Swivuriso 20:7 - Xitsonga (Bibele)

⁷ Munhu wo lulama u famba eku lulameni ka yena, Ku katekile vana va yena lava n'wi landzaka.

BIBELE Mahungu Lamanene

⁷ Munhu wo lulama loyi a endlaka leswi lulameke, ú siyela vana va yena ndzhaka ya minkateko.

Swivuriso 20:7 Referans Kwoze

Pisalema 112:2

Rixaka ra yena ri ta va ni matimba emisaveni; Vatukulu va lavo lulama va ta katekisiwa.

Pisalema 37:26

U ni tintswalo hi masiku hinkwawo a va a lomba, Kutani vatukulu va yena va katekile.

Yeremiya 32:39

Ndzi ta va nyika mbilu yin'we, ni ndlela yin'we ya ku ndzi chava hi masiku, va ta kateka vona, ni vana va vona endzhaku ka vona.

2 Vakorinto 1:12

Hikuva ku tidzunisa ka hina ku le vumbhonini bya ripfalo ra hina; hikuva hi hanyile ematikweni, ngopfu exikarhi ka n'wina, hi mbilu leyi pfumalaka mano, hi ri ni vunene bya Xikwembu, byi nga ri vutlhari bya nyama, kambe ti ri tintswalo ta Xikwembu.

Timhaka 2:39

Hikuva ku tshembisa loku, ku hlayeriwe n'wina ni vana va n'wina, ni hinkwavo lava nga ekule, lava va ha taka vitiwa hi Hosi, Xikwembu xa hina.”

Swivuriso 19:1

Xisiwana lexi fambaka hi ku lulama ka xona, Xi tlula wa ku homboloka emilon'wini ya yena, xi nga xihunguki.

Swivuriso 13:22

Munhu lonene u siyela vatukulu ndzhaka, Kambe rifuwo ra mudyohi ri siyeriwa la lulameke.

Swivuriso 14:2

La fambaka hi ku lulama u chava Yehovha, Kambe la homboloxaka tindlela ta yena wa n'wi tsan'wa.

Pisalema 15:2

Hi la hanyaka eku lulameni, a endla leswi lulameke, Kutani a vula leswi tiyeke hilaha swi nga kona embilwini ya yena.

Genesa 17:7

“Kutani ndzi ta tiyisa ntwanano wa mina exikarhi ka mina na wena, ni vatukulu va wena endzhaku ka wena, etinxakeni ta vona, wu va ntwanano lowu nga heriki, ndzi ta va Xikwembu xa wena ni xa vatukulu va wena endzhaku ka wena.

Luka 1:6

Ha vambirhi a va lulamile emahlweni ka Xikwembu, a va famba emilawini hinkwayo, ni le ku leriseni hinkwako ka Hosi, va nga soriwi ha nchumu.

Pisalema 26:1

Yehovha, ndzi avanyisele, hikuva ndzi hanya hi ku lulama ka mina. Ndzi tshembile Yehovha, ndzi nga ka ndzi nga tsekatseki.

Esaya 33:15

U ta va loyi a fambaka endleleni ya ku lulama, la vulavulaka swo lulama, la sandzaka rifuwo leri tekiweke hi matimba, la nikinaka mavoko ya yena a nga ti tshuka a amukela tinyiko, a tisiva tindleve, leswaku a nga tshuki a twa timhaka ta ku dlaya, la swinyaka mahlo leswaku a nga voni swo biha.

Pisalema 26:11

Loko ndzi ri mina, ndzi famba hi ku lulama ka mina; U ndzi hlayisa, u ndzi endla hi tintswalo.

Ntirho 1:1

Munhu a a ri kona etikweni ra Usi, vito ra yena a a ri Yobo. A a ri munhu la fambaka hi ku tenga ni ku lulama; a chava Xikwembu, a tinga swo biha.

Swivuriso 14:26

Exichabyeni xa Yehovha ku ni ku tshemba ka xiviri, Kutani eka vana va yena i xichavelo.