Swivuriso 21:15 - Xitsonga (Bibele)

¹⁵ Swi tsakisa la lulameke, ku endla ku lulama Kambe i ku dlawa ka lavo homboloka.

BIBELE Mahungu Lamanene

¹⁵ Maavanyisele lamanene ya timhaka ma tsakisa lava lulameke, kambe ma tisa gome eka lavo biha timbilu.

Swivuriso 21:15 Referans Kwoze

Swivuriso 10:29

Ndlela ya Yehovha i khokholo eka la tengeke, Kambe eka lavo homboloka i ku lova ntsena.

Matewu 7:23

Enkarhini wolowo ndzi ta va byela erivaleni, ndzi ku: ‘A ndzi mi tivanga, ni siku ni rin'we; sukani eka mina, n'wina vadyohi.’

Esaya 64:5

U tile ku hlanganisa loyi a endlaka hi ku tsaka leswi lulameke, ni lava ku tsundzukaka, va ri karhi va famba emitileni ya wena. Waswivo, u karihile, hikuva hi ku dyoherile a swi ri tano ni khale, hi ta pona xana?

Eklesiasta 3:12

Hikwalaho ndza swi tiva leswaku a ku na vunene eka vona, loko ku nga ri ku titsakela ni ku tiendlela vunene eku hanyeni ka vona.

Swivuriso 21:12

La lulameke u tsundzuka yindlu ya lowo biha; Yehovha u wisela lavo biha ekhombyeni.

Swivuriso 5:20

N'wananga, u nga kokisiwa ku yini hi nsati wa mbiri? U nga tikhumbarhetisa ku yini exifuveni xa nghwavavana xana?

Pisalema 119:16

Ndzi titsakisa hi timfanelo ta wena, Kambe a ndzi rivali rito ra wena.

Pisalema 112:1

Dzunisani Yehovha! Ku katekile munhu la chavaka Yehovha, A tsakelaka ngopfu milawu ya yena.

Pisalema 40:8

Xikwembu xanga, ndzi tsakela ku endla ku rhandza ka wena! Kutani nawu wa wena wu le mbilwini ya mina.”

Varhoma 7:22

Hikuva ndzi tsakela nawu wa Xikwembu hi munhu la nga exikarhi ka mina;

Yohane 4:34

Yesu a ku eka vona: “Swakudya swa mina i ku endla ku rhandza ka la ndzi rhumeke, ni ku heta ntirho wa yena.

Pisalema 119:92

Loko ingi nawu wa wena a wu ndzi tsakisanga, Ingi ndzi herile emakhombyeni ya mina.

Swivuriso 21:16

Munhu la hambukaka ndlela ya ku anakanya U ta ya tshama enhlengeletanweni ya vafi.