Swivuriso 21:11 - Xitsonga (Bibele)

¹¹ Loko ku rihisiwa musandzi, varivali va tlhariha, Loko ku dyondzisiwa la tlhariheke u amukela vutivi.

BIBELE Mahungu Lamanene

¹¹ Lavo pfumala vutivi, va tlhariha loko va vona musandzi a biwa, kasi munhu wo tlhariha yena, loko a dyondzisiwa, ú engetelela vutivi bya yena.

Swivuriso 21:11 Referans Kwoze

Swivuriso 19:25

Bana musandzi, murivali a ta tlhariha, Holovela munhu wa ku anakanya, u ta twisisa vutivi.

Swivuriso 18:15

Mbilu ya munhu wa ku anakanya yi fuwa vutivi, Ni tindleve ta lavo tlhariha ti lava byona.

Swivuriso 9:9

Dyondzisa la nga ni ku anakanya, u ta engeta a tlhariha, U dyondzisa la lulameke, u ta engetela ku tiva ka yena.

Timhaka 5:5

Kakuloko Ananiya a twa marito walawo, a wela ehansi, a hlala. Kutani vayingisi hinkwavo, va khomiwa hi ku chava lokukulu.

Swivuriso 18:1

Munhu la tihlawulaka eka van'wana u lava ku titsakisa ntsena, U hlunamela hinkwaswo leswi nga ni mfanelo.

Nhlavutelo 11:13

Enkarhini wolowo ku tsekatseka lokukulu ka misava ku va kona, kutani ku avanyisa ka khume ka muti ku hindzimuka, vanhu va ntlhanu wa magidigidi na magidigidi mambirhi 7 000 va dlawa hi ku tsekatseka kuloku ka misava; kutani van'wana va khomiwa hi ku chava, va dzunisa Xikwembu xa le tilweni.

Swivuriso 15:14

Mbilu ya munhu wo tlhariha yi lava vutivi, Kambe milomu ya swihunguki yi dya vuhunguki.

Swivuriso 1:5

La tlhariheke, a a yingise, u ta tiengetela ku tiva; La nga ni ku twisisa u ta tikumela mano

Duteronoma 21:21

Vavanuna hinkwavo va muti wa yena va ta n'wi khandla hi maribye leswaku a fa, hi mukhuva wolowo u ta susa lowo biha exikarhi ka wena kutani Vaisraele hinkwavo va ta swi yingisa, va ta chava.

Duteronoma 13:11

Vaisraele hinkwavo va ta swi twa, va ta chava, kutani va nga ka va nga sunguli kambe ku endla leswo biha leswo tano exikarhi ka n'wina.

Tinhlayo 16:34

Kutani Vaisraele hinkwavo lava va rhendzeleke va tsutsuma hi ku kolola ka vona; hikuva a va ku: “A hi chaveni leswaku misava yi nga hi miti na hina.”

Swivuriso 9:7

La layaka musandzi u tilavela xisandzu, Ni la tshinyaka lowo biha wa kuma xivati.