Swivuriso 23:35 - Xitsonga (Bibele)

³⁵ Hi kona u nga ta ku: “Va ndzi bile — a ndzi twanga ku vava; Va ndzi balesile — a ndzi twanga nchumu! Ndzi ta pfuka rini? Ndzi ta tlhela ndzi yi lava kambe!”

BIBELE Mahungu Lamanene

³⁵ U ta ku: “Va ndzi himile, kambe a ndzi twanga ku vava, va ndzi bile, kambe a ndzi swi vonanga. Ri ta xa rini, ndzi ta ya susa babalaza!”

Swivuriso 23:35 Referans Kwoze

Yeremiya 5:3

Oho Yehovha! Xana mahlo ya wena a ma tivi ku lulama-ke? Wa va ba, kambe a va twi ku vavisa; wa va herisa, kambe va ala ku amukela ku layiwa; va tinonon'hwisile mimombo ya vona ku tlurisa ribye, kutani va ala ku hundzuka.

Esaya 56:12

“Tanani, ndzi ta lava vhinyo, kutani hi ta nwa leswi nga vila swinene! Mundzuku hi ta endlisa sweswo, ni ku tlurisa!”

Swivuriso 27:22

Hambi u kandza xihunguki entshurini, U kandza hi musi u pfanga ni mavele lama siriwaka, Vuhunguki bya xona byi nga ka byi nga n'wi sukeli.

Swivuriso 26:11

Ku kota mbyana loko yi tlhela yi dya mahlanta ya yona, Xihunguki xi vuyela sweswo evuhungukini bya xona.

2 Petro 2:22

Kambe va humeleriwe hi mhaka ya xivuriso lexinene lexi nge: Mbyana yi tlhelele emahlantini ya yona, ni nguluve, loko yi hlantswiwile yi tlhela yi puluvundza endzhopeni.

Vaefesa 4:19

Kutani a va ha twi nchumu, va tinyiketile vuhunguki, ku tirha vumbhisa hinkwabyo, hi ku navela loku nga korwiki.

Yeremiya 31:18

“Ndzi twile Efrayimi loko a tirilela, a ku: ‘U ndzi holovele hi ku holova loku kotisaka xinkuzana lexi nga siki dyondzisiwaka: Ndzi tlherisele eka wena, hi kona ndzi nga ta tlhela; hikuva u Yehovha, Xikwembu xanga!

Esaya 22:13

Kasi, maswivo, i nkhuvo ni ku tsaka! Ku tlhaviwa tihomu ku tlhaviwa tinyimpfu; ku dyiwa tinyama, ku nwiwa vhinyo: mi ku: “A hi dyeni, a hi nweni, hikuva mundzuku hi ta fa!”

Duteronoma 29:19

kambe ku nga tshuki ku va ri munhu, kutakuloko a yingisile marito ya ndzhukano, a miyeta mbilu ya yena, a ku: ‘Ndzi ta va ni ku rhula, hambi ndzi nga famba eku tirhandzeleni ka mbilu yanga,’ leswaku la xurheke a kokela la nga ni torha.

Swivuriso 23:34

U ta kotisa munhu loyi a etlelaka exidziveni xa lwandle, Ni loyi a etlelaka exihondzweni xa byatso.