Swivuriso 22:4 - Xitsonga (Bibele)

⁴ Hakelo ya ku titsongahata ni ya ku chava Yehovha i rifuwo, ni ku kwetsima, ni vutomi.

BIBELE Mahungu Lamanene

⁴ Titsongahate, u chava HOSI Xikwembu, kutani u ta kuma rifuwo, ni ku dzuneka, ni vutomi.

Swivuriso 22:4 Referans Kwoze

Matewu 6:33

Kambe rhangani mi tilavela ku fuma ka Xikwembu ni ku lulama ka xona kutani leswo hinkwaswo mi ta engeteleriwa swona.

Yakobo 4:10

Titsongahateni emahlweni ka Hosi, kutani yi ta mi tlakusa.

Swivuriso 21:21

La tsutsumelaka ku lulama ni tintswalo, U ta kuma vutomi, ni ku lulama, ni ku twala.

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Swivuriso 3:16

Ku leha ka masiku ku le vokweni ra xinene ra byona; Ku fuma ni ku twala swi le vokweni ra ximatsi.

Yakobo 4:6

Kasi wu hi engetela tintswalo hikwalaho wu nge: “Xikwembu xi alela lava tikurisaka, kambe xi tsetselela lava titsongahataka.”

Esaya 33:6

Masiku ya wena ma ta tiya; kutani kuluko wu ta va kona wa ku hlayiseka, ni vutlhari, ni ku tiva; kutani ku chava Yehovha ku ta va rifuwo ra Yuda.

1 Timotiya 4:8

Hikuva ku titiyisa emirini swa pfunanyana; kambe vukhongeri byi pfuna hinkwako, byi ni ku tshembisa ka vutomi bya sweswi ni ka lebyi nga ta ta.

Swivuriso 21:20

Vukosi byo naveta ni mafurha swi le ndlwini ya la tlhariheke, Kambe xihunguki xi swi mita ntsena.

Swivuriso 22:3

Munhu wa vutlhari u vona khombo, kutani a tumbela, Kambe varivali va ya emahlweni va biwa.

Swivuriso 22:5

Mitwa ni mitlhamu yi le ndleleni ya munhu wo homboloka; La hlayisaka moya wa yena u ta yi papalata.

Swivuriso 29:23

Ku tikukumuxa ka munhu ka n'wi tsongahata, Kambe wa mbilu yo titsongahata u ta fikela eku vonakaleni.

Swivuriso 31:30

Ku saseka ka kanganyisa, vumbhurhi i vusinge! Wansati la chavaka Yehovha hi yena la nga ta dzunisiwa.

Daniele 4:36

Enkarhini wolowo ku tiva ku tlhelele eka mina, ku kwetsima ka vuhosi bya mina, ni vukulukumba bya mina, ni vulombi bya mina swi tlherisiwe eka mina; vatsundzuxi va mina, ni tindhuna ta mina va ta ndzi teka, kutani ndzi vuya ndzi vekiwa evuhosini, kutani ndzi engeteleriwa hi vukulukumba lebyi tlurisaka.

Swivuriso 19:23

Xichavo xa Yehovha xi yisa evutomini, U ta xurha, a etlela, a nga humeleri hi khombo.