoze

Swivuriso 15:23

Munhu u kuma ku tsaka hi ku hlamula ka nomu wa yena, Kutani rito leri humesiwaka hi nkarhi lowu fanekelaka ra nandziha swonghasi!

Esaya 50:4

Hosi, Yehovha, u ndzi nyikile ririmi ra mudyondzisi leswaku ndzi ta kota ku tiyisa hi rito ra mina loyi a heleke mbilu, ri xa nimpundzu, a pfuxa ndleve ya mina leswaku ndzi n'wi yingisa hilaha ku yingisaka vadyondzisiwa.

Eklesiasta 12:10

Mudyondzisi u chivirike ku kuma swihlambanyiso leswi tsakisaka, kutani leswi tsariweke hi ku lulama, i marito ya ntiyiso.

Swivuriso 24:26

La hlamulaka hi marito manene, U ntswontswa munhu enon'wini.

Matewu 12:35

Munhu wa mbilu leyinene u humesa swilo leswinene exumeni lexinene xa yena, kambe munhu wa nsele u humesa swilo leswo biha exumeni lexo biha xa yena.

Swivuriso 25:10

A nga ti tshuka a swi twa, a ku sandza, A ku khomisa tingana leti ku namarhelaka.

1 SAMIELE 25:35

Kutani Davhida a amukela evokweni ra yena leswi a n'wi tiseleke. Kutani a ku eka yena: “Tlhela hi ku tsaka endlwini ya wena; languta, ndzi yingisile rito ra wena, ndzi ku tsetselerile.”

Ntirho 4:4

Rito ra wena a ri pfuxa lava heleke matimba, U tiyisa matsolo la ma rhekarhekaka.