Swivuriso 20:6 - Xitsonga (Bibele)

⁶ Lava tivulaka vunene va tele, Kambe munhu la tshembekaka a nga kumiwa hi mani?

BIBELE Mahungu Lamanene

⁶ Va tele vanhu lava tivulaka lavo tshembeka, kambe loyi hakunene a tshembekeke, wa kala swinene.

Swivuriso 20:6 Referans Kwoze

Pisalema 12:1

Hi hlayise, Yehovha! Hikuva vanhu lavanene va hela, Lavo tshembeka va lova exikarhi ka vana va vanhu.

Matewu 6:2

Hikwalaho, loko u nyika swisiwana, u nga tshuki u yimba nanga emahlweni ka wena, u kotisa leswi vamandzendze va swi endlaka emasinagogeni, ni le mitsendzeleni, leswaku va ta dzunisiwa hi vanhu. Kunene ndza mi byela leswaku va kumile hakelo ya vona.

Luka 18:8

Ndzi ri eka n'wina, xi ta hatlisa xi va rihisela. Kambe, kutakuloko N'wana wa Munhu a ta, xana mi ehleketa leswaku u ta kuma ku pfumela ku ri kona emisaveni xana?”

Luka 22:33

Kambe Petro a ku eka yena: “Ndzi tilunghisele ku ya na wena ekhotsweni ni le eku feni.”

Luka 18:11

Mufarisi a a yimile hitlhelo rin'wana a khongerisa sweswo, a ku: ‘Xikwembu, ndza ku khensa hikuva a ndzi fani na vanhu van'wana, va nga makhamba ni swidyohi ni vaoswi, ku kota munhu loyi wa muluvisi.

Swivuriso 27:2

La ku dzunisaka a ve un'wana ri nga ri ririmi ra wena, A a ve un'wana, wu nga ri nomu wa wena.

Swivuriso 25:14

La tidzunisaka hi ku hanana ka mavunwa, U kotisa papa ni mheho leyi hungaka, mpfula ku ri hava.

Yeremiya 5:1

“Fambani hi switarata swa Yerusalema, mi languta, mi vutisa mi lava emitsendzeleni ya kona loko mi nga kuma munhu, hambi a ri un'we, la phikelelaka ku famba hi ku lulama, la lavaka leswo saseka, leswaku ndzi ta tsetselela muti.

2 Vakorinto 12:11

Loko ndzi tidzunisa, ndzi endlile hi vuhunguki, kasi hi n'wina mi ndzi susumeteleke kona; hikuva a ndzi fanele ku yimeriwa hi n'wina, hikuva a ndzi tluriwanga ha nchumu hi lava nga vaapostola lavakulu, hambi ndzi nga ri nchumu.

Yohane 1:47

Yesu a vona Nataniele loko a ta eka yena, kutani a n'wi vula, a ku: “Vonani Muisraele wa xiviri, loyi ku nga riki na ku kanganyisa eka yena.”

Luka 18:28

Kavaloko Petro a ku: “Waswivo, hi tshikile hinkwaswo, hi ku landzela.”

Mikiya 7:2

Munhu lonene u lovile emisaveni, a ka ha ri na la lulameke exikarhi ka vanhu. Hinkwavo va bvutama ku halata ngati, un'wana ni un'wana u rhiyile makwavo hi ntlhamu.

Eklesiasta 7:28

Ni sweswi mbilu ya mina ya ha xi lava, kambe a yi si xi kuma; exikarhi ka khume ra madzana ya vanhu ndzi kumile wanuna un'we, kambe exikarhi ka vavasati hinkwavo, wansati a ndzi n'wi kumanga.

Swivuriso 20:5

Makungu embilwini ya munhu i xihlovo xa ku enta, Wa ku twisisa u tiva ku ya ka xona.

Pisalema 12:2

Va hembelana ku yenga ku le milon'wini ya vona, Va vulavula, va ni timbilu timbirhi.

Mikiya 7:1

Yo mina! Ndzi kotisa nsimu loko ku tshoveriwe mihandzu ya yona, ni nsimu ya tivhinya leyi nkun'hurisiweke; a ka ha ri na xidzumba xa vhinya lexi nga dyiwaka, ni swingana swa nkuwa leswi rhandziwaka hi moya wa mina.