Swivuriso 23:29 - Xitsonga (Bibele)

²⁹ Makhombo i ya mani xana? “Yoo! Mina!” I swa mani? Timholovo i ta mani? Mikosi i ya mani? Vuntswaka i bya mani? I ya mani mahlo yo tshuka?

BIBELE Mahungu Lamanene

²⁹ Ku ni vanhu lava tshamelaka ku konya ni ku gomela, vanhu va vuntswaka, lava nga ku vileleni minkarhi hinkwayo, lava kumaka timbanga swi nga fanelanga, lava tshamaka va tshwukile mahlo! Xana vanhu lava, i vamani xana?

Swivuriso 23:29 Referans Kwoze

Vaefesa 5:18

Kutani mi nga tshuki mi pyopyiwa hi vhinyo, hikuva yi ni vuhunguki, kambe mi tala Moya,

Esaya 5:22

Va ni khombo lava nga ni matimba eku nweni ka vhinyo ni lava nga ni matimba eku kandzeleni ka byalwa;

Esaya 5:11

Va ni khombo lava vindzukaka ku tsutsumela swakunwa leswi pyopyisaka, ni lava hitekaka nivusiku, va hisiwa hi vhinyo.

Swivuriso 23:21

Hikuva xidakwa ni wa makolo va tivangela vusiwana; Ku rhandza vurhongo i ku tifunengeta hi switlakati.

Nahume 1:10

Hikuva hambi va phasetelanile kukotisa emitweni, va pyopyile hi swakunwa swa vona, va ta hisiwa hinkwavo ku fana ni mungu lowu omeke.

Swivuriso 20:1

Vhinyo i musandzi, byalwa i pongo, Hinkwavo lava tinyiketaka ka swona a va na vutlhari.

2 SAMIELE 13:28

Abixalomu a lerisa malandza ya yena, a ku: “Xiyani swinene, kutakuloko mbilu ya Aminoni yi tsakisiwa hi vhinyo, ni loko ndzi ku eka n'wina: ‘Dlayani Aminoni!’ Mi ta n'wi dlaya, mi nga chavi, a ndzi mi lerisanga sweswo xana? Tiyani timbilu, mi va tinhenha!”

Genesa 49:12

Mahlo ya yena ma hatima hi vhinyo; Ni meno ya yena yi basile hi ntswamba.

2 SAMIELE 11:13

Kavaloko Davhida a rhuma ku n'wi vita, leswaku a dya a nwa emahlweni ka yena, kutani Davhida a n'wi pyopyisa; kambe nimadyambu, a huma ku ya etlela esangwini ra yena ni malandza ya hosi ya yena, a nga xikelanga endlwini ya yena.

Swivuriso 23:20

U nga toloveli munwi wa byalwa, Ni vadyi va tinyama;

Genesa 19:33

Kutani va nwisa tata wa vona vhinyo hi vusiku lebyi, kutani lowa hosi a ya etlela ni tata wa yena; kambe yena a nga tivanga nchumu ni loko a ya etlela ni loko a pfuka.