Swivuriso 22:23 - Xitsonga (Bibele)

²³ Hikuva Yehovha u ta va lamulela, Lava va dyeke u ta va tekela vutomi.

BIBELE Mahungu Lamanene

²³ hikuva HOSI Xikwembu xi ta va lwela, kutani xi herisa vutomi bya lava va va xanisaka.

Swivuriso 22:23 Referans Kwoze

Pisalema 140:12

Ndza tiva leswaku Yehovha u lamulela vaxaniseki, U lulamisela vapfumari.

Pisalema 12:5

“Hikwalaho ka khombo ra swisiwana ni ku rila ka vapfumari, Ndzi ta pfuka sweswi,” ku vula Yehovha; “Ndzi ta ponisa lava xanisiwaka.”

Swivuriso 23:11

Hikuva murihiseri wa xona u ni matimba, U ta xi yimela a xi lwela.

Yeremiya 51:36

Hikwalaho ku vula Yehovha, a ku: “Vonani, ndzi ta ku yimelela ehubyeni kutani ndzi ta ku rihisela; ndzi ta omisa lwandle ra yena, ndzi phyisa xihlovo xa yena;

1 SAMIELE 25:39

Davhida a twa leswaku Nabala u file, kutani a ku: “A ku katekisiwe Yehovha la kaneleke mhaka ya mina exisandzwini lexi Nabala a ndzi sandzeke ha xona, kutani a sivele nandza wa yena ku dyoha, Yehovha u tlherisile ku biha ka Nabala enhlokweni ya yena.” Kavaloko Davhida a rhuma vanhu eka Abigayele ku n'wi vutela yena.

Pisalema 35:10

Marhambu hinkwawo ya mina ma ta ku: “Yehovha, i mani la fanaka na wena, La ponisaka xisiwana eka la n'wi tlulaka hi matimba, La nga ekhombyeni ni swisiwana, eka vawutleri va vona.”

Pisalema 43:1

Ndzi avanyisele, Xikwembu, u ndzi lwela Eka rixaka leri nga ku rhandziki; Ndzi ponise ka munhu wa ku hemba ni wa ku homboloka.

Malakiya 3:5

Ndzi ta tshinela eka n'wina ku endla ku avanyisa, ndzi va mbhoni leyi hatlisaka eka timhaka ta vangoma ni vaoswani, ni lava hlambanyaka hi mavunwa, ni lava tekaka hakelo ya la hakeriwaka, ni ya noni, ni ya xisiwana, ni lava hambukisaka wamatiko, ni lava nga ndzi chaviki, ku vula Yehovha wa mavandla.

Mikiya 7:9

Ndzi ta rhwala ku kariha ka Yehovha, hikuva ndzi n'wi dyoherile, leswaku a ta ndzi pfuna emitengweni ya mina, kutani a ndzi avanyisela. U ta ndzi humesela eku vonakaleni, kutani ndzi ta hlalela ku lulama ka yena.

Yeremiya 50:34

Kambe mukutsuri wa vona u ni matimba, Yehovha wa tinyimpi i vito ra yena. Kunene, u ta va avanyisela ku nyika tiko ku wisa, kutani a pfilunganya vaaki va Babilona.

Habakuku 2:8

Hikuva u onhile matiko lamanyingi, misalo hinkwayo ya matiko yi ta ku onhela, hikwalaho ka ngati ya vanhu, ni hikwalaho ka ku pfukela tiko matimba, ni muti, ni hinkwavo lava akeke eka wona.

Esaya 33:1

U ni khombo wena muonhi la nga siki onhiwaka! Wena muyivi, ku nga siki yiviwaka swa wena! Kutakuloko u hetile ku onha, u ta onhiwa, loko u hetile ku yiva, ku ta yiviwa swa wena.

Pisalema 68:5

Tatana wa swisiwana ni muyimeri wa tinoni, Hi lexi Xikwembu xi nga xona endlwini leyo kwetsima ya xona.

Pisalema 35:1

Oho Yehovha! Ndzi lwele eka lava ndzi pfukaka, Lwana ni lava lwaka na mina!

1 SAMIELE 24:12

Languta tatana, vona nguvu ya wena evokweni ra mina. Leswi ndzi xekeke nguvu ya wena ndzi nga ku dlayanga, tiva ni ku vona leswaku a ku na ku biha ni ku dlaya evokweni ra mina, ni leswaku a ndzi ku dyohelanga; kambe wena wa ndzi hlongorisa ku ndzi tekela vutomi.

1 SAMIELE 24:15

Hosi ya Israele yi humile endzhaku ka mani xana? U landzela mani xana? I mbyana leyi feke, kumbe vutseka xana?

Eksoda 22:22

Mi nga tshuki mi xanisa wansati wa noni, hambi xi ri xisiwana xa n'wana.

Eksoda 22:23

Loko u va xanisa, kutani va ndzi khongela, ndzi ta va yingisa kunene, kutani ndzi ta kariha, ndzi mi dlaya hi tlhari;

Pisalema 12:6

Marito ya Yehovha i marito layo tenga; I ntsopfu lowu basisiweke entshengelweni, Lowu nyukisiweke kantlhanu na kambirhi.

Pisalema 103:6

Yehovha u avanyisela lava xanisiwaka hinkwavo, A va endlela hi ku lulama.

Pisalema 140:13

Ina, lava lulameke va ta dzunisa vito ra wena, Vanhu vo lulama va ta tshama emahlweni ka wena.

Swivuriso 21:7

Ku onha ka vadyohi ku ta va phatlula, Hikuva va ala ku endla leswo lulama.

Yeremiya 30:16

Hambiswiritano hinkwavo lava ku dyaka va ta dyiwa hinkwavo lava ku kamanyetaka va ta yisiwa eku bohiweni, lava ku nyenyemukaka va ta nyenyemukiwa hinkwavo lava ku onhaka ndzi ta va nyiketa eku onhakeni.