Swivuriso 20:1 - Xitsonga (Bibele)

¹ Vhinyo i musandzi, byalwa i pongo, Hinkwavo lava tinyiketaka ka swona a va na vutlhari.

BIBELE Mahungu Lamanene

¹ Vhinyo ya sandzisa, byalwa byi vanga huwa, hinkwavo lava yengiwaka hi swona, a va tlharihanga.

Swivuriso 20:1 Referans Kwoze

Hosiya 4:11

Vooswi, ni vhinyo, ni byalwa swi herisa miehleketo.

Vaefesa 5:18

Kutani mi nga tshuki mi pyopyiwa hi vhinyo, hikuva yi ni vuhunguki, kambe mi tala Moya,

Esaya 28:7

Kambe na vona va voyavoyamela evhinyweni, va solovanya hi byalwa; muprista ni muprofeta va dedeleka ebyalweni, va nwela evhinyweni, va solovanya loko va profeta, va dedeleka; loko va avanyisa, va voyama.

Swivuriso 31:4

A hi tihosi, wena Lemuwele, A hi tihosi leti lulameleke ku nwa vhinyo, Hambi ti ri tihosana, eku navela byalwa lebyi pyopyisaka;

1 Vakorinto 6:10

Mi nga tshuki mi lahleka: Loko va ri va thyaka, ni lava gandzelaka swifaniso, ni vaoswi, ni swipombolo, ni loko va ri va Sodoma, ni vayivi, ni lava navelaka rifuwo, ni vapyopyi, ni lava hlevaka van'wana, ni lava dyelelaka, lavo tano, va nga ka va nga dyi ndzhaka ya ku fuma ka Xikwembu.

Vagalatiya 5:21

ni makwanga, ni ku pyopyiwa, ni makolo, ni swilo leswo tano, leswi ndzi mi byelaka erivaleni, kukotisa leswi ndzi tshamaka ndzi mi byela leswaku, lava endlaka leswo tano, va nga ka va nga dyi ndzhaka ya ku fuma ka Xikwembu.

2 SAMIELE 11:13

Kavaloko Davhida a rhuma ku n'wi vita, leswaku a dya a nwa emahlweni ka yena, kutani Davhida a n'wi pyopyisa; kambe nimadyambu, a huma ku ya etlela esangwini ra yena ni malandza ya hosi ya yena, a nga xikelanga endlwini ya yena.

Esaya 56:12

“Tanani, ndzi ta lava vhinyo, kutani hi ta nwa leswi nga vila swinene! Mundzuku hi ta endlisa sweswo, ni ku tlurisa!”

Esaya 5:22

Va ni khombo lava nga ni matimba eku nweni ka vhinyo ni lava nga ni matimba eku kandzeleni ka byalwa;

Hosiya 7:5

Hi siku ra nkhuvo wa hosi ya hina, tindhuna ti tivabyisa hi vukari bya vhinyo, yena a tshambuluta voko ra yena eka lava hlekisaka.

2 SAMIELE 13:28

Abixalomu a lerisa malandza ya yena, a ku: “Xiyani swinene, kutakuloko mbilu ya Aminoni yi tsakisiwa hi vhinyo, ni loko ndzi ku eka n'wina: ‘Dlayani Aminoni!’ Mi ta n'wi dlaya, mi nga chavi, a ndzi mi lerisanga sweswo xana? Tiyani timbilu, mi va tinhenha!”

Levhitika 10:9

“Mi nga tshuki mi nwa vhinyo ni byalwa, hambi u ri wena, hambi va ri vana va wena, loko mi ta nghena etabernakeleni ya nhlengeletano, mi nga ta fa; i nawu lowu nga heriki etinxakeni hinkwato,

Swivuriso 23:20

U nga toloveli munwi wa byalwa, Ni vadyi va tinyama;

Habakuku 2:5

Kambe, vhinyo ya xisa; la tikukumuxaka a nga ka a nga rhuli. U ahlamisa moya wa yena ku fana ni sirha; a fana ni rifu, la nga riki na ku xurha, la tihlengeletelaka matiko hinkwawo, a ya tihlengeletela tinxaka hinkwato.”

Esaya 5:11

Va ni khombo lava vindzukaka ku tsutsumela swakunwa leswi pyopyisaka, ni lava hitekaka nivusiku, va hisiwa hi vhinyo.