Swivuriso 24:23 - Xitsonga (Bibele)

²³ Lawa, ma ha ri marito ya lavo tlhariha. Ku languta vanhu hi nghohe eku avanyiseni, a swi saseki.

BIBELE Mahungu Lamanene

²³ Swin'wana switsundzuxo swa tintlhari, hi leswi: Ku ya hi nghohe eku avanyiseni ka timhaka, a swi sasekanga.

Swivuriso 24:23 Referans Kwoze

Swivuriso 28:21

Ku ya hi nghohe ya vanhu a swi sasekanga. Hikwalaho ka xipandzwa xa vuswa munhu a nga tlula milawu.

Swivuriso 18:5

A swi saseki ku ya hi nghohe ya mudyohi, Ku kaneta la lulameke eku avanyiseni.

Pisalema 107:43

I mani la tlhariheke? A a tsundzuke timhaka teto! A va a anakanya vunene bya Xikwembu.

Levhitika 19:15

“ ‘Mi nga tshuki mi voyamisa ku lulama eku avanyiseni ka n'wina; u nga tshuki u ya hi nghohe ku lamulela xisiwana, ni ku languta nghohe ya nkulukumba; u ta avanyisa wa rikwenu hi ku lulama.

1 Petro 1:17

Kutani loko mi khongela, mi vula Tatana loyi a nga yiki hi nghohe, kambe a avanyisa un'wana ni un'wana hi mitirho ya yena, hanyani hi ku chava enkarhini wa ku xwa ka n'wina la emisaveni.

Yakobo 3:17

Kambe vutlhari lebyi pfaka ehenhla, ku sungula ka byona i ku tenga, byi engeta byi va ni ku rhula, ni ku olova, ni ku yingisela, byi tele tintswalo, ni mihandzu leyinene, a byi tsekatseki, a byi kanganyisi.

Yohane 7:24

Mi nga avanyisi hi nghohe ntsena, avanyisani hi ku avanyisa loku lulameke.”

Hosiya 14:9

Hi wihi lowa vutlhari, la nga twisisaka timhaka leto, ni la nga ni ku anakanya, leswaku a ti tiva? Hikuva tindlela ta Yehovha ti lulamile; lava lulameke va ta famba eka tona, kambe vatiarisi va ta khunguvanyeka eka tona.

Swivuriso 1:6

Ya ku twisisa swivuriso ni marito ya ku enta, Ni timhaka ta lavo tlhariha, ni dyondzo ya vona leyi fihlekeke.

2 TIKRONIKA 19:7

Sweswi, xichavo xa Yehovha a xi ve ehenhla ka n'wina; tivoneleni hilaha mi nga ta endla hakona, hikuva eka Yehovha, Xikwembu xa hina, a ku na vumbabva hambi ku ri ku ya hi nghohe ya vanhu, ni ku amukela tinyiko.”

Duteronoma 16:19

U nga tshuki u voyamisa ku lulama; u nga tshuki u ya hi nghohe ya vanhu, kambe u nga tshuki u amukela tinyiko, hikuva nyiko yi phumerisa mahlo ya tintlhari, kambe yi onha timhaka ta lavo lulama.

Duteronoma 1:17

Mi nga tshuki mi avanyisa hi ku ya hi nghohe ya vanhu; mi ta yingisa lontsongo kukotisa lonkulu; mi nga tshuki mi chava vanhu, hikuva ku avanyisa ku huma eka Xikwembu; kutakuloko yin'wana mhaka yi mi tsandza, mi ta yi tisa emahlweni ka mina, ndzi ta yi yingisa.’

Swivuriso 22:17

Rhiya ndleve, u yingisa ku vulavula ka tintlhari; U nyiketa mbilu ya wena evutivini bya mina.

Ntirho 13:8

Xana mi ta languta nghohe ya xona? Kumbe mi rhandza ku tiveka vayimeri va Xikwembu xana?